Məzmuna keç

Meraya Keri

Vikipediya, azad ensiklopediya
Meraya Keri
Ümumi məlumatlar
Doğum tarixi 27 mart 1969(1969-03-27)[1] (57 yaş)
Doğum yeri
Həyat yoldaşları
  • Tommi Mottola[d] (1993–1998),
  • Nik Kennon[d] (2008–2016)
Uşağı 2 (Monroe Cannon daxil olmaqla)
Musiqiçi məlumatları
Fəaliyyəti müğənni, mahnı yazarı[d], musiqi prodüseri, aktrisa
Fəaliyyət illəri 1988-ci ildən
Janrlar müasir R&B[d], pop musiqisi, dans-pop, hip-hop[d]
Albom şirkətləri Def Jam Recordings[d], Columbia Records, Epic Records, Island Records, Virgin Records, Gamma[d]
İmzanın şəkli
mariahcarey.com
Vikianbarın loqosu Vikianbarda əlaqəli mediafayllar

Meraya Keri (27 mart 1969[1], Hantinqton[d], Nyu-York ştatı) — amerikalı müğənni və aktrisa.

Şəxsi həyat

[redaktə | vikimətni redaktə et]

Keri 27 mart 1969-cu ildə  Hantinqtonda, Nyu-Yorkda anadan olub. Onun anası İrlandiya əsilli keçmiş opera müğənnisi və vokal məşqçisi Patrisiya, atası isə həm Afrika-Amerika, həm də Afro-Venesuela əsilli aviasiya mühəndisi Alfred Roy Keri olmuşdur, ailədə üç uşaqdan ən kiçiyidir. "Keri" (ing. Carey) soyadını onun venesuelalı babası Roberto Nunez  Nyu Yorka mühacirət etdikdən sonra qəbul etmişdir.[2] Patrisiyanın ailəsi qaradərili kişi ilə evləndiyi üçün ondan imtina etmişdi. İrqi gərginlik Keri ailəsinin öz cəmiyyətlərinə inteqrasiyasına mane olurdu. Onlar Hantinqtonda yaşayarkən qonşuları ailənin itini zəhərləmiş, avtomobillərini yandırmışdılar. Valideynləri boşandıqdan sonra Keri atası ilə az əlaqə saxlayırdı və vaxtının çoxunu evdə tək keçirirdi və cəmi üç yaşında mahnı oxumağa başladı. Böyük bacısı Alison atalarının yanına köçdü, Meraya və qardaşı Morqan isə anaları ilə qaldılar.

Meraya 1987-ci ildə Nyu-Yorkun Qrinlaun şəhərindəki Harborfilds Liseyini bitirib. O, yerli səsyazma studiyasında demo lent üzərində işlədiyi üçün dərslərdə çox zaman iştirak etmirdi. Nyu-Yorka köçdükdən sonra Puerto-Rikolu müğənni Brenda K.Starrın bek-vokal müğənnisi kimi çalışmağa başladı.[3]

1988-ci ildə Meraya o vaxt Kolumbia Records-un icraçı direktoru olan Tommi Mottola ilə bir ziyafətdə tanış oldu. Motolla Merayanın demo albomunu dinlədikdən sonra onunla müqavilə bağladı. Bundan sonra Merayanın karyerası sürətlə inkişaf etməyə başladı.[4] 1993-1998-ci illərdə Keri Tommi Mottola ilə evli olmuşdur. [5]

2008-ci ildən 2015-ci ilə qədər Keri aktyor və musiqiçi Nik Kennonla evli idi.[6]

2015-ci ildə Keri avstraliyalı milyarder Ceyms Pakerlə görüşməyə başladı və 21 yanvar 2016-cı ildə nişanlandıqlarını elan etdi.[7] Oktyabrda isə onlar nişanı ləğv etdilər.[8] 2016-cı ilin oktyabrında o, amerikalı xoreoqraf Bryan Tanaka ilə görüşməyə başladı. Bu münasibətlər 2023-cü ilin dekabrına kimi davam etdi.[9]

2024-cü ilin avqustunda Kerinin 87 yaşlı anası Patrisiya və 63 yaşlı bacısı Alison eyni gündə vəfat etdilər.[10]

Karyera

[redaktə | vikimətni redaktə et]

1991- ci ildə Keri Ən Yaxşı Yeni Sənətçi və Ən Yaxşı Pop Qadın Vokalist kimi ilk Qremmi mükafatını qazandı.[11] 1999-cu ilin dekabrında Keri Billboard mərasimində "Onilliyin Artisti" mükafatını aldı və 2000-ci ilin iyulunda müğənni World Music Awards-da "Minilliyin ən çox satılan sənətçisi" kimi xüsusi mükafata layiq görüldü.[12] O, növbəti illərdə də albom[13] və mahnılarına[14] görə bir neçə mükafatlara, o cümlədən Qremmi nominasiyalarında mükafatlara layiq görülmüşdü.[15] 2015-ci il avqustun 5-də Meraya Keri Hollivud Bulvarı 6270 ünvanında yerləşən Hollivud Şöhrət Xiyabanında öz ulduzuna sahibləndi.[16] Onun ulduz nömrəsi 2556-dır.[17]

Diskoqrafiya

[redaktə | vikimətni redaktə et]

Studiya albomları

[redaktə | vikimətni redaktə et]
  • Mariah Carey (1990)
  • Emotions (1991)
  • Music Box (1993)
  • Merry Christmas (1994)
  • Daydream (1995)
  • Butterfly (1997)
  • Rainbow (1999)
  • Charmbracelet (2002)
  • The Emancipation of Mimi (2005)
  • E=MC² (2008)
  • Memoirs Of An Imperfect Angel (2009)
  • Merry Christmas II You (2010)
  • Me. I Am Mariah... The Elusive Chanteuse (2014)
  • Caution (2018)

Digər albomları

[redaktə | vikimətni redaktə et]
  • MTV Unplugged (1992)
  • #1's (1998)
  • Glitter (2001)
  • The Remixes (2003)
  • The Ballads (2008)
  • The Essential Mariah Carey (2011)
  • #1 to Infinity (2015)

Konsert turları

[redaktə | vikimətni redaktə et]
  • Music Box Tour (1993)
  • Daydream World Tour (1996)
  • Butterfly World Tour (1998)
  • Rainbow World Tour (2000)
  • Charmbracelet World Tour (2003–2004)
  • The Adventures of Mimi (2006)
  • Angels Advocate Tour (2009–2010)
  • The Elusive Chanteuse Show (2014)
  • The Sweet Sweet Fantasy Tour (2016)
  • The Number 1's Tour (2018)

İstinadlar

[redaktə | vikimətni redaktə et]
  1. 1 2 https://nyshistoricnewspapers.org/lccn/sn83031119/1969-04-10/ed-1/seq-15/.
  2. ↑ Shapiro, Marc. Mariah Carey (ingilis). ECW Press. 2001. ISBN 978-1-55022-444-3.
  3. ↑ Archives, L. A. Times. "Short Takes : Mariah Carey Doing OK at 21". Los Angeles Times (ingilis). 21 yanvar 1991. 27 mart 2019 tarixində arxivləşdirilib. İstifadə tarixi: 12 sentyabr 2025.
  4. ↑ Eliscu, Jenny. "Mariah After Midnight". Rolling Stone (ingilis). 23 fevral 2006. 27 mart 2019 tarixində arxivləşdirilib. İstifadə tarixi: 12 sentyabr 2025.
  5. ↑ "Swan Song". PEOPLE.com (ingilis). 25 iyun 2015 tarixində arxivləşdirilib. İstifadə tarixi: 12 sentyabr 2025.
  6. ↑ "Nick Cannon Opens Up About Insecurities in Relationship with Mariah Carey: 'Am I Mariah's Man?'". People.com (ingilis). İstifadə tarixi: 12 sentyabr 2025.
  7. ↑ Bromley, Melanie. "Mariah Carey and James Packer are Engaged". E! News. 21 yanvar 2016. 22 yanvar 2016 tarixində arxivləşdirilib. İstifadə tarixi: 21 yanvar 2016.
  8. ↑ Mizoguchi, Karen. "Mariah Carey 'Had to Leave' James Packer Because He Was 'Not Mentally Healthy' – But His Side Claims She 'Has Issues': Sources". People. 28 oktyabr 2016. 12 avqust 2022 tarixində arxivləşdirilib. İstifadə tarixi: 13 avqust 2017.
  9. ↑ "Mariah Carey Finally Confirms That Bryan Tanaka Is Indeed Her Boyfriend". 7 oktyabr 2022 tarixində arxivləşdirilib. İstifadə tarixi: 23 dekabr 2019.
  10. ↑ "Mariah Carey Confirms Her Mom Patricia and Sister Alison Both Died on Same Day: 'My Heart Is Broken' (Exclusive)". People.com (ingilis). İstifadə tarixi: 12 sentyabr 2025.
  11. ↑ "Mariah Carey / Исполнитель - Mariah Carey :: Кумиры на MTV". www.mtv.ru. 18 fevral 2008 tarixində arxivləşdirilib. İstifadə tarixi: 12 sentyabr 2025.
  12. ↑ "Winners of the WORLD MUSIC AWARDS - may 2000". www.montecarloresort.com. 15 oktyabr 2000 tarixində arxivləşdirilib. İstifadə tarixi: 12 sentyabr 2025.
  13. ↑ Cinquemani, Sal. "Review: Mariah Carey, 'The Emancipation of Mimi'". Slant Magazine (ingilis). 5 aprel 2005. 29 dekabr 2023 tarixində arxivləşdirilib. İstifadə tarixi: 12 sentyabr 2025.
  14. ↑ "Mariah Matches Hot 100 Milestone". www.billboard.com. 29 sentyabr 2007 tarixində arxivləşdirilib. İstifadə tarixi: 12 sentyabr 2025.
  15. ↑ "The Mariah Network". mariahcareynetwork.com. İstifadə tarixi: 12 sentyabr 2025.
  16. ↑ Красновская, Юлия. "Мэрайя Кэри получила звезду на «Аллее славы» в Голливуде". Журнал OK! (rus). İstifadə tarixi: 12 sentyabr 2025.
  17. ↑ "Мэрайя Кэри получила звезду на Голливудской Аллее Звезд". style.news.am. İstifadə tarixi: 12 sentyabr 2025.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Meraya_Keri&oldid=8768465"