Mirəli türbəsi

Vikipediya, açıq ensiklopediya
Jump to navigation Jump to search
Emojione1 1F3DB.svg
Mir Əli türbəsi
Mirəli türbəsi.jpg Türbənin 1940-cı illərin əvvəllərində görünüşü
39°41′50″ şm. e. 47°11′53″ ş. u.
Ölkə Azərbaycan Azərbaycan
Şəhər Füzuli
Yerləşir Aşağı Veysəlli
Tikilmə tarixi XIV əsr
İstinad nöm. 215
Kateqoriya Türbə
Əhəmiyyəti Ölkə əhəmiyyətli

Mir Əli türbəsi (Füzuli) - XIV əsrə aid xatirə memarlıq nümunəsi.

Mil düzünün qurtaracağında iti gümbəziylə göyə dikilən bu nadir və sirli memarlıq nümunəsi Aşağı Veysəlli kəndində yerləşir[1]. Füzuliyə az qalmış, yolun sol tərəfindəki dəniz dalğaları kimi bir-birini qovan kimsəsiz təpələr arxasından qəflətən iti gümbəzli hündür bir minarənin görünməsi o vaxtlar əsl möcüzəni xatırladırdı. Əslində bu qədim türbə öz memarlıq formasına və gümbəzinə görə orta əsr memarlığının təkrarolunmaz nümunəsi olmasıyla doğrudan da xoş bir möcüzə idi və bəlkə də elə buna gorə müqəddəsləşdirilmiş, böyük nüfuza malik ziyarətgaha çevrilmişdi. Kimə məxsus olması və hansı memar tərəfindən ucaldılması dəqiq müəyyən edilməsə də, bu qədim memarlıq nümunəsi Azərbaycanda yeganə və elmi cəhətdən də maraqlı və əhəmiyyətli idi[2]. Türbə üç pilləli kürsü üzərində ucaldılan silindirik formalı və onu tamamlayan konus şəkilli hündür gümbəzdən ibarətdir. Türbə bütünlüklə yonulmuş ağ daşdan tikilib. Mirəli türbəsi qədim köç yolu üzərində yerləşdiyindən, əsrlər boyu buradan böyük sürüləriylə yaylaqlara və yaylaqlardan düzlərə köç edənlər onun divarlarına çöl tərəfdən əl çatana kimi müxtəlif işarələr və rəsmlər həkk ediblər. Bunların özləri də tarixi nöqteyi-nəzərdən çox əhəmiyyətli idi. Təəssüflə qeyd etməliyik ki, nadir memarlıq abidəsi kimi tanınan Mirəli türbəsi 1993-cü ildən erməni işğalı altındadır və hal-hazırda bu türbənin aqibəti haqqında heç nə bilmirik.


İstinadlar[redaktə | əsas redaktə]

  1. http://www.gomap.az/Info/Description.aspx?idlo=42&lvo=4&pID=1501928
  2. Fəridə Aslanova. Qədim türbələrin acı taleyi. Azərbaycan arxeologiyası jurnalı, 2002.

Xarici keçidlər[redaktə | əsas redaktə]