Mişni (Laçın)

Vikipediya, açıq ensiklopediya
Jump to navigation Jump to search
Kənd
Mişni
A-Lacin.PNG
Laçın rayonu
Ölkə Azərbaycan
Rayon Laçın
Koordinatlar 39°42′45″N 46°23′53″E / 39.71250°N 46.39806°E / 39.71250; 46.39806Koordinatlar: 39°42′45″N 46°23′53″E / 39.71250°N 46.39806°E / 39.71250; 46.39806
Kənd icra nümayəndəsi Orucov Azər Qaraca oğlu
Əhalisi 1475 nəfər
Saat qurşağı UTC+04:00
Poçt indeksi Az 4100
Mişni (Laçın)  — yerləşdiyi ərazi Azərbaycan
Mişni (Laçın)

MişniAzərbaycan Respublikasının Laçın rayonunun Mişni kənd inzibati ərazi dairəsində kənd yaşayış məntəqəsi.Mişni kəndi 27.12.1989-ci il tarixdə Alxaslı kənd sovetindən ayrılaraq, mərkəzi Mişni kəndi olmaqla Mişni kənd soveti yaradılmışdır.1992-ci ilin yanvar ayından Mişni kənd inzibati ərazi dairəsi üzrə nümayəndəlik adlandırılmışdır. Mişni kəndinin ərazisi ümumi sahəsi 2236,6 hektar olan dağlıq ərazidir, bunlardan 769,5 hektarı kənd təsərrüfatı əhəmiyyətli və 1331,8 hektar meşə torpaqlarıdır.


Kənd 1992-ci ildə Ermənistan Respublikası Silahlı Qüvvələri tərəfindən işğal edilib. Mişni kəndi üzrə 01.01.2017-ci il tarixə 491 ailə 1475 nəfər əhali olmaqla ölkəmizin 19 rayonunda müvəqqəti məskunlaşmışdır.

Tarixi[redaktə | əsas redaktə]

Mişni kəndi yaşayış məntəqəsinin salınma tarixi Zəngəzurluların vaxtı ilə atəşpərəst olma dövrlərinə aiddir. Vaxtı ilə kəndin adı Govurqala olmuşdur. Burada "Müşkür" türk tayfaları yaşayırdılar. Əsas məşğuliyyəti heyvandarlıq, əkinçilik, arıçılıq idi. Qalanın özündə mal-mülk, ixtiyar sahibləri yaşayırdılar. Qalanın ətrafında isə onların təssərüfatına baxan insanlar - nökər, naiblər - onların ailələri yaşayırdılar. Hər hansı təcavüz, təhlükə zamanı isə hamı qalaya girərək, qalada od yandıraraq ətrafa köməklik üçün xəbərdarlıq edərdilər. Alban dövləti dövrlərində bu kənd yaşamış və öz adını saxlamışdır. Addakı "govur" sözü "gəbr / kəbir" sözündən formalaşaraq "atəşpərəst" qalası mənasını özündə cəmləşdirir. Sonralar qala hansı səbəbdənsə Mişniqala, onun yaxınlığında salınmış kənd isə Mişni adlanmağa başlanmışdır.

Kəndin tarixi Zərdüştlük dövrü ilə bilavasitə bağlı olduğundan, Mişni yaşayış məntəqəsinin mənasını atəşpərəstlikdə, Alban dövləti tarixində və digər dövrlərdə axtarmaq lazımdır. Tədqiqatlar göstərir ki, "Müşkürlər" - yəni "maskurtlar" yaşayan məkan mənasını verir və zaman-zaman təhrif olunaraq "Mişni" formasına düşmüşdür.

Bu haqda XVI əsr ingilis səyyahı Antoni Cenkin onun Azərbaycanda olması haqda qeydlərində və XVII əsrin ortalarında Azərbaycanda olmuş Hollandiya dənizçisi Yan Streys "müşkür" oronimini "muskar" kimi yazmasına da təsadüf olunur. Lakin, "maskut" entonimi özünün ilkin adını bəzi yerlərdə indiyə kimi saxlaya bilmişdir (QubaXaçmazda).

Mədəniyyəti[redaktə | əsas redaktə]

300 nəfərlik Mişni kənd mədəniyyət evi və 500 000 kitab fondu olmuş Mişni kənd kitabxanası 1992-ci ilin mayında erməni millətçi dəstələri tərəfindən yandırılmışdır. Mişni kənd Mədəniyyət evinin və Mişni kənd kitabxanasının faəliyyəti 1992-ci ilin may ayından sonra Ağcabədi rayonunun Taxtakörpü ərazisindəki Mişni obasında təmin edilmişdir.

Azərbaycan Respublikası Nazirlər Kabinetinin 17 sentyabr 1996-cı il qərarı ilə Mişni kənd mədəniyyət evinə Ərəstun Əhməd oğlu Kərimovun, Mişni kənd kitabxanasına Habil Yunus oğlu Həsənovun adları verilmişdir.

Coğrafiyası və iqlimi[redaktə | əsas redaktə]

Laçın rayonunun Mişni kəndi Azərbaycan Respublikasının cənub-qərbində, Kiçik Qafqazın Qarabağ vulkanik yaylasının Hoçaz dağ silsiləsinin şimal-şərq yamaclarında Ərtəpə dağının ətəklərində, Həkərinin sağ qolu Hoçazsu çayının sağ sahilindən 250 metr məsafədə, dəniz səviyyəsindən 1250-1620 metr yüksəklikdə, Bakı şəhərindən 484 km, Ağdam dəmir yolu stansiyasından 111 km məsafədə yerləşən kənd yaşayış məntəqəsidir.

Mişni kəndinin tarixi olduqca qədimdir. Kəndin ərazisi təmiz türklərin ən qədim yaşayış yerlərindən olmuşdur.

Mişni kəndinin ən hündür zirvəsi AlxaslıÇıraqlı kəndləri ilə qonşu ərazidəki hündürlüyü 2114 m olan Soyuqbulaq dağı və çox əzəmətli, vüqarlı və yaraşıqlı, yerli əhalinin “Pir” adlandırdıqları hündürlüyü 1902,9 m olan Ərtəpə (Yəhərtəpə də adlanır) dağıdır. Soyuqbulaq kəndi ilə Mişni kəndi arasındakı Soyuqbulağın daşı adlanan dağın hündürlüyü isə 1841 metrdir.

Həkəri çayının qolu Hoçazsu çayına Mişni kəndi ərazisindən qarışan kiçik çaylar (dərələr) bunlardır:

1. Kazımdüşənin dərəsi

2. Yarğanın dərəsi (yuxarı axında Orta Burunun dərəsi)

3. Qaraşişin dərəsi (yuxarı axında Çimənlərin dərəsi)

4. Alçalının (yuxarı axında Qızılbulağın dərəsi, orta axında Səhəngdolanın dərəsi) dərəsi

5. Yanıqdüzün dərəsi (yuxarı axında Korcabulağın dərəsi, orta axında Ağdaşın dərəsi) 6. Supavurun dərəsi (yuxarı axında Qazanbulağın dərəsi)

7. Seçməlinin dərəsi

8. Sərpin dərəsi

9. Gorucun dərəsi

10. Qırmığın dərəsi (yuxarı axında Arduşun dərəsi)

1950-ci ildə Mişni kəndi 96 evdən, 1992-ci ilin may ayınadək 210 evdən ibarət idi. 1992-ci ilin may ayında kəndin əhalisi 1200 nəfər təşkil edirdi. Kənddə kənd sovetinin binası, kənd orta məktəbi, məktəbdə internat və emalatxana binaları, kənd xəstəxanası, uşaq bağçası, poçt şöbəsi, əmanət bankının filialı, kənd mədəniyyət evi, kənd klubu, kənd kitabxanası, çörəkbişirmə sexi, sovxoz idarəsinin binası, topdansatış mağazası, 2 ticarət köşkü, çay evi, avtomobil parkı, qaynaq sexi, yanacaqdoldurma məntəqəsi və s. infrastruktur obyektləri var idi.

Kəndin Çəmənlər məhəlləsində 2 ədəd iri tutumlu ictimai tövlə yerləşirdi.

Kənd orta məktəbinin yanında, “Dibin başı”, “Gen taxta”, “Taxtalar” adlanan ərazilərdə futbol və voleybol meydançaları yerləşirdi. Qonşu kəndlər olan Hoçazdan, Sonasardan, Soyuqbulaqdan, Qarıqışlaqdan və Alxaslıdan demək olar ki, hər həftə futbol və voleybol komandaları Mişni kənd orta məktəbinin həyətindəki meydançada çox həvəslə yarışardılar.

1950-ci illərdən sonra iki məhəllədən - SeçməliSəhəngdolan adlanan yaşayış məhəllələrindən ibarət olan Mişni kəndi sürətlə böyüdü və Çimənlər, Alçalı, Qazalınyurdu, daha sonra isə AğdaşTaxtalar adlanan yaşayış məhəllələri salındı. Seçməli məhəlləsi 35 evdən, Səhəngdolan məhəlləsi 21 evdən, Çəmənlər məhəlləsi 53 evdən, Alçalı məhəlləsi 44 evdən, Qazalınyurdu 39 evdən, gənc məhəllələr olan Ağdaş məhəlləsi 13 evdən, Taxtalar məhəlləsi 5 evdən ibarət idi.

Əhalisi[redaktə | əsas redaktə]

Mişni kəndinin daimi qeydiyyatında 01.01.2017-ci il tarixə 1475 nəfər əhali vardlr. Bundan əlavə olaraq, vaxtı ilə Mişni kəndinin daimi qeydiyyatından çıxmış və hazırda Ağcabədi, Beyləqan, Bərdə, Ağdam, Qaradağ, Yasamal, Nizami, Səbail, Binəqədi,Nərimanov, Xəzər, Pirallahı, Suraxanı,Sabunçu, Kəlbəcər, Qubadlı rayonlarında, Sumqayıt və Mingəçevir şəhərlərində daimi qeydiyyatda olan, habelə xarici ölkələdə (Türkiyə, Rusiya (Kamçatka, Kareliya,Voronej, Rostov, Həştərxan, Norilsk və s.), Ukrayna (Xarkov, Zaporojye), Qazaxıstan, Macarıstan, Çexiya, Almaniya) 1100 nəfərdən artıq mişnili yaşayır. Beləliklə, mişnililərin sayı 2500 nəfərdən çoxdur.

Kəndin uzunömürlülü şəxsləri[redaktə | əsas redaktə]

  1. Nəcəf oğlu Heydər - 125 il ömür sürüb[Mənbə göstərin]
  2. Məşədi Mirzə qızı Mədinə - 121 il ömür sürüb[Mənbə göstərin]
  3. Nəbi oğlu Rza - 114 il ömür sürüb[Mənbə göstərin]
  4. Əsəd oğlu Səməd - 105 il ömür sürüb[Mənbə göstərin]

Tanınmış şəxsiyyətlər[redaktə | əsas redaktə]

Xanlar Məmmədov

  • Xanlar Əliş oğlu Məmmədov - Azərbaycan Kommunist Partiyasının Laçın Rayon Komitəsinin 1-ci katibi (1985-1991), Laçın rayon İcra Hakimiyyətinin ilk başçısı (1991-1992), Azərbaycan Respublikasının Xalq Deputatı, Azərbaycan Respublikası Milli Məclisinin Üzvü (1990-1995).
  • Mahmud Həmid oğlu Məmmədov - Azərbaycan SSRİ Hərbi Komissarlığının Siyasi İşlər üzrə müavini, Polkovnik,Azərbaycan Texniki Universitetinin müəllimi, Böyük Vətən və Qarabağ Müharibəsi iştirakçısı
  • Bəhrəm Əzim oğlu Həsənov - Böyük Vətən və Qarabağ Müharibəsi iştirakçısı, Mişni kənd orta məktəbinin direktoru
  • Vahid Həmid oğlu Məmmədov - 1985-1991-ci illərdə Mişni kənd orta məktəbinin direktoru
  • Tahir Ziyad oğlu Nəcəfquliyev - təqaüddə olan dövlət qulluqçusu (1989-2001-ci illərdə Laçın RİHB-nın Mişni kənd inzibati ərazi dairəsi üzrə nümayəndəsi işləmişdir)
  • Osman Bəhrəm oğlu Həsənov - təqaüddə olan dövlət qulluqçusu (2005-2015-ci illərdə Laçın RİHB-nın Mişni kənd inzibati ərazi dairəsi üzrə nümayəndəsi işləmişdir)
  • Fuad Ağca oğlu Abdullayev - fizika-riyaziyyat elmləri doktoru, Bakı Dövlət Universitetində Riyazi analiz kafedrasının müdiri
  • Fazil İdris oğlu Həsənov - Cəlilabad rayon prokurorunun müavini
  • Ramiz Rəhim oğlu İsayev - təqaüddə olan dövlət qulluqçusu (uzun müddət Laçın Rayon Maliyyə Şöbəsinin rəisi işləmişdir)
  • Famil Bahadur oğlu Əzimov - təqaüdçu (uzun müddət Laçın Rayon Təsərrüfatlararası Təmir Tikinti Müəssisəsinin müdiri işləmişdir)
  • Əli Şərif oğlu Aslanov - ali təhsilli aqronom(uzun müddət Laçın rayonunda kolxoz sədri və sovxoz direktoru işləmişdir)
  • İbiş Şərif oğlu Aslanov - təqaüddə olan dövlət qulluqçusu (uzun müddət Laçın Rayon Aqrar-Sənaye Kombinatında və Laçın Rayon İcraiyyə Komitəsində mühəndis işləmişdir)
  • Məhi Şərif oğlu Aslanov - təqaüddə olan dövlət qulluqçusu (uzun müddət Mişni kənd inzibati ərazi dairəsi üzrə nümayəndəlikdə baş mühasib işləmişdir)
  • Ülfət Fətiş oğlu Yusifov - təqaüdçü (uzun müddət Laçın Rayon Yol İstismarı idarəsinin müdiri işləmişdir)
  • Sahib Fətiş oğlu Rüstəmov- uzun müddət 7 saylı Bakı Peşə liseyinin direktoru işləmişdir
  • Arif Gürşad oğlu İbrahimli - Bakı Dövlət Universitetinin müəllimi ( doktorant), şair.
  • Abuzər Süleyman oğlu Nadirov - "Laçın" futbol klubunun baş məşqçisi.
  • Rəşad Ələsgər oğlu Abbasov (idmançı) - Dünya çempionu.
  • Elbrus Oktay oğlu Qasımov - idmançı, taekvondo üzrə yarışların qalibi
  • Flora Vahid qızı Məmmədova - coğrafiya elmləri namizədi
  • Çingiz Cəlil oğlu Qasımov (Çingiz Laçınlı)- şair
  • Osman Rəcəb oğlu Alıyev - şair
  • Yadigar Qaçay oğlu Həşimov - şair
  • Əhliyyət Həmid oğlu Məmmədov-şair
  • Nadirov Rafiq Şura oğlu- istefada olan polis mayoru
  • Həşimova Fənarə Möhübbət qızı- istefada olan polis mayoru
  • İsgəndər İbad oğlu Babayev (Aşıq İsgəndər)- el aşığı
  • Mirzəli Eyvaz oğlu Həsənov (Aşıq Mirzəli) - el aşığı
  • Möhübbət Nəsir oğlu Həşimov (Aşıq Möhübbət) - el aşığı
  • Aşıq Səməd - el aşığı
  • Əhməd Kərim oğlu İsmayılov - uzun müddət milis orqanlarında çalışmışdır
  • Ağca Abdulla oğlu Mirzəyev - Böyük Vətən Müharibəsi iştirakçısı, uzun illər müəllim işləmişdir
  • Qarakişi Heydər oğlu Nəcəfov - uzun illər Laçın rayonunun Daşlı, Qozlu, Mişni müəllim işləmişdir
  • Şöhlət Qaçay oğlu Abbasov (Şöhlət Abbas)- jurnalist
  • Təranə Vahid qızı Məmmədova (Təranə Vahid)- jurnalist
  • Ağamməd Qəmbər oğlu Ağayev - "İgidliyə görə" medalı ilə təltif edilmiş Böyük Vətən Müharibəsi iştirakçısı,bölük komandiri, baş leytenant
  • Zöhrab İbrahim oğlu Alıyev- "Azərbaycan Bayrağı" ordenli Qarabağ müharibəsi veteranı, polis mayoru
  • Elşad Ramazan oğlu Qarayev - Qarabağ müharibəsinin fəal iştirakçısı, polis kapitanı
  • İlkin İlqar oğlu Nadirov-Jurnalist, Azərbaycan Yazıçılar Birliyinin üzvü, Prezident təqaüdçüsü
  • İldırım Süleyman oğlu Nadirov (İldırım Ərtəpəli) - şair
  • Zahir Arif oğlu Həsənov-polkovnik
  • İbiş Nəcəfqulu oğlu Abbasov - 93 yaşlı Böyük Vətən Müharibəsi iştirakçısı, sənətkar
  • Ziyad Nəcəfqulu oğlu Abbasov - Böyük Vətən Müharibəsi iştirakçısı, sənətkar (1922-1990)
  • Abdulla Mirzə oğlu Nəbiyev - Tiflis Hərbi Yunkerlər məktəbinin müdavimi, Qafqaz Hərbi Dairəsinin Zaqatala süvari polkunun komandiri
  • Ramazan Məcid oğlu Qarayev - təqaüddə olan "Qabaqcıl təhsil işçisi"
  • Misir Məcid oğlu Qarayev - təqaüddə olan medodist-müəllim
  • İbrahimov Varaşil Cəlil oğlu - 7 saylı Laçın tam orta məktəbinin direktoru
  • Həsənov Qurban Səfər oğlu- Mişni kənd tam orta məktəbinin direktoru


XIX əsr müharibələrində iştirak edənlər[redaktə | əsas redaktə]

1877-1878-ci illər Osmanlı-Rus müharibəsində Mişni kəndindən Kərbəlayi Əmi adlı şəxs fəal iştirak etmiş, onun iştirakı ilə uğurlu hərbi əməliyyatlar həyata keçirilmişdir.

1905-1907-ci illər erməni-müsəlman müharibəsində iştirak edənlər[redaktə | əsas redaktə]

Həmin müharibədə 65 nəfər Mişni kənd sakini iştirak etmişdir.

1918-1920-ci illər erməni-müsəlman müharibəsində iştirak edənlər[redaktə | əsas redaktə]

Həmin müharibədə 75 nəfər Mişni kənd sakini iştirak etmişdir.

Mişni kəndi üzrə Böyük Vətən Müharibəsi iştirakçıları[redaktə | əsas redaktə]

1941-1945-ci illər Böyük Vətən Müharibəsində Mişni kəndindən 80 nəfər cəbhəyə yola düşmüşdür. Onlardan 39 nəfəri qəhrəmancasına həlak olmuş, 41 nəfəri Qələbə sevinci ilə öz doğma kəndlərinə dönmüşlər.Hazırda həmin müharibə veteranlarından 1 nəfəri həyatdadır. Həmin şəxs 93 yaşlı Abbasov İbiş Nəcəfqulu oğludur.

Qarabağ döyüşçüləri[redaktə | əsas redaktə]

Mişni kəndində doğulmuş və yaşamış, şəhid olmuş döyüşçülər:

1. Kərimov Ərəstun Əhməd oğlu

2. Aslanov Vüqar Qənbər oğlu

3. Həsənov Habil Yunis oğlu.

Əslən mişnili olmuş, Mingəçevir şəhərində doğulmuş və yaşamış, Ağdam rayonunda şəhid olmuş döyüşçü

4. Əmiraslanov Vüqar İsgəndər oğlu.

“Azərbaycan Bayrağı” ordenli döyüşçü:

5. Alıyev Zöhrab İbrahim oğlu

Digər döyüşçülər:

6.Alıyev Qədir Ibrahim oğlu

7.Alıyev Umud Ibrahim oğlu

8.Nadirov Sümşad Süleyman oğlu

9.Yusifov Fikrət Fətis oğlu

10.Əmraslanov Əlövsət Yəhya oğlu

11.Abbasov Kamis Ziyad oğlu

12.Abbasov Müşfiq Ziyad oğlu

13.Abbasov Qasid Ziyad oğlu (vəfat edib)

14.Əsədov Əli Əliş oğlu

15.Alıyev Ehtiram İbrahim oğlu

16.Əsədov Vasif İsa oğlu

17.Novruzov Cəlal Məhi oğlu

18.Əsədov Əsəd Xankişi oğlu

19.Əsədov Mirzə Xankişi oğlu

20.Həsənov Elşən Vəli oğlu

21.Alıyev Məhərrəm Əlif oğlu

22.Alıyev Cabbar Aslan oğlu

23.Alıyev Rauf Aslan oğlu

24.Abbasov Abuzər Bakir oğlu

25.Həsənov Elçin Vəli oğlu

26.Vəliyev Fazil Şiraslan oğlu (Qarabağ əlili)

27.Heydərov Sahib Cümşüd oğlu

28.Heydərov Elşad Cümşüd oğlu

29.Qarayev Elşad Ramazan oğlu (vəfat edib)

30.Qarayev Fikrət Oruc oğlu (vəfat edib)

31.Həşimova Fənarə Möhübbət qızı

32.Nəbiyev Niyaz Fərman oğlu (Qarabağ əlili)

33.Cəfərov Şükür Əziz oğlu

34.Ismayılov Şəmi Məhyəddin oğlu

35.Vəliyev Ziyadəli Əmir oğlu

36.Dadaşov Mirələm Qələndər oğlu

37.Nadirov Rafayıl Qasım oğlu

38.Yusifov Qiyas Nusübət oğlu

39.Nadirov Rafiq Şura oğlu

40.Əsədov Bilal Əliş oğlu

41.Həsənov Alik Xasay oğlu

42.Əsədov Zəfər Yolçu oğlu

43.Ağayev İsmayıl Ağamməd oğlu

44.Ağayev Azər Ağamməd oğlu

45.Vəliyev Fəxri Əmir oğlu

46.Aslanov Baba Salman oğlu

47.Aslanov Arif Əli oğlu

48.Qasımov Saleh İbrahim oğlu

49.Huseynov Əlirza Əmrah oğlu

50.İbrahimov Polad Tağı oğlu

51.Həsənov Elman Səttar oğlu (Qarabağ əlili)

52.Heydərov Azad Xasay oğlu

53.Məmmədov Mahmud Həmid oğlu (vəfat edib)

54.Nuruyev Muradxan Ənvər oğlu

55.Nuruyev Ziyadxan Ənvər oğlu

56.Hətəmov Seymur Rəhim oğlu

57.Xələfov Akif Əli oğlu

58.Əsədov Ədalət Kamran oğlu

59.Əsədov Əkrəm Lətif oğlu

60.Rzayev Fehruz Mikayıl oğlu

61.Rzayev Həmid Mikayıl oğlu

62.Abbasov İxtiyar Qacay oğlu

63.Alıyev Ədalət Rəcəb oğlu

64.Həsənov Hafiz Mirzəli oğlu

65.Aslanov Habil Qənbər oğlu

66.Qarayev Xudayar Oruc oğlu (Qarabağ əlili)

67.Süleymanov Qorxmaz Teymur oğlu

68.Abbasov Mətləb Ziyad oğlu (Qarabağ əlili)

69.Alıyev Sədrəddin Aslan oğlu

70.Nadirov Habil İmran oğlu

71.Həsənov Sərhad Şəmil oğlu

72.Məmmədov Raci İzzət oğlu (vəfat edib)

73.Həsənov Nizami Yunis oğlu

74.Vəliyev Bayram Əmir oğlu

75.Qarayev Məcid Oruc oğlu

76.Allahverdiyev Mahir Bəhrəm oğlu

77.Həsənov Rauf İdris oğlu

78.Həsənov Qalib Sabir oğlu

79.Heydərov İlham Əli oğlu

80.Nadirov Qalib Məcnun oğlu

81.Namazov Habil Sultan oğlu

82.Vəliyev Natiq Vəli oğlu

83. Vəliyev Rüstəm Müslüm oğlu (vəfat edib)

84.Əmiraslanov Anar

İqtisadiyyatı[redaktə | əsas redaktə]

Əsas təsərrüfatı heyvandarlıq idi. Sovet dönəmində "Frunze" adına olan sovxoz 1992-ci ildən "Qızılbulaq" sovxozu adlandırıldı. Qızılbulaq sovxozunun mal və qoyun fermalarında 500 başdan çox iri, 3000 başdan çox xırdabuynuzlu heyvanlar saxlanılırdı.

Sovxozun təsərrüfatalrı yay mövsümündə MinkəndƏhmədli kəndləri yaxınlığındakı Kahabulaq, Çalbayır, BeşbulaqƏliyetməz yaylaqlarına qaldırılar, payız-qış mövsümündə isə Ağcabədi rayonunun Taxtakörpü ərazisindəki Mişni qış yataqlarında 7 obada saxlanılardı.

1992-1999-cu illərdə Qızılbulaq sovxozunda ardıcıl olaraq direktor vəzifəsində Həsənov Şəmil Bahadur oğlu, Qarayev Rəhim Məcid oğlu, İsayev Ramiz Rəhim oğlu və Əzimov Dəmir Bahadur oğlu işləmişlər. 1997-1999-cu illərdə sovxozda aqrar islahat aparılaraq, sovxozun bütün əmlakı özəlləşdirilmişdir.

Balıqçılıqovçuluq kənd əhalisinin ənənəvi məşğuliyyəti idi.

İstinadlar[redaktə | əsas redaktə]

Mənbə[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]