Mehriban Məmmədova

Vikipediya, azad ensiklopediya
Jump to navigation Jump to search
Mehriban Məmmədova
Mehriban Əli qızı Məmmədova
Doğum tarixi 23 may 1966(1966-05-23)
Doğum yeri Azərbaycan Respublikası, Bakı şəhəri,
Vətəndaşlığı
Azərbaycan Azərbaycan
Elm sahəsi Mexanika
Elmi dərəcəsi Fizika-riyaziyyat elmləri namizədi
Elmi adı dosent
İş yeri Azərbaycan Milli Elmlər Akademiyası Riyaziyyat və Mexanika İnstitutu

Mehriban Əli qızı Məmmədova AMEA-nın Riyaziyyat və Mexanika İnstitutunun Sürüncəklik nəzəriyyəsi şöbəsinin aparıcı elmi işçisi, fizika-riyaziyyat üzrə fəlsəfə doktoru, dosent

Həyatı[redaktə | əsas redaktə]

Mehriban Əli qızı Məmmədova 23 may 1966-cı ildə Azərbaycan Respublikasının Bakı şəhərində anadan olmuşdur. 1988-ci ildə S.M.Kirov adına Azərbaycan Dövlət Universitetinin mexanika-riyaziyyat fakultəsini fərqlənmə diplomu ilə bitirmişdir. Həmin ildən gənc mütəxəssis kimi AMEA-nın Riyaziyyat və Mexanika İnstitutunun Xüsusi Konstruktor Bürosunda təyinatla mühəndis vəzifəsində çalışmışdır. 1997-ci ilin aprelindən AMEA-nın Riyaziyyat və Mexanika İnstitutunun "Sürüncəklik nəzəriyyəsi" şöbəsində elmi işçi olaraq işləməyə başlamışdır. 1997-2001-ci illərdə RMİ-nin dissertantı olmuşdur. 2001-ci ildə "Özlüelastikplastik cisimlərin uzunmüddətli tərarlanan yükə davamlılığında zədələrin yığılmasının inkubasiya dövrünün nəzərə alınması" mövzusunda fizika-riyaziyyat elmləri namizədi elmi dərəcəsi almaq üçün dissertasiyanı müdafiə etmişdir. 1997-2004-cü illərdə "Sürüncəklik nəzəriyyəsi" şöbəsində elmi işçi, 2004-2013-cü illərdə böyük elmi işçi, 2013-cü ildən indiyədək aparıcı elmi işçi vəzifəsində işləyir. 2006-cı ildə dosent elmi adını almışdır.

Təhsili[redaktə | əsas redaktə]

1983-1988-ci illərdə Azərbaycan Dövlət Universiteti (indiki BDU), “mexanika-riyaziyyat” fakültəsi, tələbə

1997-2001-ci illərdə AMEA-nın Riyaziyyat və Mexanika İnstitutunun dissertantı

Elmi dərəcələri, elmi adları[redaktə | əsas redaktə]

2002-ci il- AMEA RMİ, Fizika-riyaziyyat elmləri namizədi (01.02.04–Deformasiya olunan bərk cismin mexanikası).

Dissertasiyanın adı: "Özlüelastikplastik cisimlərin uzunmüddətli təkrarlanan yükə davamlılığında zədələrin yığılmasının inkubasiya dövrünün nəzərə alınması"

2006-cı il - dosent

Əmək fəaliyyəti[redaktə | əsas redaktə]

1988-1997-ci illərdə mühəndis, AMEA Riyaziyyat və Mexanika İnstitutunun Xüsusi Konstruktor Bürosu

1997-2004-cü illərdə elmi işçi, AMEA Riyaziyyat və Mexanika İnstitutu, "Sürüncəklik nəzəriyyəsi" şöbəsi

2004-2013-cü illərdə böyük elmi işçi, AMEA Riyaziyyat və Mexanika İnstitutu, "Sürüncəklik nəzəriyyəsi" şöbəsi

2013-cü ildən indiyədək aparıcı elmi işçi, AMEA Riyaziyyat və Mexanika İnstitutu, "Sürüncəklik nəzəriyyəsi" şöbəsi

Elmi maraq dairələri[redaktə | əsas redaktə]

• Elastiklik nəzəriyyəsi

• Özlüelastiklik nəzəriyyəsi

• V.V.Moskvitinin qeyri-xətti özlüelastiklik nəzəriyyəsi

• Reley nəzəriyyəsi

Əsas elmi nəticələri[redaktə | əsas redaktə]

• Qeyri-stasionar təkrarlanan yüklənmələrdə özlüelastikplastik cisimlər üçün uyğun olaraq zədələrin yığılmasının başlanma və dağılma zamanını təyin edən təkrarlanan zədələnmə və uzunsürən təkrarlanan möhkəmlik şərtləri alınmışdır.

• Mexaniki sıxılmayan cisimlər üçün xətti özlüelastiklik nəzəriyyəsinin kvazistatik məsələləri həll edilmişdir.

• Dəyişən daxili təzyiqə məruz qalan qalındivarlı borunun uzunmüddətli dağılma məsələsi həll edilmişdir.

• Özlü zədələnən çubuğun qərarlaşmış uzununa rəqsləri məsələləri həll olunmuşdur.

• Xətti ölüelastiklik nəzəriyyəsinin kvazistatik məsələsinin dəqiq həll metodları tapılmışdır.

Monoqrafiyalar[redaktə | əsas redaktə]

1. Мамедова М.А. Длительное разрушение вязко упруго-пластических материалов : Вязко упруго-пластические свойства материалов, LAP LAMBERT Academic Publishing, 2016

Məqalələr[redaktə | əsas redaktə]

20-dən çox elmi məqalənin müəllifidir.

Mənbə[redaktə | əsas redaktə]


Xarici keçidlər[redaktə | əsas redaktə]