Milka Martelanç
| Milka Martelanç | |
|---|---|
| Doğum tarixi | 5 may 1885 |
| Vəfat tarixi | 9 oktyabr 1966 (81 yaşında) |
| Vəfat yeri |
|
| Fəaliyyəti | redaktor, publisist |
Milka Martelanç (sloven. Milka Martelanc; 5 may 1885 – 9 oktyabr 1966, Lyüblyana) — Sloveniyalı ictimai xadimvə publisist. O, ali təhsilli ilk sloven qadın jurnalisti olub.
Həyatı
[redaktə | vikimətni redaktə et]Milka Martelanç təhsilini bitirdikdən sonra, Birinci Dünya müharibəsindən sonra Triestin İtaliya krallığı tərəfindən işğalına qədər, atasının ("Böyük" Svetko Martelants) şərik olduğu "Ivan Martelanc & drugi" tikinti şirkətinin ofisində çalışıb. 1918-ci ildə Beynəlxalq Qırmızı Xaç Komitəsi onu müharibə yetimləri ilə birlikdə 10 həftəlik tətil üçün İsveçrəyə göndərdi. Orada Cenevrədəki sloven mühacirləri ilə əlaqə qurdu. Onlar Milkaya Parisdəki Yuqoslaviya Komitəsi ilə əlaqə yaratmağa kömək etdilər və həmin komitə ona Triestdəki Milli Şuranın fəaliyyəti üçün təlimatlar verdi.[1]
Triestin işğalından sonra faşist hakimiyyəti onu sürgünə göndərmək istədikdə, o, vaxtında Serb, xorvat və sloven krallığına qaçdı və Lyublyanada "Triestin İşğal Olunmuş Əraziləri üzrə Ofis"in inzibati rəhbəri oldu. 1921-ci ildə Triestə qayıtdı və "Edinost" siyasi cəmiyyətinin katibliyinə rəhbərlik etdi. Bir il sonra jurnalistika təhsili almaq üçün Praqaya getdi.
8 noyabr 1922-ci ildə Triestli xanımlar 1928-ci ilin ortalarına qədər fəaliyyət göstərən Qadın Yardım Birliyini təsis etdilər. birliyin sədri Antoniya Slavik, katibi isə Milka Martelanç idi. Cəmiyyətin öz mətbu orqanının olması üçün o, digər fəallarla birlikdə əvvəlcə Triestdə (1923–1929), sonra isə Lyublyanada (1929–1941) nəşr olunan "Ženski svet" (Qadın Dünyası) jurnalının yaradılması təşəbbüsü ilə çıxış etdi. Martelants "Ženski svet" jurnalında bir çox material, xüsusilə Yuliya krayinasındakı qadın cəmiyyətlərinin fəaliyyəti haqqında peşəkar məqalələr və hesabatlar dərc etdirdi.[1]
O, öz vəsaiti hesabına iki peşəkar kitab nəşr etdirib:
- "Uşaq kətanları" (Uşaq alt paltarlarının biçilməsi, tikilməsi və naxışlanması üçün təlimatlar) (Triest, 1925)
- "Gəlin cihazı" (Triest, 1929).
1928-ci ildə faşist zorakılığı səbəbindən yenidən Triestdən Lyublyanaya qaçmalı oldu və daha sonra burada "Ženski svet" jurnalının məsul redaktoru vəzifəsini icra etdi. İkinci Dünya müharibəsindən sonra, 1953-cü ildə təqaüdə çıxana qədər "Naša žena" (Bizim Qadın) jurnalında moda bölməsinin redaktoru oldu.
Milka Martelanç təhsilli ilk sloven qadın jurnalist idi. 1930-cu ildən Ümumi Sloven Qadınlar Cəmiyyətinin üzvü olub.[2]
