Milli simvol

Birləşmiş Millətlərə üzv ölkələrin milli bayraqları, BMT Baş Qərargahı qarşısında dalğalanır. Bayraqlar suveren dövlətlər tərəfindən istifadə olunan geniş yayılmış bir milli rəmzdir.

Milli rəmz və ya milli simvol — bir millətin və ya icmanın kimliyini və dəyərlərini ifadə edən bir göstərici. Milli rəmzlər yalnız suveren dövlətlər üçün deyil; müstəmləkə vəziyyətində olan və ya digər növ asılı ərazilər altında qalan ölkələr, federal strukturlar daxilində yer alan icmalar və hətta muxtariyyətə malik olmasalar belə, özlərini bir "millət" olaraq xarakterizə edən etnomədəni qruplar tərəfindən də istifadə edilə bilər.

Milli rəmzlər millətin insanlarını, dəyərlərini, hədəflərini, mədəniyyətini və/və ya tarixini vizual, şifahi və ya rəmzi ifadə formaları vasitəsilə bir araya gətirməyi hədəfləyir. Bu simvollar adətən vətənpərvərlik bayramlarının və/və ya müstəqillik, muxtariyyət, yaxud ayrılma kimi hədəfləri olan millətçi hərəkatların bir hissəsi kimi ətrafında sıx birləşilən ünsürlərdir. Onlar milli vəhdətin bütün üzvlərini əhatə edəcək və ifadə edəcək şəkildə dizayn olunurlar.

Xarici keçidlər

• National symbol – Multitran Dictionary