Mikayıl Hüseynov (filosof)

Vikipediya, azad ensiklopediya
Jump to navigation Jump to search
Mikayıl Hüseynov
Mikayıl Namaz oğlu Hüseynov
Doğum tarixi
Doğum yeri Gəncə
Vəfat tarixi
Elm sahəsi Fəlsəfə

Hüseynov Mikayıl Namaz oğlu (1900-13.10.1937) - filosof, repressiya qurbanı.[1]

Həyatı[redaktə | əsas redaktə]

Mikayıl Hüseynov (1900-12 oktyabr, 1937). İlk təhsilini Gəncədə alıb. Sonra Bakıda oxuyub. 1937-ci il oktyabrın 12-də repressiyanın qurbanı olub.[1]

Fəaliyyəti[redaktə | əsas redaktə]

Müxtəlif ali məktəblərdə dərs deyib, redaksiyalarda çalışıb. Tədricən Azərbaycan K(b)P MK-nın şöbə müdiri vəzifəsinə qədər yüksəlib.[1]

Repressiya illəri[redaktə | əsas redaktə]

1937-ci il yanvarın 29-da M.C.Bağırovun sədrliyi ilə Mərkəzi Komitənin bürosu keçirilirdi. Büronun qərarında deyilirdi ki, "Azərbaycan K(b)P MK-nın partiya təbliğatı, təşviqatı və mətbuat şöbəsinin müdiri Mikayıl Namaz oğlu Hüseynovun 1923-1924-cü illərdə trotskiçi meyilləri haqqında daxil olan materiallarla əlaqədar o, tutduğu vəzifədən və partiya sıralarından xaric edilsin, plenumun üzvlüyündən çıxarılsın, habelə respublika təbliğatçıları kursunun müdiri, Marksizm-Leninizm İnstitutunda və təbliğatçılar məktəbində müəllimlik vəzifəsindən götürülsün". Beləcə, şər qazanı işə düşür. Müstəntiq Şer on-on beş il əvvəl Hüseynovun trotskiçi görüşləri haqqında bir "xeyirxahın" yazdıqları əsasında sorğu-suala başlayır, yavaş-yavaş M.Hüseynovun həyat yolunu ələk-vələk edir. Guya, haçansa Qənbər Sadıqov adlı bir nəfər ədliyyə işçisi söhbət zamanı sosializm quruculuğuna şübhə ilə yanaşmışdır. Sən demə, söhbət zamanı Mikayıl Hüseynov da orada olubmuş. Müstəntiq Şer daşdan keçən bir məntiqlə nəticə çıxarır: "Bir halda ki, siz Qənbər Sadıqovu vaxtında ifşa etməmisiniz, deməli, özünüz də onun fikri ilə həmrəy olmusunuz. Deməli, siz əksinqilabi millətçi mövqeyində durmusunuz".

Mikayıl Hüseynov deyilənləri qəti şəkildə rədd edir. Müttəhimin "əksinqilabi inadkarlığı"nı görən müstəntiq 1937-ci il iyulun 17-də yeddinci istintaq zamanı hiddətlə bildirir: "Nahaq müqavimət göstərirsiz. Düz danışmağı və günahınızı etiraf etməyinizi məsləhət görürəm. Əks təqdirdə, digər metodlardan istifadə edəcəyəm".

Hansı idi bu digər metod?

1936-cı ildə Beriyanın rəsmi sərəncamı ilə dustaqlardan lazımi ifadələri qoparmaq üçün onları vəhşicəsinə döyməyə, hər cür zorakı tədbirlərə əl atmağa icazə verilirdi. Mikayıl Hüseynov növbəti istintaqda hər şeyi "boynuna alır". Dövrün "şərəfi-vicdanı" sayılan partiyanın gur işıqlı otaqlarında oturanda o, heç təsəvvürünə belə gətirə bilməzdi ki, məşhur Dənizkənarı binanın yarıqaranlıq zirzəmilərində nələr baş verir. Bu da sonu. 1937-ci il oktyabrın 12-də güllələnmə hökmü oxundu və elə həmin gün də dərhal icra olundu. 1956-cı ildə ölümündən sonra bəraət aldı.[1]

İstinadlar[redaktə | əsas redaktə]

  1. 1 2 3 4 Tarixin qan yaddaşı