Mikolas Alekna

Mikolas Alekna
lit. Mykolas Alekna
Şəxsi məlumatlar
Vətəndaşlığı	Litva
Doğum tarixi	28 sentyabr 2002(2002-09-28) (24 yaş)
Doğum yeri	Vilnüs, Vilnüs qəzası, Litva
Təhsili	Berkli Kaliforniya Universiteti (2021-ci ildən)
Boyu	1.94 sm
İdman növü	yüngül atletika (disk atma)
Medallar Olimpiya Oyunları Gümüş Paris 2024disk atma Dünya çempionatı Gümüş Yudjin 2022disk atma Bürünc Budapeşt 2023disk atma Avropa çempionatı Qızıl Münhen 2023disk atma Bürünc Roma 2024disk atma
Vikianbarda əlaqəli mediafayllar

Mikolas Alekna (lit. Mykolas Alekna; 28 sentyabr 2002, Vilnüs) — 2024-cü ildə Paridə keçirilən Yay Olimpiya Oyunlarının gümüş medalçısı, 2022-ci il Avropa çempionu, 2022-ci il Dünya çempionatının gümüş medalçısı, 2023-cü il Dünya çempionatının bürünc medalını qazanmış litvalı disk atıcı.

19 yaşında ikən, 2022-ci il Dünya çempionatının gümüş medalını qazanaraq, tarixdə disk atma üzrə ən gənc medal sahibi olub. 14 aprel 2024-cü ildən disk atma üzrə dünya rekorduna sahibdir.

Həyatı

Mikolas Alekna disk atma üzrə ikiqat Olimpiya çempionu Virgiliyus Aleknanın oğludur. Onun böyük qardaşı Martinas Alekna (2000-ci il təvəllüdlü) da disk atıcıdır, Litva milli komandasının üzvüdür. O, həmçinin, 2024-cü il Olimpiadasında iştirak edib. Bacısı Qabriele Aleknayte isə, hündürlüyə tullanma ilə məşğuldur.

2022-ci ilin iyununda, 19 yaşlı Mikolas Stokholmda keçirilən Diamond Liqasında yarışaraq, ikinci yeri tumuşdu. O, 69,81 m məsafəyə disk atmaqla yeni şəxsi rekordunu qırıb və öz həmyaşıdları arasında disk atma üzrə rekorda imza atıb. İyul ayında Oreqon ştatının Yudjin şəhərində keçirilən 2022-ci il Dünya çempionatında o, Kristyanu Çexdən sonra, dünyanın ən gənc disk atıcısı kimi, ikinci yerin qalibi oldu. Bu yarıçdan bir müddət sonra, Münhendə keçirilən 2022-ci il Avropa çempionatında Alekna, Avropa çempionatının rekordunu (69,78 m) təyin edərək çempion adını aldı.

29 aprel 2023-cü ildə Kaliforniyanın Berkli şəhərində keçirilən Big Meet yarışında Alekna 70 metr məsafəni qət edərək tarixin ən gənc disk atıcısı oldu və 23 yaşadək uşaqlar arasında yeni Avropa rekordu qırdı.

2023-cü ildə Budapeştdə keçirilən dünya çempionatında Mikolas 68,85 m nəticə ilə bürünc medal qazandı.

14 aprel 2024-cü ildə Oklahoma ştatının Ramona şəhərində keçirilən Oklahoma Throws Series yarışında Alekna Şərqi Almaniyadan olan Yurgen Şultun 1986-cı ilin iyununda təyin etdiyi 74,08 m-lik dünya rekordunu qıra bildi. İlk beş cəhdində Alekna şəxsi ən yaxşı atışlarını üç dəfə təkmilləşdirərək tarixin ən uzun atışlar siyahısında 10-cu, sonra 4-cü və nəhayət 1-ci yerə yüksəldi (müvafiq olaraq 72,21 m, 72,89 m və 74,35 m). Şultun rekordu, kişilərin yüngül atletika: nizə atmada ən qədim rekord sayılırdı.

O, 2024-cü il iyunun əvvəlində Romada keçirilən Avropa çempionatında 67,48 m nəticə ilə üçüncü yeri tutub.

7 avqust 2024-cü ildə Parisdə keçirilən Yay Olimpiya Oyunlarında disk atmada gümüş medal qazanıb. Mikolas finaldakı ikinci cəhdində diski 69,97 m məsafəyə ataraq atasının 2004-cü ildə müəyyən etdiyi Olimpiya rekordunu 8 sm geridə qoymağı bacarıb. Lakin yamaykalı Rocer Stona dördüncü cəhdində diski, Mikolasdan 3 sm irəliyə ataraq qızıl medal qazanıb.

13 aprel 2025-ci ildə Oklahomada (2024-cü ildə dünya rekordunu qırdığı yer) keçirilən yarışda diski 75,56 m məsafəyə atdı. Eyni zamanda, Alekna daha bir 74,89 m atışla dünya rekordunu üstələməyi bacarıb.

Mükafatları

• Litva Böyük Hersoq Gediminas zabiti ordeni (27 dekabr 2024).
• Litva Böyük Hersoq Gediminas cəngavər ordeni (14 fevral 2023)

İstinadlar

Sələfləri  Yurgen Şult

Disk atma üzrə dünya rekordu 14 aprel 2024 — hal-hazırda

Xələfləri  —