Mayli Sayrus

Vikipediya, azad ensiklopediya
(Miley Cyrus səhifəsindən istiqamətləndirilmişdir)
Naviqasiyaya keçin Axtarışa keçin
Mayli Sayrus
ing. Miley Ray Cyrus
Ümumi məlumatlar
Doğum adı Destini Houp Sayrus
Ləqəbi Smayli (ing. Smiley)
Doğum tarixi 23 noyabr 1992(1992-11-23)[1][2][…] (31 yaş)
Doğum yeri
Vətəndaşlığı
Partnyorları
  • Nik Conas (2006–2007)
  • Kodi Simpson[d] (2019–2020)
  • Lukas Till[d] (–2010)
  • Pit Devidson[d] (2021–2021)
Atası Billy Ray Cyrus
Musiqiçi məlumatları
Fəaliyyəti müğənni-mahnı yazarı, səsləndirmə aktyoru[d], musiqiçi, televiziya aktyoru, kino aktyoru, müğənni, aktyor
Fəaliyyət illəri 2001-ci ildən
Janrlar pop musiqisi, kantri, pop-rok, dans-pop, elektropop[d], rok, hip-hop[d]
Musiqi alətləri elektrogitara, akustik gitara[d], piano
Səs tembri messo-soprano, kontralto
Albom şirkətləri Walt Disney (2006—2010)
Hollywood Records (2007—2013)
RCA Records (с 2013)
Əlaqələri Billi Rey Sayrus, Jonas Brothers, Madonna
Mükafatları "Qremmi" mükafatı
İmzanın şəkli
mileyworld.com
Vikianbarın loqosu Vikianbarda əlaqəli mediafayllar

Mayli Rey Sayrus (ing. Miley Ray Cyrus; doğum adı: Destini Houp Sayrus (ing. Destiny Hope Cyrus); 23 noyabr 1992[1][2][…], Neşvill[3]) — amerikan aktrisa, müğənni, bəstəkar və model.

Sayrus bir Disney serialı olan Hanna Montanadakı Mayli Stüart/Hanna Montana roluyla tanınır. Qızıl Qlobus mükafatına[4] namizəd göstərilmişdir. 2012-ci ildə aktyor Liam Hemsvort ilə nişanlanıb.[5] Ancaq sonra müxtəlif səbəblərlə ayrılıblar.[6][7]

Billi Rey Sayrusun qızıdır. Kristofer Kosi və Treys (Los-Ancelesdəki Metro Station adlı elektro rok qrupunun solisti və gitaristi) adlarında iki ögey qardaşı vardır.[8] Həmçinin Brendi adında bir ögey bacısı, Breyson adında bir qardaşı və Noah adında Mayli kimi aktrisa olan bir bacısı vardır.[9] Ana və atası onun yaxşı bir gələcəyi olacağını düşünərək ona Destini Houp (ing. Destiny Hope; "Destiny" — Tale, "Hope" — Ümid) adını veriblər. Sonralar çox gülümsədiyi üçün əvvəlcə Smayli (ing. Smiley), sonra da Mayli (ing. Miley) ləqəbini alıb. Həmçinin Maylinin bacısı (Brendi) Maylinin yanında işləyirdi.

Heriteyc məktəbində oxudu və orada amiqo qız qrupundaydı. Sonralar Options for Youth (azərb. Gənclər üçün seçimlər‎) adında bir məktəbə getdi.[10] Həm də Hanna Montana setində xüsusi müəllimi də var idi.[11] Ana və atasının Tennessi xaricindəki fermasında böyüdü.[12][13] Mayli Sayrusu şöhrətə çatdıran serial Hanna Montana 16 yanvar 2011 tarixində rəsmi olaraq bitdi. 2016-da Liam Hemsvort ilə təkrar bir araya gəldilər.[14]

Karyerası[redaktə | mənbəni redaktə et]

Sayrusda ailəsi Kanadaya köçəndə — 9 yaşında olanda aktyorluq etmək marağı oyandı. İlk rolu atasının da rol aldığı Doktor adlı bir teleserialda qonaq oyunçuluq edirdi. Teleserialda Kayli adlı bir qızı canlandırdı.[15] 2003-də Tim Burtonun rejissorluq etdiyi Böyük balıq adlı filmde gənc Rutini canlandırdı. Həmçinin Ronda Vinsentin If Heartaches Have Wings adlı musiqi videosunda da rol aldı. 2006-cı ildə Disney Channel-da yayımlanan Hanna Montana teleserialının başrolunda oynamağı Maylinin dünyada tanınmağına xidmət etmişdir. Dekabr ayında başladığı bir film olan Hanna Montana: Film filmini bitirdi. Bu film Los-Anceles və Tennessidə çəkildi. 28 avqust 2009-da son albomu The Time of Our Lives-ı yayımladı. Sonuncu nəğmə filmində Liam Hemsvort ilə birlikdə rol aldı. Maylinin öz bioqrafiyasını yazdığı Miles to go yəni Millərcə getmək adlı bir kitabı vardır. Aktyorluq həyatı boyunca bir çox teleserialda qonaq oyunçu olaraq da rol almışdır. Disney Channel teleserialı Hanna Montana 23 aprel 2011 şənbə günü finalını etmişdir. Can't Be Tamed adlı albomunu 2010-cu ilin may ayında yayımlamışdır və eyni adlı mahnısına klip çəkmişdir. 2010-cu ildə Rock Mafia adlı müğənninin The Big Bang adlı mahnısının klipində Kevin Zeqerslə birlikdə rol almışdır. 2012-ci ildə İki yarım adam adlı teleserialda Missi rolunda oynamışdır. Qız fanlarına Smiler, oğlan fanlarına BoySmiler deyirlər. Musiqi karyerasında 3 il boyunca ara verən müğənni, 3 iyun 2013-də Bangerz adlı 4-cü albomunun ilk sinql çalışması We Can't Stop-ı yayımlamışdır. Bu sinql 16 ölkədə birinci olmuş və YouTube-da 24 saat ərzində 10.7 milyon dəfə izlənərək Castin Biberin Beauty and A Beat sinqlının rekordunu keçmiş və YouTube-da ən çox izlənən video olmuşdur. Bu sırada Big Sean adlı sənətkarın 2 avqust 2013 tarixində yayımlanan Fire adlı klipində oynamışdır. Sonra 2-ci sinql çalışması olan Wrecking Ball-ı yayımlamışdır. Bu sinql çalışması YouTube-da 24 saat ərzində tam 19.2 milyon nəfər tərəfindən izlənilərək One Direction qrupunun Best Song Ever sinqlının rekordunu da qırmağı bacarmışdır. Wrecking Ball Youtube-da 795 milyon izlənilmişdir. 30 avqust 2015-də MTV Video Musiqi Mükafatları-nı təqdim edən müğənni Mayli Sayrus mükafatlarının sonunda içində 23 mahnı ehtiva edən yeni albomunun adının Miley Cyrus & Her Dead Petz olduğunu və albomun internet üzərindən pulsuz olduğunu açıqladı.[16] Yeni mahnısı Dooo It!-i ifa etdi. Yaxında yayımlanacaq olan Eşqə Azadlıq filminin yayımlanan yeni fraqmanında isə Linda Perri tərəfindən yazılan Hands Of Love mahnısını səsləndirdi. Gənc müğənni 2016-cı ildə The Voice yarışmasının 11-ci mövsümündə münsif olaraq qatıldı. 11-ci mövsüm üçün avqust ayında Adam Levin, Bleyk Şelton və Alişa Kiz ilə birlikdə Dream On mahnısını ifa etdi. Sentyabr ayında Cyrus Woody Allen rejissorluğunda Crisis in Six Scenes adlı bir teleserialda qonaq oyunçu oldu. Teleserialda oynadığı şəxs 1960-cı illərdə radikal hərəkətçidir və polislərdən qaçır. 2013-cü ildə sevgili olan Liam Hemsvortdan ayrılan Sayrus uzun bir aradan sonra oktyabr 2016-da təkrar bir yerdə oldu. 2017-ci ildə Miley Cyrus & Her Dead Petz albomu 10 apreldə ösənişli bir şəkildə iTunes-da və digər musiqi platformalarında yayımlandı. 11 mayda yeni albomunun ilk sinqlı olan Malibu mahnısını klipi ilə yayımladı.

Diskoqrafiya[redaktə | mənbəni redaktə et]

Albomları[redaktə | mənbəni redaktə et]

  • Meet Miley Cyrus (2007)
  • Breakout (2008)
  • Can't Be Tamed (2010)
  • Bangerz (2013)
  • Miley Cyrus & Her Dead Petz (2015)
  • Younger Now (2017)
  • She Is Coming (2019)
  • Plastic Hearts (2020)

İstinadlar[redaktə | mənbəni redaktə et]

  1. ↑ 1 2 Miley Cyrus // (unspecified title).
  2. ↑ 1 2 Miley Cyrus // Brockhauz Ensiklopediyası (alm.).
  3. ↑ 1 2 Deutsche Nationalbibliothek Record #135503116 // Ümumi tənzimləmə nəzarəti (GND) (alm.). 2012—2016.
  4. ↑ "Golden Globe". 2009-02-04 tarixində orijinalından arxivləşdirilib. İstifadə tarixi: 2017-07-23.
  5. ↑ Miley Cyrus talks about her relationship status with Liam Hemsworth again Arxivləşdirilib 2016-10-28 at the Wayback Machine  (ing.)
  6. ↑ Miley Cyrus ile Liam Hemsworth ayrıldı Arxivləşdirilib 2013-07-26 at the Wayback Machine  (türk.)
  7. ↑ Miley Cyrus Liam Hemsworth ayrıldı! Arxivləşdirilib 2013-09-09 at the Wayback Machine  (türk.)
  8. ↑ My Girl Arxivləşdirilib 2016-03-27 at the Wayback Machine  (ing.)
  9. ↑ "Billy Ray Cyrus  — Bio"[ölü keçid]  (ing.)
  10. ↑ It's My Life. Celebs. Miley Cyrus PBS Kids GO! Arxivləşdirilib 2009-01-27 at the Wayback Machine  (ing.)
  11. ↑ Hannah Montana and Miley Cyrus: A Tale of Two Tweens Arxivləşdirilib 2007-10-29 at the Wayback Machine  (ing.)
  12. ↑ Life Imitates Art for Teen Miley Cyrus Arxivləşdirilib 2007-11-06 at the Wayback Machine  (ing.)
  13. ↑ Jeremy Shum and Miley Cyrus hit super-high ratings Arxivləşdirilib 2016-03-18 at the Wayback Machine  (ing.)
  14. ↑ Miley Cyrus and Liam Hemsworth Are Engaged (Again)! Arxivləşdirilib 2016-02-10 at the Wayback Machine  (ing.)
  15. ↑ Miley Cyrus braced for Disney stardom Arxivləşdirilib 2007-10-11 at the Wayback Machine  (ing.)
  16. ↑ Miley Cyrus Drops Surprise New Album for Free, Flashes Audience at VMAs Arxivləşdirilib 2015-09-08 at the Wayback Machine  (ing.)
Mənbə — "https://az.wikipedia.org/w/index.php?title=Mayli_Sayrus&oldid=7396540"