Mir Fəttah Musəvi

Vikipediya, azad ensiklopediya
Naviqasiyaya keçin Axtarışa keçin
Mir Fəttah Musəvi
azərb. Mir Fəttah Mir Əli oğlu Musəvi
1918 – 1919
ƏvvəlkiVəzifə təsis olundu.
SonrakıMahmud bəy Səfikürdski
Şəxsi məlumatlar
Doğum tarixi
Doğum yeri Şuşa şəhəri, Rusiya imperiyası
Vəfat tarixi
Vəfat yeri Bakı şəhəri
Dəfn yeri Birinci Fəxri Xiyaban
Fəaliyyəti inqilabçı

Mir Fəttah Mir Əli ağa oğlu Musəvi — Azərbaycan Demokratik respublikası parlamentin üzvü. Hümmət təşkilatının fəalı. Bakıda 1-ci Fəxri Xiyabanda dəfn edilmişdir.

Həyatı[redaktə | mənbəni redaktə et]

Mir Fəttah Mir Əli ağa oğlu 1891-ci ildə Şuşa şəhərində doğulmuşdu. İbtidai təhsilini Ağdamda alaraq Aşqabada qohumlarının yanına köçmüşdü. Musəvi burada gimnaziya təhsili almaqla yanaşı siyasi fəaliyyətə qoşulmuş, müsəlman gənclərinin dərnəyini təşkil etmişdi. 1917-ci ildə Şuşaya qayıdaraq inqilabi fəaliyyətini davam etdirən Musəvi 1918-ci ildə Bakıya gələrək "Hümmət" təşkilatına daxil olur. AXC parlamentində "Hümmət" fraksiyasını təmsil edən Musəvi tez-tez alovlu nitqlər söyləyir, mitinq və tətillərdə əhalini əksinqilabçı Denikinə qarşı mübarizəyə səsləyirdi.

S.M. Kirov V.İ. Leninə 1919-cu ilin 27 sentyabrında yazırdı: "Denikinçilər həyasız bir surətdə özləri üçün Azərbaycana yol açırlar. Bu günlərdə onlar burada böyük bir qəsd düzəltmişdilər... Parlament üzvü, hümmətçi Musəvi həmin qəsdin üstünü açdı... Denikinçi Seyidbəyov sentyabrın beşində Musəvi və Aşumovu (Haşım Əliyevi) pusub... tapança ilə onları öldürmüşdü".

Haşım Əliyev, Mir Fəttah Musəvi və Qoqoberidze əvvəlcə kommunist yoldaşları vağzaldan Tiflisə yola salırlar, sonra onlar Həştərxana benzin aparacaq barkası dəniz yoluyla göndərdikdən sonra üçlükdə "Novı Svet" meyxanasına gəlirlər. Yemək əsnasında qonşu masada əyləşib şampan şərabı içən Hacı bəy Seyidbəyovla onların aralarında mübahisə düşür. Hacı bəy Seyidbəyov dəmiryol teleqrafının rəisi işləyirdi və qubernatorla qohumluğu çatdığından bir sözünü iki etmirdilər. H. Seyidbəyov tapançayla Haşım Əliyevi və Mir Fəttah Musəvini qətlə yetirir, Qoqoberidze isə ayağından yaralanır.

1919-cu il sentyabrın 7-si Qurban bayramı günü müsavatçı Seyidbəyov tərəfindən qətlə yetirilmiş Haşım Əliyev və Mirfəttah Musəvinin dəfn mərasimi keçirilir. Onların cənazəsi izdihamın müşayətiylə parlament binasının önünə gətirilir. Əliheydər Qarayev parlament eyvanından mərasimi izləyən müsavatçı nazirlərə əlini uzadaraq "Bu qurbanlar sizə baha tamam olacaq" deyə qışqırdı. Hökumət M. Musəvinin qatilini tutacağına söz vermişdi.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]