Məzmuna keç

Mikimoto Kokiçi

Vikipediya, azad ensiklopediya
Mikimoto Kokiçi
yap. 御木本 幸吉
Doğum tarixi 10 mart 1858(1858-03-10) və ya 25 yanvar 1858(1858-01-25)[1]
Doğum yeri
Vəfat tarixi 21 sentyabr 1954(1954-09-21)[2][3] (96 yaşında)
Vəfat yeri
Dəfn yeri
  • Aoyama qəbiristanlığı[d][4]
Uşağı
  • Ryuzo Mikimoto[d]
Fəaliyyəti sahibkar, siyasətçi, mühəndis
Vikianbarın loqosu Vikianbarda əlaqəli mediafayllar

Mikimoto Kokiçi (御木本 幸吉?, 10 mart 1858 və ya 25 yanvar 1858[1], Toba[d], Mie prefekturası – 21 sentyabr 1954[2][3], Yaponiya) – Yaponiya biznesmeni, mirvari yetişdirə bilmiş ilk şəxs.[5] "Mikimoto" mirvari şirkətinin əsasını qoymuşdur.[5] Onu "Mirvarinin kralı" adlandırırlar.[5]

Həyatı

[redaktə | vikimətni redaktə et]

Mikimoto Kokiçi 1858-ci ildə müasir Mie prefekturasının ərazisində yerləşən Toba şəhərində doğulmuşdur.[5] Udon restoranı işlədən atanın ən böyük oğlu idi.[6] O, 1880-ci illərdə abalon tutmağa və dəniz xiyarları qurutmağa başlamışdır.[6] Səyahətlərinin birində gördüyü mirvarilərdən təsirlənmiş və mirvari yetişdirməyə qərar vermişdir.[6]

1883-cü ildə Mie prefekturasının Şima yarımadasında yerləşən Aqo körfəzində mirvari stridiyaları böyütməyə başlamışdır.[5] 1893-cü ildə sferoid mirvari istehsal etməyi bacarmış və 1895-ci ildə yetişdirməyə başladığı mirvariləri 1898-ci ildə yığmışdır.[5]

Mikimotonun yetişdirilmiş mirvariləri ilk dəfə olaraq 1897-ci ildə xarici ölkələrə göndərilməyə başlanmışdır.[5] Yetişdirdiyi məhsulları Norveçdə baş tutmuş dəniz məhsulları sərgisində nümayiş etdirmiş və gümüş medal qazanmışdır.[5] 1905-ci ildə kürə formasında mirvari yetişdirməyi bacarmış və 1913-cü ildən etibarən onları toplamağa başlamışdır.[5]

Mikimoto 1899-cu ildə yetişdirilmiş və təbii mirvariləri satmaq üçün Tokioda mağaza açmışdır.[5] 1911-ci ildən etibarən London, Nyu-York, Çikaqo, Los-Anceles, San-Fransisko, Bombey, Pekin və Nankində mağazaları fəaliyyət göstərməyə başlamışdır.[5] 1919-cu ildə kürə formasında olan yetişdirilmiş mirvarilərini Londondakı mağazasına göndərmiş və təbii mirvarilərdən 25% daha ucuz satmağa başlamışdır.[5] Nəticədə, mirvari bazarında çaxnaşma baş vermişdir.[5] Tezliklə, Mikimoto mirvariləri dünyada məşhurlaşmış və o, "Mirvarinin kralı" kimi tanınmağa başlamışdır.[5] 1924-cü ildə Perlər palatasına namizəd olmuşdur.[7]

Xatirəsi

[redaktə | vikimətni redaktə et]

Mikimotonun mirvari yetişdirməklə məşğul olduğu, Toba şəhərində yerləşən adada Mirvari muzeyi və Mikimoto muzeyi fəaliyyət göstərir.[6] Mirvari yetişdirməkdə böyük dəstək göstərmiş həyat yoldaşı Umenin bürünc büstü də buradadır.[8]

İstinadlar

[redaktə | vikimətni redaktə et]
  1. 1 2 Bibliothèque nationale de France BnF identifikatoru (fr.): açıq məlumat platforması. 2011.
  2. 1 2 Mikimoto Kokichi // Encyclopædia Britannica (ing.).
  3. 1 2 Kokichi Mikimoto // Munzinger Personen (alm.).
  4. ↑ Find a Grave (ing.). 1996.
  5. 1 2 3 4 5 6 7 8 9 10 11 12 13 14 Kodansha Encyclopedia of Japan
  6. 1 2 3 4 "Mikimoto Kōkichi: The Pearl King and His Museum". Nippon.com (ingiliscə). 17 iyul 2017. 22 noyabr 2021 tarixində arxivləşdirilib. İstifadə tarixi: 30 noyabr 2022.
  7. ↑ The Japan Biographical Encyclopedia & Who's Who
  8. ↑ "Mikimoto and Wife Ume of Pearl Island". Kari Pearls (ingiliscə). 30 noyabr 2022 tarixində arxivləşdirilib. İstifadə tarixi: 30 noyabr 2022.

Ədəbiyyat

[redaktə | vikimətni redaktə et]
Mənbə — "https://az.wikipedia.org/w/index.php?title=Mikimoto_Kokiçi&oldid=7134390"