Mikayıl Cabbarov

Vikipediya, azad ensiklopediya
Jump to navigation Jump to search
Mikayıl Cabbarov
Mikayıl Çingiz oğlu Cabbarov
Təhsil Nazirliyində
Təhsil Nazirliyində
bayraqAzərbaycan Respublikasının iqtisadiyyat naziribayraq
Vəzifədədir
23 oktyabr 2019-cu ildən
Sələfi Şahin Mustafayev
bayraqAzərbaycan Respublikasının vergilər naziribayraq
5 dekabr 2017 — 23 oktyabr 2019
Sələfi Fazil Məmmədov
Xələfi vəzifə ləğv edilib
bayraqAzərbaycan Respublikasının təhsil naziribayraq
19 aprel 2013 — 5 dekabr 2017
Sələfi Misir Mərdanov
Xələfi Ceyhun Bayramov
İçərişəhər Dövlət Tarix-Memarlıq Qoruğu İdarəsinin rəisi
6 mart 2009 — 19 aprel 2013
Sələfi Vəzifə təsis edilib
Xələfi Samir Nuriyev
Azərbaycan Respublikasının i̇qtisadi inkişaf nazirinin müavini
20 fevral 2004 — 6 mart 2009
Şəxsi məlumatlar
Doğum tarixi (45 yaş)
Doğum yeri Bakı, Azərbaycan SSR, SSRİ
Təhsili
Atası Çingiz Cabbarov
Vikianbarın loqosu Vikianbarda əlaqəli mediafayllar

Mikayıl Cabbarov Çingiz oğlu (19 sentyabr 1976, Bakı) — Azərbaycan Respublikasının İqtisadiyyat naziri (2019), Azərbaycan Respublikasının Vergilər naziri (2017–2019), 2-ci dərəcəli dövlət vergi xidməti müşaviri,[1] Azərbaycan Respublikasının təhsil naziri (2013–2017), Azərbaycan Respublikası Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin rəisi (2009–2013), Azərbaycan Respublikası iqtisadi inkişaf nazirinin müavini (2004–2009), Azərbaycan Badminton Federasiyasının prezidenti (2015–2021),[2] Azərbaycan Qılıncoynatma Federasiyasının prezidenti (2017–2021)[3], Azərbaycan Güləş Federasiyasının prezidenti (2021).[4]

Həyatı[redaktə | mənbəni redaktə et]

Mikayıl Cabbarov 1976-cı il sentyabrın 19-da Bakıda anadan olub.

Təhsili[redaktə | mənbəni redaktə et]

1992–1997-ci illərdə Bakı Dövlət Universitetində təhsil alıb, beynəlxalq hüquq fakültəsini fərqlənmə diplomu ilə bitirib.

1997–1998-ci illərdə ABŞ-ın Kaliforniya ştatının Sakramento şəhərindəki Pasifik Universitetinin Makcorc Hüquq məktəbində hüquq üzrə magistr dərəcəsi alıb.[5]

2004-cü ildə Azərbaycan Dövlət İqtisad Universitetində iqtisadiyyat üzrə magistr dərəcəsi alıb.

Əmək fəaliyyəti[redaktə | mənbəni redaktə et]

  • Əmək fəaliyyətinə 1995-ci ildə bank sektorunda başlayıb.
  • 1999–2002-ci illər – özəl sektorda hüquqşünas kimi fəaliyyət göstərib.
  • 1999-cu ildən ABŞ-ın Nyu-York ştatında Vəkillər Kollegiyasının üzvüdür.
  • 2002–2003-cü illər – İqtisadi İnkişaf Nazirliyində nazir müşaviri vəzifəsində çalışıb.
  • 2003–2004-cü illər – Azərbaycanda İxracın və İnvestisiyaların Təşviqi Fondunun (AZPROMO) prezidenti vəzifələrində çalışıb.
  • 2004-cü il, 20 fevral – Azərbaycan Respublikası Prezidentinin Sərəncamı ilə iqtisadi inkişaf nazirinin müavini vəzifəsinə təyin edilmişdir. Həmin vəzifədə işlədiyi dövrdə beynəlxalq maliyyə qurumları ilə əməkdaşlıq, xarici iqtisadi əlaqələr, xarici investisiya siyasəti, beynəlxalq arbitrajlarda hüquqi məsələlər və korporativ idarəetmə kimi fəaliyyətlərin əlaqələndirilməsini həyata keçirib.[6]
  • 2009-cu il, 6 mart – Azərbaycan Respublikası Prezidentinin Sərəncamı ilə Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin rəisi vəzifəsinə təyin olunub.[7]
  • 2013-cü il, 19 aprel – Azərbaycan Respublikası Prezidentinin Sərəncamı ilə Azərbaycan Respublikasının təhsil naziri vəzifəsinə təyin edilib.[8]
  • 2017-ci il, 16 iyun – Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın həmsədri seçilib.[9]
  • 2017-ci il, 5 dekabr – Azərbaycan Respublikası Prezidentinin Sərəncamı ilə Azərbaycan Respublikasının vergilər naziri vəzifəsinə təyin edilib.[10]
  • 17 mart 2018-ci il – 2 mart 2020-ci il – Azərbaycan Respublikası Hökuməti və Xorvatiya Respublikası Hökuməti arasında iqtisadi əməkdaşlığı təşviq etmək məqsədi ilə Birgə Komissiyanın həmsədri olub.[11]
  • 2018-ci il, 17 mart – Azərbaycan Respublikası Hökuməti və Litva Respublikası Hökuməti arasında İkitərəfli Əməkdaşlıq üzrə Hökumətlərarası Komissiyanın həmsədri seçilib.[12]
  • 2018-ci il, 10 oktyabr – Azərbaycan Respublikası Prezidentinin Sərəncamı ilə 3-cü dərəcəli dövlət vergi xidməti müşaviri xüsusi rütbəsi verilib.[13]
  • 2019-cu il, 9 fevral – Azərbaycan Respublikasının Prezidenti Sərəncamı ilə 2-ci dərəcəli dövlət vergi xidməti müşaviri xüsusi rütbəsi verilib.[14]
  • 2019-cu il, 23 oktyabr – Azərbaycan Respublikası Prezidentinin Sərəncamı ilə Azərbaycan Respublikasının İqtisadiyyat naziri təyin edilib.[15]
  • 2019-cu il, 4 dekabr – Azərbaycan Respublikası Prezidentinin Sərəncamı ilə Azərbaycan Respublikası Hökuməti və Birləşmiş Ərəb Əmirlikləri Hökuməti arasında iqtisadi, ticarət və texniki əməkdaşlıq üzrə Birgə Hökumətlərarası Komissiyanın həmsədri təyin edilib.[16]
  • 2020-ci il, 2 mart – Azərbaycan Respublikası Prezidentinin Sərəncamı ilə Azərbaycan Respublikası Hökuməti ilə İsveçrə Federal Şurası arasında ticarət və iqtisadi əməkdaşlıq üzrə Birgə Komissiyanın həmsədri təyin edilib.[17]
  • 2020-ci il, 2 mart – Azərbaycan Respublikası Prezidentinin Sərəncamı ilə Azərbaycan Respublikası ilə Gürcüstan arasında iqtisadi əməkdaşlıq üzrə Birgə Hökumətlərarası Komissiyanın sədr müavini təyin edilib.[18]
  • 2021-ci il, 4 yanvar – Dövlət başçısının Sərəncamı ilə yaradılmış Qarabağ Dirçəliş Fondunun Müşahidə Şurasının üzvü təyin edilib.[19][20]
  • 2021-ci il, 23 yanvar – Dövlət başçısının Sərəncamı ilə Dövlət Neft Şirkətinin Müşahidə Şurasının sədri təyin edilib.[21]

İctimai fəaliyyəti[redaktə | mənbəni redaktə et]

"İçərişəhər" Dövlət Tarix-Memarlıq Qoruğunda fəaliyyəti[redaktə | mənbəni redaktə et]

Mikayıl Cabbarov 2009–2013-cü illərdə Azərbaycan Respublikasının Nazirlər Kabineti yanında "İçərişəhər" Dövlət Tarix-Memarlıq Qoruğu İdarəsinin rəisi olaraq fəaliyyət göstərib.[25][26]

Onun rəhbərliyi dövründə dünya əhəmiyyətli memarlıq abidəsi olan "Məhəmməd məscidi" tam bərpa edilib, orta əsrlər abidəsi olan Kiçik Karvansarayda bərpa-konservasiya işləri aparılıb, "Bazar Meydanı"nda (Sıratağlı dini-memarlıq kompeksi) təmir-bərpa işləri aparılıb. Qala divarının böyük hissəsi bərpa edilib və ətrafı abadlaşdırılıb. XX əsrin əvvəllərində uçurulmuş 15-ci bürc yeri dəqiq müəyyən edilərək rekonstruksiya edilib.[27]

2011-ci ildə Azərbaycan Respublikası Prezidentinin sərəncamı ilə "Qala" Dövlət Tarix-Etnoqrafiya Qoruğu İdarənin strukturuna daxil edilib,[28] Azərbaycan Respublikası Nazirlər Kabinetinin sərəncamı ilə Qoruğun sərhədləri təsdiq olunub, Qoruq ərazisində infrastruktur yaxşılaşdırılıb, turistlərə göstərilən xidmət səviyyəsinin yüksəldilməsi üçün zəruri tədbirlər görülüb. İnfrastrukturun yaradılması ilə İçərişəhər turizm mərkəzinə çevirilib. Bu da yerli və xarici turistlərin Qoruq ərazisinə axınını 3 dəfədən çox artırıb. Ərazidə görülən işlər ictimaiyyət tərəfindən də rəğbətlə qarşılanıb.[29]

Mikayıl Cabbarovun müsahibəsindən:[30]

"Görülən məqsədyönlü və sistemli tədbirlər İçəri Şəhərin milli-mədəni irsimizin təbliği mərkəzinə çevrilməsinə, onun mədəni turizm və istirahət məkanı kimi potensialının artırılmasına, tarixi-memarlıq görkəminin yaxşılaşmasına və zənginləşməsinə, dayanıqlı sosial-iqtisadi inkişafına xidmət edir. Son 3 il ərzində təkcə qeyri-dövlət sektoru tərəfindən yaradılan turizm infrastrukturu obyektlərində 704 yeni iş yeri açılmış və bununla da o cümlədən yerli sakinlərin məşğuliyyəti təmin olunmuşdur".

Təhsil Nazirliyində fəaliyyəti[redaktə | mənbəni redaktə et]

Mikayıl Cabbarov 2013–2017-ci illərdə təhsil naziri kimi fəaliyyət göstərib.[31][32]

Onun Azərbaycanın təhsil naziri kimi fəaliyyəti müddətində ümumtəhsil məktəblərində 5 yaşlı uşaqların dövlət hesabına məktəbə hazırlıq təhsilinə başlanıb.[33][34]

Nazir müəllimlərlə iş və onların qiymətlədirilməsində yeni qaydalar tətbiq edib. 2014–2018-ci illər ərzində ölkədə ümumilikdə 140.000-dək müəllim diaqnostik qiymətləndirmədən keçib.[35]

Tədris prosesinin elektronlaşdırılması bu dövrdə təhsil sahəsində aparılmış islahatların əsas istiqamətlərindən biri olub. 2015-ci ildə Bakı şəhərində birinci siniflərə qəbul prosesi tam elektronlaşdırılıb.[36] 2017-ci ildə tələbələrin ölkə daxilində və xaricdə yerləşən ali təhsil müəssisələrinin birindəndən digərinə, yaxud bir ixtisasdan digərinə köçürülməsi prosesinin sadələşdirilməsi və şəffaflığın təmin edilməsi məqsədi ilə https://transfer.edu.az/ xüsusi elektron sistemi istifadəyə verilib.[37]

Təhsil naziri tədrisə yanaşmada innovativ alətlərin tətbiq edilməsinə xüsusi diqqət ayırıb və bu istiqamətdə maraqlı layihələr həyata keçirilib. 2014-cü ildə məktəbyaşlı uşaqların inkişafı, maarifləndirilməsi, təhsili və sağlamlığının qorunması kimi mühüm vəzifələrin həlli məqsədilə "Sağlam təhsil-sağlam millət" layihəsinə start verilib.[38]

Mikayıl Cabbarovun təşəbbüsü ilə 2014-cü ildə 34 ixtisas üzrə 7 dövlət ali təhsil müəssisəsində SABAH qrupları yaradılıb.[39][40]. Üç ildən sonra SABAH qruplarının ilk məzunlarının buraxılış mərasimi keçirilib.[41]

2016-cı ildə Təhsil Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi təhsilin idarəedilməsinin təkmilləşdirilməsi, valideynlərin ümumi təhsil müəssisələrinin həyatında daha yaxından iştirakı məqsədilə "Məktəblinin dostu" pilot layihəsinə başlanılıb.[42]

Təhsil naziri kimi Mikayıl Cabbarovun fəaliyyətində yaddaqalan məqamlardan biri təhsil sahəsində şəffaflıq istiqamətində apardığı islahatlardır. 2015-ci ildən respublika fənn olimpiadalarının keçirilməsində yeni şəffaf qaydalar tətbiq olunub.[43] 2016-cı ildə beynəlxalq PIRLS qiymətləndirilməsində nəticələr 462-dən 472 bala yüksəlib, "Mükəmməl" və "Yüksək" kateqoriyada olan şagirdlərin sayı 2 dəfə artıb. 2017-ci il — "Azərbaycan Respublikasında peşə təhsili və təliminin inkişafına dair Strateji Yol Xəritəsi"nin icrasına başlanılıb.[44][45]

Təhsil sahəsində görülmüş işlər nəticəsində Azərbaycanın təhsil sistemində mühüm kəmiyyət və keyfiyyət dəyişiklikləri baş verib. Eyni zamanda təhsil infrastrukturu təkmilləşdirilib və onun texniki imkanları artırılıb. 2015-ci ildə Azərbaycan Respublikasının dövlət ali təhsil müəssisələri tərəfindən "Maarifçi" Tələbə Kredit Fondu təsis edilib. Fondun missiyası aztəminatlı ailələrdən olan tələbələrə kreditlərin verilməsi vasitəsi ilə onlara ali təhsil almaqda bərabər imkanların yaradılması idi.[46]

2015-ci ildə Təhsil Nazirliyi ilə "Thomson Reuters" şirkətinin Elmi tədqiqatlar və intellektual mülkiyyət üzrə şöbəsi arasında əməkdaşlıq haqqında müqavilə imzalanıb. Azərbaycanın 40 ali təhsil müəssisəsi dünyada məşhur elmi istinad indeksi olan "Thomson Reuters Web of Science®" platformasına ("Science Citation İndex Expanded®" (Təbiət elmləri üzrə məlumat bazası), "Social Sciences Citation İndex®" (İctimai elmlər üzrə məlumat bazası), "Arts and Humanities Citation İndex®" (İncəsənət və humanitar elmlər üzrə məlumat bazası), "Conference Proceedings Citation İndex®" (Konfrans, konvensiya, simpozium, kollokvium və "dəyirmi masa"ların materialları üzrə məlumat bazası)), eləcə də şirkətin əsas məhsulu olan "Thomson Reuters İnCites™" bazasına tam çıxış əldə edib.[47]

2015-ci ildə Mikayıl Cabbarovun iştirakı ilə İ.M.Seçenov adına Birinci Moskva Dövlət Tibb Universitetinin Bakı filialı fəaliyyətə başlayıb.[48][49] Həmin il onun iştirakı ilə Azərbaycan Dövlət Neft və Sənaye Universitetində Fransız-Azərbaycan Universitetinin (UFAZ) açılışı olub.[50]

2017-ci ildə "ADA" Universitetində BP-nin maliyyə dəstəyi ilə "Big Data" Elmi-Tədqiqat və Təlim Mərkəzi yaradılıb.[51][52]

2016–2017-ci illərdə modul tipli məktəblərin inşası genişləndirilib. 2017-ci ildə ölkənin 40 rayonunda təqribən 5.000 şagirdi əhatə edən modul tipli 100 məktəb binası inşa olunub.[53]

2017-ci ildə isə Qəbələ Dövlət Peşə Təhsil Mərkəzinin yeni binası istifadəyə verilib.[54]

Mikayıl Cabbarovun təhsil naziri kimi həyata keçirdiyi islahatlar cəmiyyət tərəfindən də rəğbətlə qarşılanıb.[55]

Vergilər Nazirliyində fəaliyyəti[redaktə | mənbəni redaktə et]

2017–2019-cu illərdə Mikayıl Cabbarov Azərbaycan Respublikasının Vergilər naziri kimi fəaliyyətə göstərib.[56][57]

O, vergi orqanlarının fəaliyyətində yeni yanaşmalar, vergi əməkdaşlarının fəaliyyətinə yeni tələblər, vergi orqanlarına etimadın yüksəldilməsi və vergi sahəsində şəffaflığın təminatı ilə bağlı təşəbbüslər irəli sürüb.

İlk növbədə vergi uçotunun dəqiq aparılmasını, auditin real funksiyasının bərpa olunmasını, vergilərin yığılmasından vergilərin ödənilməsinə keçidin təmin edilməsini, vergi ödəyicilərinə göstərilən xidmətlərin səviyyəsinin və spektrinin müasir tələblərə uyğun olaraq genişləndirilməsi istiqamətində islahatlara başlayıb.[58]

Vergi islahatlarına paralel olaraq milli vergi qanunvericiliyinin və vergi inzibatçılığının təkmilləşdirilməsinə xüsusi önəm verir və bu sahədə mövcud olan qabaqcıl beynəlxalq təcrübənin ölkəmizin vergi sistemində tətbiqi başlayır.[59]

2018-ci il vergi sahəsində geniş islahatlar paketinin hazırlanması və vergi qanunvericiliyinə mühüm dəyişikliklərin edilməsi ilə yadda qalıb, vergi orqanlarının fəaliyyətində ciddi islahatlarla müşayiət olunub.[60] Vergilər naziri Mikayıl Cabbarov idarəetmə prinsiplərinin yenidən təşkili və vergi inzibatçılığının təkmilləşdirilməsi, şəffaflığın təmin edilməsi, vergi ödəyiciləri ilə vergi orqanları arasında qarşılıqlı etimadın artırılması istiqamətində kompleks tədbirlər həyata keçirib.

2019-cu ildə Vergi Məcəlləsinə 5 əsas istiqaməti (sahibkarlığa dəstək, kölgə iqtisadiyyatının miqyasının azaldılması və vergidən yayınma, vergitutma bazasının genişləndirilməsi, vergi inzibatçılığının təkmilləşdirilməsi, vergi güzəştlərinin səmərəliliyinin artırılması) əhatə edən dəyişikliklər qüvvəyə minib.[61] İnkişaf etmiş ölkələrin qabaqcıl təcrübəsi əsas götürülərək Azərbaycanda Vergi Ombudsmanı İnstitutunun yaradılıb. Bununla vergi ödəyiciləri ilə üfüqi əməkdaşlıq platforması genişləndirilib və vergi ödəyiciləri yeni bir apelyasiya mexanizmi əldə ediblər.[62]

Bu dövrdə vergi orqanları tərəfindən rəqəmsal platformaların yaradılması işləri sürətləndirildi. Həmin işlər çərçivəsində hüquqi şəxslərin dövlət qeydiyyatı 20 dəqiqə ərzində bir prosedurla həyata keçirilməsi başlayıb[63], elektron xidmətlərin çeşidi artırılıb.[64] 2019-cu ildən vergi ödəyiciləri ilə münasibətlərdə birbaşa təmasın azaldılması məqsədilə ünsiyyətin rəqəmsallaşdırılması, vergi inzibatçılığında süni intellekt, bulud texnologiyaları, kibertəhlükəsizlik, böyük verilənlər bazasının təhlili və digər elementlərə keçid sürətləndirilib. Azərbaycanda elektron informasiya sisteminə məlumat ötürməyə imkan verən yeni nəsil nəzarət kassa aparatlarının quraşdırılması başlayıb.[65]

Mikayıl Cabbarov vergi siyasətinin və vergi inzibatçılığının tətbiqi zamanı vergi ödəyiciləri ilə dövlət arasında yeni mədəniyyətin sürətlə formalaşdırılmasını, şəffaf münasibətlər sisteminin qurulmasını vergi orqanlarının qarşısında duran əsas vəzifələrdən biri hesab edirdi.

2018–2019-cu illərdə Vergilər Nazirliyi alkoqollu məhsullar və tütün məmulatlarının istehsalı ilə məşğul olan müəssisələrdə kölgə iqtisadiyyatı ilə mübarizə məqsədilə bu müəssisələrdə aksiz postlarının qurulması başladı və vergi nəzarətinin gücləndirilməsi dövlət büdcəsinə daxilolmaların artmasına səbəb oldu[66], qeyri-neft-qaz sektorundan vergi daxilolmalarında yüksək artım templəri müşahidə olundu,[67] kənd təsərrüfatı sektorunda vergi uçotunun şəffaflaşdırılması istiqamətində tədbirlərə başladı.[68]

Kölgə iqtisadiyyatının həcminin azalması hesabına qeyri-neft sektorunda vergi daxilolmaları artdı[69], əmək münasibətlərinin rəsmiləşdirilməsi istiqamətində mühüm nəticələr əldə edildi.[70]

İqtisadiyyat Nazirliyində fəaliyyəti[redaktə | mənbəni redaktə et]

Dövlət başçısının sərəncamı ilə Mikayıl Cabbarov 2019-cu ildən Azərbaycan Respublikasının iqtisadiyyat naziri təyin edilib.[71] Onun təşəbbüsü ilə Azərbaycan iqtisadiyyatında şəffaflığın təmin olunması istiqamətində vergi sistemində həyata keçirilən tədbirlər iqtisadiyyatın digər sahələrində də davam etdirilib. Mikayıl Cabbarov, iqtisadiyyatın daha sürətlə şaxələndirilməsi, iqtisadiyyatın dayanıqlılığını təmin etmək, neftdən asılılığı aradan qaldırmaq, iqtisadiyyatın bütün sahələrinə özəl sektoru cəlb etmək və insan kapitalının inkişafının iqtisadi siyasətin əsas hədəfləri olduğunu hesab edir[72]:

"Şəffaf münasibətlərin qurulması kontekstində atılan addımlar dövlət-biznes münasibətlərində yeni bir transformasiyanın əsasını qoyub. Yumşaq vergi nəzarəti, həmçinin yeni vergi güzəştləri mexanizminin tətbiqi biznesin qismən də olsa, "kölgə"dən çıxmasına səbəb olub. Bütövlükdə, işgüzar cəmiyyətin yeni münasibətlər kontekstinə müsbət yanaşması aparılan siyasətin düzgünlüyünü, şəffaflığın isə alternativsizliyini bir daha sübut edir".

Onun fəaliyyəti dövründə sahibkarlığın təşviqi, yeni istehsal müəssisələrinin yaradılması və biznes mühitinin təkmilləşdirilməsi genişlənib. 2019-cu ildə Pirallahıda dərman istehsalı müəssisəsi açılıb[73], Hacıqabul Sənaye Parkında izolyasiya materialları istehsalı üzrə yeni zavodun təməli qoyulub[74], 2020-ci ildə Sumqayıt Kimya Sənaye Parkında "Bakı Tekstil Fabriki" MMC tərəfindən yaradılan tibbi maska istehsalı müəssisəsi fəaliyyətə başlayıb.[75]

Mikayıl Cabbarov iqtisadi sahədə fəaliyyətin stimullaşdırıcı mexanizmlər vasitəsilə həyata keçirilməsinə xüsusi diqqət ayırır. 2020-ci ildə COVID-19 koronavirus pandemiyasının və bundan irəli gələn dünya enerji və səhm bazarlarının kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər ilə bağlı tətbiq edilən alətlər biznes ictiamiyyəti, sahibkarlar və cəmiyyət tərəfindən rəğbətlə qarşılanıb.[76][77]

Vətən Müharibəsinin başlaması ilə cəbhəyanı bölgələrdə çoxsaylı sahibkarlıq obyektləri də düşmən zərbələrinə məruz qalmış, bir sıra vergi ödəyicilərinin təsərrüfat subyektlərinə, əmlaklarına külli miqdarda zərər dəymişdi. İşğal altında olmuş rayonlarda və cəbhəyanı ərazilərdə sahibkarlıq subyektlərinə baş vermiş hadisələr nəticəsində dəymiş maddi zərərin təsirinin azaldılması, sahibkarlıq fəaliyyətinin davamlılığının təmin edilməsi məqsədilə bu rayonlarda və cəbhəyanı ərazilərdə qeydiyyatda olan vergi ödəyiciləri üzrə maliyyə sanksiyaları ləğv edildi.[78]

Mikayıl Cabbarovun apardığı islahatlar arasında rəqəmsallaşma xüsusi önəm daşıyır. 2020-ci ildən etibarən Azərbaycanda ƏDV-nin müəyyən hissəsinin qaytarılması mexanizmi işə düşüb.[79] İqtisadiyyat Nazirliyinin Sahibkarlığın İnkişafı Fondunun sahibkarlığın güzəştli kreditləşdirilməsinin yeni mexanizmləri və Elektron Kredit Platforması Arxivləşdirilib 2021-08-27 at the Wayback Machine tətbiq edilib.[80]

İqtisadiyyat naziri ixraca əsaslanan iqtisadiyyatın təşviqi, rəqabətqabiliyyətli məhsulların ixracı və ticarət əlaqələrinin inkişafı ilə bağlı beynəlxalq əməkdaşlığın genişləndirilməsini vacib sayır. 2021-ci ildə Mikayıl Cabbarov "Coca-Cola Bottlers" MMC arasında Azərbaycanda yeni zavodun tikintisinə dair Anlaşma Memorandumu imzalayıb.[81]

2021-ci ildə Mikayıl Cabbarov və BMT-nin Azərbaycandakı rezident əlaqələndiricisi Qulam İshaqzai Azərbaycan və BMT arasında Dayanıqlı İnkişaf üzrə Əməkdaşlıq üzrə Çərçivə Sənədi imzalayıblar.[82]. Ticarət əlaqələrinin yeni müstəvidə genişləndirilməsi məqsədilə Türkiyə ilə rəqəmsal ticarət sahəsində Anlaşma Memorandumu imzalayıb.[83] 2021-ci ilin iyulunda nazir Azərbaycan və İsrail arasında iqtisadi əməkdaşlığın, işgüzar əlaqələrin genişləndirilməsi və işgüzar dialoqun təşviqi üçün mühüm platformaya çevriləcək Azərbaycanın İsraildə Ticarət və Turizm Nümayəndəliklərinin açılışında iştirak edib.[84]

İqtisadiyyat Nazirliyinin Vətən müharibəsində iştirak etmiş əməkdaşları diqqətdə saxlanılır və Mikayıl Cabbarovun bu əməkdaşlarla görüşləri keçirilir.[85][86]

İqtisadiyyat nazirinin rəhbərliyilə həyata keçirilən tədbirlər Azərbaycan iqtisadiyyatında qeyri-neft sektorunun payının artmasına və bu sektorun inkişafına xidmət göstərir. Bu istiqamətdə müsbət nəticələr əldə edilir.[87][88]

2021-ci ildə qarşıdakı illərdə Azərbaycan dövlətinin qüdrətinin daha da artırılması, yüksək rifah cəmiyyətinin qurulması və dayanıqlı iqtisadi inkişafın təmin olunması məqsədilə dövlət başçısı İlham Əliyev tərəfindən "Azərbaycan 2030: sosial-iqtisadi inkişafa dair Milli Prioritetlər" təsdiq edilib.[89] Mikayıl Cabbarov "2021‒2025-ci illərdə sosial-iqtisadi inkişaf Strategiyası"nın hazırlanması üçün yaradılmış "Dayanıqlı artan rəqabətqabiliyyətli iqtisadiyyat" üzrə İşçi Qrupun rəhbəridir.[90]

İqtisadiyyat naziri Mikayıl Cabbarovun və Dünya İqtisadi Forumunun prezidenti Borge Brendenin iştirakı ilə 2022-ci ilin 24 fevral tarixində Dünya İqtisadi Forumunun Dördüncü Sənaye İnqilabı Şəbəkəsinin Azərbaycan Mərkəzinin açılışı olub. MDB regionunda ilk olan bu Mərkəzin fəaliyyəti ölkəmizdə müasir texnologiyalardan istifadənin və rəqəmsallaşmanın sürətlənməsinə, innovasiyaların tətbiqinə mühüm töhfə verəcək. [91] [92] [93]

İstinadlar[redaktə | mənbəni redaktə et]

  1. "M.Ç.Cabbarova 2-ci dərəcəli dövlət vergi xidməti müşaviri xüsusi rütbəsinin verilməsi haqqında Azərbaycan Respublikası Prezidentinin Sərəncamı". 2019-02-13 tarixində arxivləşdirilib. İstifadə tarixi: 2019-02-12.
  2. Mikayıl Cabbarov Azərbaycan Badminton Federasiyasının prezidenti seçilib Arxivləşdirilib 2017-02-03 at the Wayback Machine. report.az, 17.06.2015  (az.)
  3. Azərbaycan Qılıncoynatma Federasiyasının saytı Arxivləşdirilib 2021-11-16 at the Wayback Machine. fencing.az (az.)
  4. Mikayıl Cabbarov: "Azərbaycan güləşinin uğurları üçün əlimdən gələni edəcəyəm
  5.  (ing.)Profile: Mikayil Jabbarov Arxivləşdirilib 2019-03-31 at the Wayback Machine
  6. "M.Ç.Cabbarovun Azərbaycan Respublikasının iqtisadi inkişaf nazirinin müavini təyin edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2017-05-29 tarixində arxivləşdirilib. İstifadə tarixi: 2018-09-15.
  7. "M.Ç.Cabbarovun Azərbaycan Respublikasının Nazirlər Kabineti yanında " Arxivləşdirilib 2013-04-23 at the Wayback Machineİçərişəhər" Dövlət Tarix-Memarlıq Qoruğu İdarəsinin rəisi vəzifəsindən azad edilməsi haqqında" Azərbaycan Respublikası Prezidentinin 19 aprel 2013-cü il tarixli Sərəncamı
  8. ""M.Ç.Cabbarovun Azərbaycan Respublikasının təhsil naziri təyin edilməsi haqqında" Azərbaycan Respublikası Prezidentinin Sərəncamı". 2013-04-22 tarixində arxivləşdirilib. İstifadə tarixi: 2013-04-19.
  9. "Azərbaycan Respublikası Hökuməti ilə İsrail Dövləti Hökuməti arasında Birgə Komissiyanın Azərbaycan Respublikası tərəfindən tərkibinin təsdiq edilməsi barədə Azərbaycan Respublikası Prezidentinin Sərəncamı". 2018-04-03 tarixində arxivləşdirilib. İstifadə tarixi: 2020-04-14.
  10. "M.Ç.Cabbarovun Azərbaycan Respublikasının vergilər naziri təyin edilməsi haqqında Azərbaycan Respublikası Prezidentinin Sərəncamı". 2018-04-13 tarixində arxivləşdirilib. İstifadə tarixi: 2018-08-29.
  11. ""Azərbaycan Respublikası Hökuməti və Xorvatiya Respublikası Hökuməti arasında iqtisadi əməkdaşlığı təşviq etmək məqsədi ilə Birgə Komissiyanın Azərbaycan Respublikası tərəfindən tərkibinin təsdiq edilməsi haqqında" Azərbaycan Respublikası Prezidentinin 2015-ci il 15 aprel tarixli 1174 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı". 2021-04-12 tarixində arxivləşdirilib. İstifadə tarixi: 2020-04-04.
  12. ""Azərbaycan Respublikası Hökuməti və Litva Respublikası Hökuməti arasında İkitərəfli Əməkdaşlıq üzrə Hökumətlərarası Komissiyanın Azərbaycan Respublikası tərəfindən tərkibi haqqında" Azərbaycan Respublikası Prezidentinin 2009-cu il 4 noyabr tarixli 579 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı". 2018-03-22 tarixində arxivləşdirilib. İstifadə tarixi: 2020-04-04.
  13. "M.Ç.Cabbarova 3-cü dərəcəli dövlət vergi xidməti müşaviri xüsusi rütbəsinin verilməsi haqqında Azərbaycan Respublikası Prezidentinin Sərəncamı". 2021-11-16 tarixində arxivləşdirilib. İstifadə tarixi: 2018-10-11.
  14. "M.Ç.Cabbarova 2-ci dərəcəli dövlət vergi xidməti müşaviri xüsusi rütbəsinin verilməsi haqqında Azərbaycan Respublikası Prezidentinin Sərəncamı". 2019-02-13 tarixində arxivləşdirilib. İstifadə tarixi: 2019-02-12.
  15. "M.Ç.Cabbarovun Azərbaycan Respublikasının İqtisadiyyat naziri təyin edilməsi haqqında Azərbaycan Respublikası Prezidentinin Sərəncamı". 2019-10-23 tarixində arxivləşdirilib. İstifadə tarixi: 2019-10-23.
  16. "Azərbaycan Respublikası Hökuməti və Birləşmiş Ərəb Əmirlikləri Hökuməti arasında iqtisadi, ticarət və texniki əməkdaşlıq üzrə Birgə Hökumətlərarası Komissiyanın Azərbaycan Respublikası tərəfindən tərkibi haqqında" Azərbaycan Respublikası Prezidentinin 2008-ci il 21 may tarixli 2830 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı
  17. ""Azərbaycan Respublikası Hökuməti ilə İsveçrə Federal Şurası arasında ticarət və iqtisadi əməkdaşlıq üzrə Birgə Komissiyanın Azərbaycan Respublikası tərəfindən yeni tərkibinin təsdiq edilməsi haqqında" Azərbaycan Respublikası Prezidentinin 2009-cu il 14 aprel tarixli 226 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı". 2021-11-16 tarixində arxivləşdirilib. İstifadə tarixi: 2020-04-04.
  18. ""Azərbaycan Respublikası ilə Gürcüstan arasında iqtisadi əməkdaşlıq üzrə birgə hökumətlərarası komissiyanın Azərbaycan Respublikası tərəfindən yeni tərkibinin təsdiq edilməsi barədə" Azərbaycan Respublikası Prezidentinin 2006-cı il 4 iyul tarixli 1554 nömrəli Sərəncamında dəyişiklik edilməsi haqqında Azərbaycan Respublikası Prezidentinin Sərəncamı". 2021-11-16 tarixində arxivləşdirilib. İstifadə tarixi: 2020-04-04.
  19. "Qarabağ Dirçəliş Fondunun Müşahidə Şurasının tərkibi təsdiq edilib — SƏRƏNCAM". 2021-01-20 tarixində arxivləşdirilib. İstifadə tarixi: 2021-01-13.
  20. "Qarabağ Dirçəliş Fondunun Müşahidə Şurasının ilk iclası keçirilib". 2021-11-16 tarixində arxivləşdirilib. İstifadə tarixi: 2021-01-13.
  21. "SOCAR-ın Müşahidə Şurasının tərkibi təsdiqlənib". 2021-02-03 tarixində arxivləşdirilib. İstifadə tarixi: 2021-01-29.
  22. ""İÇƏRİŞƏHƏR" DÖVLƏT TARİX-MEMARLIQ QORUĞU İDARƏSİNİN DOSTLUQ ƏLAQƏLƏRİ GENİŞLƏNİR". 2021-11-16 tarixində arxivləşdirilib. İstifadə tarixi: 2018-09-15.
  23. İqtisadiyyat naziri "Yüksəliş" müsabiqəsinin qalibi ilə görüşüb
  24. Mikayıl Cabbarov Azərbaycan Güləş Federasiyasının prezidenti seçilib
  25. M.Ç.Cabbarovun Azərbaycan Respublikasının təhsil naziri vəzifəsindən azad edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI
  26. M.Ç.Cabbarovun Azərbaycan Respublikasının təhsil naziri təyin edilməsi haqqında Azərbaycan Respublikası Prezidentinin Sərəncamı
  27. "Mikayil Cabbarov: "Əminliklə deyə bilərik ki, İçərişəhərə hər hansı təhlükə yoxdur". 2021-11-29 tarixində orijinalından arxivləşdirilib. İstifadə tarixi: 2021-11-29.
  28. "Qala" Dövlət Tarix-Etnoqrafiya Qoruğu Mədəniyyət və Turizm Nazirliyinin tabeliyindən çıxarıldı
  29. İçərişəhər keçmişimizin yadigarı, gələcəyimizə səmtlənən karvan yoludur
  30. İçəri Şəhərin canlı şəhər olması və burada insanların yaşaması bir abidə kimi İçəri Şəhəri unikallaşdırır
  31. M.Ç.Cabbarovun Azərbaycan Respublikasının təhsil naziri təyin edilməsi haqqında Azərbaycan Respublikası Prezidentinin Sərəncamı
  32. M.Ç.Cabbarovun Azərbaycan Respublikasının təhsil naziri vəzifəsindən azad edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI
  33. Mikayıl Cabbarov: Ümumtəhsil məktəblərində 5 yaşlı uşaqların dövlət hesabına məktəbə hazırlıq təhsilinə başlanılacaq
  34. Səkkiz aylıq təməl
  35. İlk zəngdən son zəngə
  36. Birinci sinfə şagird qəbulu elektronlaşdırılır
  37. Tələbələrin köçürülməsi elektron qaydada aparılacaq
  38. Bakıda "Sağlam təhsil – sağlam millət" pilot layihəsi uğurla tətbiq edilir
  39. SABAH qrupları haqqında nə bilirik?
  40. SABAH qrupları
  41. SABAH qruplarının məzun mərasimi keçirilib
  42. Bakı məktəblərində "şagirdlərin dostu" fəaliyyət göstərəcək
  43. Bu ildən respublika fənn olimpiadaları yeni qaydada keçirilir
  44. Azərbaycanın peşə təhsili və təlimi sistemində 5 strateji hədəf müəyyən edilib
  45. Nazir: Yeni mexanizmə əsasən, məktəb təhsilinin rolu əhəmiyyətli şəkildə artacaq
  46. Maarifçi Tələbə Kredit Fondu mediaya təqdim edildi
  47. Təhsil Nazirliyi "Thomson Reuters"lə əməkdaşlıq müqaviləsi imzalayıb
  48. Sentyabrın 15-dən Bakıda İ.M.Seçenov adına Birinci Moskva Dövlət Tibb Universitetinin filialı fəaliyyətə başlayacaq
  49. Nazir: Seçenov adına Birinci Moskva Dövlət Tibb Universitetinin Bakı filialında təhsil yüksək səviyyədədir
  50. Azərbaycan-Fransız Universitetinin açılışı olub
  51. BP və tərəfdaşları ADA-da "Big data" Tədqiqat Mərkəzinin yaradılmasını maliyyələşdirib
  52. Azərbaycanda "Big Data" fəaliyyətə başlayır
  53. Nazir: Yeni mexanizmə əsasən, məktəb təhsilinin rolu əhəmiyyətli şəkildə artacaq
  54. Qəbələ Dövlət Peşə Təhsil Mərkəzinin yeni binası istifadəyə verildi
  55. Mikayıl Cabbarov təhsil naziri kimi necə yadda qaldı?
  56. M.Ç.Cabbarovun Azərbaycan Respublikasının vergilər naziri təyin edilməsi haqqında Azərbaycan Respublikası Prezidentinin Sərəncamı
  57. M.Ç.Cabbarovun Azərbaycan Respublikasının Vergilər naziri vəzifəsindən azad edilməsi haqqında Azərbaycan Respublikası Prezidentinin Sərəncamı
  58. Nazir: Əsas məqsədlərdən biri vergiödəyicilərlə qanunun aliliyinə əsaslanan münasibətlərin qurulmasıdır
  59. "Transfer qiymətlərinin müəyyən edilməsi və vergidən yayınma hallarına qarşı tədbirlərin işlənib hazırlanmasında Azərbaycan Respublikası Vergilər Nazirliyinə dəstək" adlı Tvinninq layihəsinin təqdimat mərasimi
  60. 2018-ci il vergi sahəsində köklü dəyişikliklər ili kimi yadda qalıb
  61. Vergi islahatları gələcəyə pəncərə açır
  62. Azərbaycanda Vergi Ombudsmanı institutu fəaliyyətə başlayır
  63. Hüquqi şəxslərin dövlət qeydiyyatı cəmi 1 prosedurla 20 dəqiqədə həyata keçirilir
  64. Vergi ödəyiciləri ölkədən çıxışlarına qadağanı öyrənə biləcək
  65. Onlayn kassalar həm dövlət, həm də sahibkarlar və istehlakçılar üçün faydalı olacaq
  66. Vergilər Nazirliyi: Vergi nəzarətinin gücləndirilməsi dövlət büdcəsinə daxilolmaların artmasına səbəb olub
  67. Nazirlik: Vergi daxilolmalarında neft-qaz sektoru üzrə azalmanı qeyri-neft-qaz sektoru tam kompensasiya etməkdədir Vergilər Nazirliyi kənd təsərrüfatı sektorunda vergi uçotunun şəffaflaşdırılması istiqamətində tədbirlərə başladı
  68. Kənd təsərrüfatı sahəsində uçotun dürüstləşdirilməsi və şəffaflaşdırılması ilə bağlı pilot layihəyə Şamaxıda start verildi
  69. Aksizli məhsulların istehsal həcmi və gəlirlərinin bəyan edilməsi sahəsində şəffaflaşma prosesi davam edir
  70. Əmək münasibətlərinin rəsmiləşdirilməsinə nəzarətin gücləndirilməsi haqqında
  71. M.Ç.Cabbarovun Azərbaycan Respublikasının İqtisadiyyat naziri təyin edilməsi haqqında Azərbaycan Respublikası Prezidentinin Sərəncamı
  72. Bakıda "Vergi islahatları: birlikdə kölgədən işıqlığa doğru" mövzusunda konfrans keçirilir
  73. Pirallahıda dərman istehsalı müəssisəsi açılıb
  74. Hacıqabul Sənaye Məhəlləsində izolyasiya materiallarının istehsalı zavodunun təməli qoyulub
  75. İlham Əliyev Sumqayıt Kimya Sənaye Parkında tibbi maska istehsalı müəssisəsinin açılışında iştirak edib
  76. "Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında" Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinin icrası ilə bağlı Tədbirlər Planı"nın təsdiq edilməsi barədə
  77. Mikayıl Cabbarov: Qəbul edilmiş dəstək proqramları iş yerlərinin saxlanmasına və iqtisadi fəallığın qorunmasına yönəlib
  78. 2 mindən çox sahibkarın 6,5 milyon manatlıq maliyyə sanksiyası ləğv olunub
  79. Azərbaycanda ƏDV-nin müəyyən hissəsinin qaytarılacağı bank məlum olub
  80. Sahibkarlığın maliyyələşdirilməsində yeni mexanizmlər tətbiq olunacaq
  81. Coca-Cola Azərbaycanda yeni zavodun tikintisinə $30 milyondan çox sərmayə yatıracaq
  82. BMT və Azərbaycan Hökuməti arasında əməkdaşlığa dair Çərçivə Sənədi imzalanıb
  83. Azərbaycanla Türkiyə rəqəmsal ticarət haqqında anlaşma memorandumu imzalayıb
  84. İsraildə Azərbaycanın Ticarət və Turizm nümayəndəlikləri açılıb
  85. İqtisadiyyat Nazirliyində Vətən müharibəsində iştirak etmiş əməkdaşlarla görüş keçirilib
  86. İqtisadiyyat Nazirliyində Vətən müharibəsində iştirak etmiş əməkdaşlarla görüş keçirilib
  87. Mikayıl Cabbarov: On ayda qeyri-neft ixracının həcmində 42 faizədək artım olub
  88. İqtisadi siyasət, sənaye və sahibkarlıq komitəsində büdcə zərfinin müzakirəsi başlandı
  89. "Azərbaycan 2030: sosial-iqtisadi inkişafa dair Milli Prioritetlər"in təsdiq edilməsi haqqında Azərbaycan Respublikası Prezidentinin Sərəncamı
  90. Mikayıl Cabbarov: "Azərbaycan yeni strateji inkişaf mərhələsinə daxil olub"
  91. Dördüncü Sənaye İnqilabı Şəbəkəsinin Azərbaycan Mərkəzinin açılışı olub
  92. Dördüncü Sənaye İnqilabı Şəbəkəsinin afilə edilmiş Azərbaycan Mərkəzinin açılışı olub
  93. Dünya İqtisadi Forumu Azərbaycanda IV Sənaye İnqilabı Mərkəzinin açılmasından yazıb

Mənbə[redaktə | mənbəni redaktə et]

Xarici keçidlər[redaktə | mənbəni redaktə et]