Mehvalı Yolçuyev

Vikipediya, azad ensiklopediya
Jump to navigation Jump to search
Mehvalı Yolçuyev
Yolçuyev Mehvalı Şamil oğlu
Şəkil yoxdur.jpg
Doğum tarixi 1944(1944-Şablondakı doğum və ya ölüm tarixində texniki yanlışlıq var!-00)
Doğum yeri SSRİ, Azərbaycan SSR, Gədəbəy rayonu, İnəkboğan
Vəfat tarixi 20 avqust 2014-cü il
Vəfat yeri Azərbaycan Azərbaycan, Bakı
Elm sahəsi helmintologiya
Elmi dərəcəsi biologiya üzrə fəlsəfə doktoru
İş yeri AMEA Zoologiya İnstitutu

Yolçuyev Mehvalı Şamil oğlu — Biologiya üzrə fəlsəfə doktoru.

Həyatı[redaktə | əsas redaktə]

Yolçuyev Mehvalı Şamil oğlu 1944-cü ildə Gədəbəy rayonunun İnəkboğan kəndində anadan olmuşdur. O,1974-ci ildə Azərbaycan Dövlət Universitetinin biologiya fakultəsini bitirərək həmin ildən başlayaraq AMEA Zoologiya İnstitutunun Helmintologiya laboratoriyasında laborant, elmi işçi, 1990-cı ildən isə böyük elmi işçi vəzifələrində çalışmışdır.

M. Yolçuyev 1984-cü ildə “Azərbaycanın Şəki-Zaqatala zonasında itkimilərin helmint faunasının ekoloji analizi, insan və ev heyvanları helmintozlarının toplanmasında onların rolu”mövzusunda namizədlik dissertasiyasını müdafiə edərək “Parazitologiya” ixtisası üzrə biologiya elmləri namizədi elmi dərəcəsi almışdır.

İnstitutda işlədiyi dövrdə 8 elmi-tədqiqat və 4 təsərrüfat müqaviləli mövzunun aparıcı icraçısı olmuş, 58 elmi məqaləsi çapdan çıxmışdır.

Yolçuyev Mehvalı Şamil oğlu “Lənkəran təbii vilayətində vəhşi heyvanların helmintlərinin növ tərkibi, insan və ev heyvanlarının başlıca helmintozlarla yoluxmasında onların rolu” mövzusu üzrə tədqiqat işi aparırdı. Onun tərəfindən Azərbaycanın bəzi rayonlarında vəhşi və əhli ətyeyən heyvanların helmintfaunası öyrənilmiş, ilk dəfə olaraq alveokokkoz, exinokokkoz, trixinellyoz, dipillidioz, dirofilariyoz, tenidioz, və toksokaroz törədicilərinin yeni təbii və sinantrop ocaqlıqları aşkar edilmiş, Azərbaycan faunası üçün ilk dəfə olaraq vəhşi itkimilərdə 12 yeni helmint növü aşkar edilmişdir.

Mehvalı Yolçuyev 20 avqust 2014-cü ildə vəfat edib.[1]

  1. İnstitutun elmi kollektivinə ağır itki üz vermişdir