Meri Elizabet Uinsted

Meri Elizabet Uinsted
ing. Mary Elizabeth Winstead
Doğum tarixi	28 noyabr 1984(1984-11-28) (38 yaş)
Vətəndaşlığı	ABŞ
Uşağı	1
Fəaliyyəti	teatr aktrisası, kino aktrisası, televiziya aktrisası, müğənni, aktrisa
Fəaliyyət illəri	1997-ci ildən
Mükafatları
IMDb	ID 0935541
Vikianbarda əlaqəli mediafayllar

Meri Elizabet Vinsted (28 noyabr 1984) — Amerikalı kinoaktrisadır. Vinsted, "Zəng-2", "Təyinat məntəqəsi-3", "Qara milad bayramı" və "Ölümün sübutu" kimi qorxu filmlərindəki rollarına görə "dəhşət kraliçası" adlandırılıb. O, "Yüksək pilotaj", "Bobbi" və "Azad yaşa və ya ağır öl" kimi döyüş filmlərindəki rolları daxil olmaqla başqa janrlara da əl atıb. Karyerası boyunca o, "Passions"dakı işinə görə "Gənc Artist Mükafatı"na layiq görülüb və həmçinin "Ekran Aktyorları Birliyi Mükafatı"na layiq görüldüyü "Bobby"də yer alıb.

Həyatı

Beti Lu və Ceyms Ronald Vinstedin qızı Meri Elizabet Vinsted Şimali Karolina, Roki Mountda dünyaya gəlib. Beş yaşı olanda ailəsi Solt Leyk Siti şəhərətrafına, Utah, Sendiyə köçüb. Onun marağı incəsənətin ifaçılıq növünə idi, lakin baletə və aktyorluğa olan həvəsi üstün oldu. Uşaq vaxtı Vinsted "The Nutcracker"in "Mountain West Ballet"i versiyasında çıxış edib. Balerin olmaq arzusuyla on bir yaşında o, Nyu-Yorkdakı nüfuzlu "Joffrey Ballet School"un yay proqramında rəqs öyrənmək imkanını əldə edib. Orada o, balet və caz rəqsini öyrənib, lakin qərara gəlib ki, aktyorluğu da öyrənsin.