Meyci məbədi

Vikipediya, açıq ensiklopediya
Keçid et: naviqasiya, axtar
Meyci məbədi
MeijiShrineTorii1167.jpg
Məbədin qarşısında dayanan torii.
Məlumat
Növü imperator məbədi
Həsr olunub İmperator Meyci
İmperatriça Şoken
Qurulub 1 noyabr 1920
Ünvan 1-1, Kamizono-ço, Yoyoqi, Şibuya, Tokio 151-0053
Sayt meijijingu.or.jp
Shinto torii icon vermillion.svg Şintoizm terminləri

Meyci məbədi (明治神宮 Meiji Jingū?)Tokionun Şibuya xüsusi rayonunda yerləşən şintoizm məbədi. Məbəd İmperator Meyciyə və onun həyat yoldaşı İmperatriça Şokenə həsr olunub.[1][2] Lakin imperatorun qəbri bu məbəddə deyil, Kiotonun cənubunda – Fuşimi-momoyamada yerləşir.

Tarix[redaktə | əsas redaktə]

İmperator Meycinin 1912-ci ildə ölməsindən ardından Yaponiya parlamenti onun Meyci islahatındakı rolunu xatirələşdirmək qərarına gəldi. Meyci və həyat yoldaşı Şokenin ziyarət etdikləri Tokiodakı bir süsən bağçası məkan kimi seçildi.

Tikinti işlərinə İto Çuutanın başçılığı altında 1915-ci ildə başlanıldı və məbəd ənənəvi naqare-zukuri üslubunda tikildi. Məbədin tikintisi milli layihə idi və bütün Yaponiya boyunca gənclər və mülki təşkilatlar tikintidə köməklik göstərdilər.[3] Məbədin əsası 1920-ci ildə qoyulsa da, məbədin özü 1921-ci ildə tamamlandı. 1926-ci ildə isə zəmini bitirildi.[4] 1946-cı ilə qədər məbəd Kanpey-tayşa (官幣大社) statusuna malik idi. Bu statusa malik məbədlər hökumət tərəfindən dəstəklənən birinci dərəcəli məbədlər hesab olunurdu.[5]

İkinci dünya müharibəsində Tokionun hava bombardımanına məruz qalmasına nəticəsində orijinal bina məhv oldu. Məbədin bərpası üçün layihə başladıldı və 1958-ci ilin oktyabrında məbədin bərpa işləri tamamlandı.[6]

Məbədi bir çox siyasətçi ziyarət etmişdir: ABŞ prezidenti Corc U.Buş, ABŞ dövlət katibi Hillari Klinton[7] və Almaniya xarici işlər naziri Qido Vestervelle.[8]

Məbəd kompleksi[redaktə | əsas redaktə]

Meyci məbədi sahəsi 70 hektar təşkil edən meşə sahəsində yerləşir. Bu həmişəyaşıl meşə sahəsi 365 müxtəlif növdən olan 120.000 ağacdan ibarətdir. Meşə Tokionun mərkəzində istirahət və əyləncə məkanı kimi ziyarət olunur.[2] Məbədin özü iki əsas bölgədən ibarətdir:

Nayen[redaktə | əsas redaktə]

Nayen daxili bölgədir və məbəd binaları ilə əhatə olunub. Burada xəzinə muzeyi yerləşir və muzeydə imperator ilə imperatriçanın imzaladığı müqavilələr saxlanılır. Xəzinə muzeyi Azekurazukuri üslubunda tikilib.

Qayen[redaktə | əsas redaktə]

Qayen xarici bölgədir. Burada Meyci Memorial Şəkil Qalereyası yerləşir. Qalereya imperator və həyat yoldaşının həyatından 80 böyük divar rəsminə ev sahibliyi edir. Qayendə müxtəlif idman qurğuları da yerləşir: Milli Stadion (Meyci Cinqu Qayen Stadionu, 1956-cı ildən isə eyni yerdə Tokio Olimpiya Stadionu) və Meyci Memorial Zalı (Meyci Kinenkan). Meyci Memorial Zalı əvvəllər dövlət görüşləri üçün istifadə olunurdu. Hazırda isə burada restoranlar yerləşir və şintoizm toyları keçirilir.

Qalereya[redaktə | əsas redaktə]

İstinadlar[redaktə | əsas redaktə]

  1. "Meiji Shrine". http://www.japan-guide.com/e/e3002.html. İstifadə tarixi: 22 avqust 2017.
  2. 2,0 2,1 "Introduction". Meiji Jingu. Arxivləşdirilib: [1] saytından 2008-03-11 tarixində. https://web.archive.org/web/20080311165144/http://www.meijijingu.or.jp/english/intro/index.htm. İstifadə tarixi: 22 avqust 2017.
  3. (2013) "Meiji Shrine", Modern Japan: An Encyclopedia of History, Culture, and Nationalism. Routledge, 151. ISBN 9781135634902.
  4. "Meiji Shrine". Encarta. Microsoft. Arxivləşdirilib: [2] saytından 2009-11-01 tarixində. https://www.webcitation.org/5kx7DD0qV?url=http://encarta.msn.com/encyclopedia_761580872/Meiji_Shrine.html. İstifadə tarixi: 22 avqust 2017.
  5. Ponsonby-Fane, Richard. (1959). The Imperial House of Japan, p. 126.
  6. "Shrine Building". Arxivləşdirilib: [3] saytından 2008-03-11 tarixində. https://web.archive.org/web/20080311165139/http://www.meijijingu.or.jp/english/intro/building/index.htm. İstifadə tarixi: 22 avqust 2017.
  7. "Clinton visits Tokyo shrine". Hindustan Times. 17 February 2009. http://m.hindustantimes.com/world-news/clinton-visits-tokyo-shrine/article1-379967.aspx.
  8. "Germany and Japan share the same values". Federal Foreign Office, Germany. 14 January 2010. Arxivləşdirilib: [4] saytından 2010-02-07 tarixində. https://web.archive.org/web/20100207021733/http://www.auswaertiges-amt.de/diplo/en/AAmt/BM-Reisen/2010/01-JapanChina/100114-japan.html.

Ədəbiyyat[redaktə | əsas redaktə]

Xarici keçidlər[redaktə | əsas redaktə]

Vikianbarda Meyci məbədi ilə əlaqəli mediafayllar var.

Koordinatlar: 35°40′34″N 139°41′57″E / 35.67611°N 139.69917°E / 35.67611; 139.69917