Mikayıl Cabbarov

Vikipediya, açıq ensiklopediya
Keçid et: naviqasiya, axtar
Mikayıl Cabbarov
Mikayıl Çingiz oğlu Cabbarov
Mikayıl Cabbarov
Təhsil Nazirliyində
Bayraq
Azərbaycan Respublikasının
Vergilər naziri
Bayraq
 5 dekabr 2017
Sələfi: Fazil Məmmədov
Bayraq
Azərbaycan Respublikasının
Təhsil naziri
19 aprel 2013 — 5 dekabr 2017
Sələfi: Misir Mərdanov
İçərişəhər Dövlət Tarix-Memarlıq Qoruğu İdarəsinin rəisi
6 mart 2009 — 19 aprel 2013
Sələfi: vəzifə təsis edilib
Azərbaycan Respublikası
İqtisadi İnkişaf Nazirin müavini
20 fevral 2004 — 6 mart 2009
 
Doğum tarixi: 19 sentyabr 1976 (1976-09-19) (41 yaş)
Doğum yeri: Bakı şəhəri
Atası: Çingiz Cabbarov

Cabbarov Mikayıl Çingiz oğlu (d. 19 sentyabr 1976) — Azərbaycan Respublikasının vergilər naziri (2017-ci ildən), Azərbaycan Respublikasının təhsil naziri (2013-2017), Azərbaycan Respublikası Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin rəisi (2009-2013), Azərbaycan Respublikası iqtisadi inkişaf nazirinin müavini (2004-2009). Azərbaycan Badminton Federasiyasının prezidenti (2015-ci ildən)[1]

Həyatı[redaktə | əsas redaktə]

Mikayıl Cabbarov 1976-cı il sentyabrın 19-da Bakıda anadan olmuşdur. Evlidir, 2 övladı var.

Təhsili[redaktə | əsas redaktə]

1992-ci ildə Bakı Dövlət Universitetinin beynəlxalq hüquq fakültəsinə daxil olmuş, 1997-ci ildə fakültəni fərqlənmə diplomu ilə bitirmişdir.

1997-1998-ci illərdə ABŞ-ın Kaliforniya ştatının Sakramento şəhərindəki Pasifik Universitetinin Makcorc Hüquq məktəbində hüquq, 2004-cü ildə isə Azərbaycan Dövlət İqtisad Universitetində iqtisadiyyat üzrə magistr dərəcəsi almışdır[2].

1999-cu ildən ABŞ-ın Nyu-York ştatında Vəkillər Kollegiyasının üzvüdür.

Əmək fəaliyyəti[redaktə | əsas redaktə]

Əmək fəaliyyətinə 1995-ci ildən bank sektorunda başlamış, 1999-2002-ci illərdə özəl sektorda hüquqşünas kimi fəaliyyət göstərmişdir.

2002-2003-cü illərdə İqtisadi İnkişaf Nazirliyində nazir müşaviri, 2003-2004-cü illərdə Azərbaycanda İxracın və İnvestisiyaların Təşviqi Fondunun (AZPROMO) prezidenti vəzifələrində çalışmışdır.

Azərbaycan Respublikası Prezidentinin 2004-cü il 20 fevral tarixli Sərəncamı ilə iqtisadi inkişaf nazirinin müavini vəzifəsinə təyin edilmişdir. Həmin vəzifədə işlədiyi dövrdə beynəlxalq maliyyə qurumları ilə əməkdaşlıq, xarici iqtisadi əlaqələr, xarici investisiya siyasəti, beynəlxalq arbitrajlarda hüquqi məsələlər və korporativ idarəetmə kimi fəaliyyətlərin əlaqələndirilməsini həyata keçirmişdir

Azərbaycan Respublikası Prezidentinin 2009-cu il 6 mart tarixli Sərəncamı ilə Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin rəisi vəzifəsinə təyin olunmuşdur.[3] .

Azərbaycan Respublikası Prezidentinin 19 aprel 2013-cü il tarixli Sərəncamı ilə Azərbaycan Respublikasının təhsil naziri vəzifəsinə təyin edilmişdir.[4].

Azərbaycan Respublikası Konstitusiyasının 109-cu maddəsinin 5-ci bəndinə əsasən Azərbaycan Respublikası Prezidentinin sərəncamı ilə Mikayıl Çingiz oğlu Cabbarov 5 dekabr 2017-ci il Azərbaycan Respublikasının vergilər naziri təyin edilib.

İctimai fəaliyyəti[redaktə | əsas redaktə]

1996-1997-ci illərdə Azərbaycan Gənclər Təşkilatları Forumunun sədr müavini seçilmişdir.

"Nə? Harada? Nə zaman?" və "Breyn-Rinq" oyunlarının fəal iştirakçısı olmuşdur.

1994-1997-ci illərdə "Atəşgah İntellektual Oyunlar Klubu"nun prezidenti olmuşdur. "Breyn-Rinq" oyunlarının 1996-1997-ci illər üzrə mütləq MDB çempionu adını qazanmışdır. 1997-ci ildə Moskvada təşkil edilmiş "Nə? Harada? Nə zaman?" oyununun yay seriyasında iştirak edən ilk azərbaycanlı bilicidir. "Nə? Harada? Nə zaman?" Bakı Televiziya Klubunun təcrübəli üzvüdür. Beşillik oyunların qalibidir.

2002-ci ildə "Breyn-Rinq" üzrə dünya və "Nə? Harada? Nə zaman?" oyunu üzrə Azərbaycan çempionu olmuşdur.

Mikayıl Cabbarov 2009-cu ildən Gürcüstanın Tbilisi şəhərinin Fəxri Vətəndaşıdır.[5]

İstinadlar[redaktə | əsas redaktə]

Mənbə[redaktə | əsas redaktə]

Xarici keçidlər[redaktə | əsas redaktə]

Vikianbarda Mikayıl Cabbarov ilə əlaqəli mediafayllar var.