Midori (koala)

Vikipediya, azad ensiklopediya
Naviqasiyaya keçin Axtarışa keçin
Midori
Növü Phascolarctos cinereus victor (Viktoriya koalası)
Cinsiyyəti dişi
Doğum tarixi 1 yanvar 1997
Doğum yeri Avstraliya Avstraliya
Tanınmış rolu zoopark heyvanı
Tanınır ən yaşlı koala
Saxlandığı yer İngiltərə parkı, Minamiavaci,  Hyoqo prefekturası, Yaponiya Yaponiya
Balaları yoxdur

Midori (みどり?, azərb. "yaşıl"‎) – qeydə alınmış ən yaşlı koala.[1] 2021-ci ildə Ginnesin Rekordlar Kitabına düşmüşdür.[1] Yaponiyanın Hyoqo prefekturasındakı İngiltərə parkında saxlanılır.[1]

Həyatı[redaktə | mənbəni redaktə et]

Midori 1 yanvar 1997-ci ildə Avstraliyada doğulmuşdur.[1] 2003-cü ildə Qərbi Avstraliya hökumətinin hədiyyəsi kimi Yançep Milli Parkından Hyoqo prefekturasına göndərilmişdir.[1] O, həmin il Minamiavaci şəhərindəki İngiltərə parkına gətirilmiş 4 koaladan biri idi.[1] İşçilər Midorinin bu qədər uzun yaşayacağını gözləmirdilər.[1] İngiltərə parkı Yaponiyada Viktoriya koalalarının saxlanıldığı yeganə yerdir.[1]

Kaolalar orta hesabla 15-16 il yaşasalar da, parkda yaradılmış şərait və qayğı nəticəsində Midori uzunömürlü olmağa bacarmışdır.[1] Yaşına baxmayaraq ağaca çıxır, özü yemək yeyir və ziyarətçilərin önünə çıxır.[1]

Midori gününü yeməklə və yatmaqla keçirir.[1] Bəzən işçilər ona yeməkdə və ifrazat prosesində köməklik göstərirlər.[1] Hər ay tibbi baxışdan keçirilir və dırnaqları tutulur.[1]

Ginnesin Rekordlar Kitabı[redaktə | mənbəni redaktə et]

Midori 2021-ci ildə 24 yaşına çatanda iki kateqoriya üzrə Ginnesin Rekordlar Kitabına düşmüşdür: dünyanın yaşayan ən yaşlı koalası və qeydə alınmış ən yaşlı koala.[1]

İstinadlar[redaktə | mənbəni redaktə et]

  1. 1 2 3 4 5 6 7 8 9 10 11 12 13 14 "24-year-old koala, Midori, becomes the oldest in captivity ever". Ginnesin Rekordlar Kitabı (ingiliscə). 15 aprel 2021. 2022-08-28 tarixində arxivləşdirilib. İstifadə tarixi: 28 avqust 2022.

Xarici keçidlər[redaktə | mənbəni redaktə et]