Milyarderlərin siyahısı

Varlı adamlar — digər insanlarla müqayisədə daha çox maddi sərvətə malik olan insanlardır.

2007-ci il "Dünyanın ən varlı adamları" statistikasına əsasən 946 milyarder barədə məlumatlar daxil edilmişdi. Bura daxil olanların 178-i həmin il siyahıya ilk dəfə düşmüşdü. 178 yeni milyarderin ölkələr üzrə bölgüsü aşağıdakı kimi olmuşdu:

• Rusiya vətəndaşı — 19;
• Hindistan vətəndaşı — 14;
• Çin vətəndaşı — 13;
• İspaniya vətəndaşı — 10;

56 nəfər milyarderdən əlavə, digər yeni milyarderlər dünyanın müxtəlif ölkələrinin sakinləri olmuşdur. 2007-ci il qeyri-adi il kimi yadda qalmışdı, çünki milyarderlərin əksəriyyəti sərvətlərini qeyri-neft sektorunda qazanmışdılar. Bu sahələrə daşınmaz əmlak, qəhvə və ümumilikdə qida məhsulları daxil idi. 2006-cı il siyahısına daxil olan milyarderlərin yalnız 2/3 hissəsi 2007-ci ildə öz yerlərini qoruya bilmişdi. Həmin il sərvətlər 900 milyon dollardan 3.5 milyard dollara qədər ölçülmüşdü. Milyarderlərin orta yaş həddi 65 olmuşdu ki, bu da 2005-ci illə müqayisədə 17 yaş daha gənc nəsli təmsil edirdi.

Statistikaya görə, həmin dövrdə varlı adamların 60%-i sərvətlərini şəxsi zəhmətləri ilə qazanmışdılar. Forbes jurnalının həmin illərdəki reytinqində Microsoft şirkətinin qurucusu Bill Qeyts artıq 13 ildir birinci yeri qoruyurdu. Onu yaxın dostu Warren Buffett izləyirdi (baxmayaraq ki, o zaman Meksikada mülkiyyətinin böyük hissəsini itirmişdi). Rusiya həmin illərdə coğrafi baxımdan milyarderlərin sayına görə geri qalmırdı – orada 53 milyarderin qeydiyyatda olduğu bildirilmişdi (bu da Almaniya ilə müqayisədə iki dəfə çox idi).

Rusiyanın ümumi sərvəti 282 milyard dollar, Hindistanda 36 milyarderlə ümumi məbləğ 191 milyard dollar, Yaponiyada isə 24 milyarderlə 64 milyard dollar təşkil edirdi. Hindistanın nümayəndələri arasında o dövrdə ən varlı şəxs — dünya üzrə iri polad sənayesi sahibkarı Lakşmi Mittal idi. Hərçənd ki, 2007-ci il sərvət əldə etmək üçün uğurlu olmuşdu, əvvəlki il siyahıda yer alan 44 nəfər öz mövqeyini qoruyub saxlaya bilməmişdi.

Siyahı

2025

Sıra	Ad	Sərvəti (ABŞ dolları)	Yaş	Ölkə	Sərvətinin mənbəsi
1 ▲	İlon Mask	393.1 milyard ▲	54	ABŞ	Tesla, SpaceX
2 ▲	Larri Ellison	275.9 milyard ▲	80	ABŞ	Oracle Corporation
3 ▲	Mark Zukerberq	247.9 milyard ▲	41	ABŞ	Meta Platforms
4 ▼	Ceff Bezos	236.8 milyard ▼	61	ABŞ	Amazon
5 ▼	Bernar Arno və ailəsi	147.7 milyard ▼	76	Fransa	LVMH
6 ▲	Larri Peyc	146.2 milyard ▲	52	ABŞ	Alphabet
7 ▬	Vorren Baffett	143.1 milyard ▬	94	ABŞ	Berkshire Hathaway
8 ▼	Stiv Ballmer	141.3 milyard ▼	69	ABŞ	Microsoft
9 ▲	Sergey Brin	139.7 milyard ▲	51	ABŞ	Alphabet
10 ▲	Censen Huanq	137.9 milyard ▲	62	ABŞ	Nvidia