Mirkazım Seyidov

Mirkazım Seyidov
Azərbaycan Respublikaçılar Partiyası sədrinin birinci müavini
15 avqust 2017 – ?
Sədr	Sübut Əsədov
Demokratik Azərbaycan Dünyası Partiyasının müvəqqəti sədri
22 iyun 2012 – iyul 2012
Demokratik Azərbaycan Dünyası Partiyası sədrinin birinci müavini
? – iyul 2012
Sədr	Məmməd Əlizadə
– noyabr 2008
Sədr	Məmməd Əlizadə
Şəxsi məlumatlar
Doğum tarixi	16 fevral 1962(1962-02-16) (61 yaş)
Doğum yeri	Sədərək, Noraşen rayonu, Naxçıvan MSSR, Azərbaycan SSR, SSRİ
Təltifləri

Mirkazım Heydər oğlu Seyidov — yazıçı və siyasi xadim, 3-cü dərəcəli "Vətənə xidmətə görə" ordeni laureatı, Azərbaycan diasporunun nümayəndəsi. Böyük Dayaq Partiyasının sədri

Həyatı

Mirkazım Seyidov 1962-ci il fevralın 16-da Naxcıvanın Şərur rayonunun Sədərək kəndində dunyaya gəlmişdir.1980–1981-ci illərdə Texniki peşə məktəbində təhsil almışdır. ANİEA-nın dissertantıdır. 1983–1989-cu illərdə Düşənbə Tikinti materialları Kombinatında novbətci usta kimi çalışmış, 1990–1992-ci illərdə isə Duşənbə şəhəri "Kooperativ lola"da sədr olmuşdur.1992–1998-ci illərdə Rusiyada Novosibirsk şəhərində "Birlik" açıq səhmdar cəmiyyətinin baş direktoru olmuşdur.1998–2002-ci illərdə Novosibirsk şəhərində "Tikinti-99" açıq səhmdar cəmiyyətinin baş direktor olmuşdur.2002–2004-cü illərdə Novosibirsk şəhərində "Pələng" acıq səhmdar cəmiyyətində baş direktor olmuşdur. 2004–2005-ci illərdə Novosibirsk şəhərində Heydər Əliyev adına Beynəlxalq Xeyriyyə Fondunun prezidenti olmuşdur.2005–2008-ci illərdə Novosibirsk şəhərində Heydər Əliyev adına Beynəlxalq Azərbaycan Forumunun prezidenti olmuşdur. 2000–2007-ci illərdə Novosibirsk şəhər soveti Deputatları Partiyasının deputatı V. A. Qriqoryevin köməkçisi olmuşdur.2007–2009-cu illərdə Novosibirsk şəhər soveti Deputatları Partiyasının deputat koməkcisi olmuşdur.

Müxtəlif illərdə Demokratik Azərbaycan Dünyası Partiyasında fəaliyyət göstərmiş, partiya sədrinin birinci müavini olmuşdur. 2008-ci ilin noyabr ayında partiyadan istefa vermişdir. Daha sonra yenidən partiyaya qayıdan Mirkazım Seyidov 2012-ci ildə partiya sədri Məmməd Əlizadənin istefasından sonra partiya sədrinin səlahiyyətlərini icra etmişdir. Lakin 2012-ci ildə anlaşmazlıqlar səbəbi ilə partiyadan uzaqlaşmış və Böyük Dayaq Partiyasının təsis edilməsi üçün çalışmışdır.

15 avqust 2017-ci ildə Mirkazım Seyidov Azərbaycan Respublikaçılar Partiyasının birinci müavini təyin edilmişdir.

2020–2021-ci illərdə Böyük Dayaq Partiyasını təsis etmişdir.

Mükafatları

Mirkazım Seyidov Turk dunyası Araşdırmaları Akademiyasının fəxri professoru və qızıl medal mukafatı, Akademik Y. Məmmədəliyev mükafatı, "Qızıl Qələm", "Məmməd Araz" mükafatları laureatıdır.

2011-ci il iyulun 4-də Azərbaycan Respublikası Prezidentinin Sərəncamı ilə Azərbaycan diasporunun inkişafı sahəsindəki xidmətlərinə gorə "Tərəqqi" medalı ilə təltif olunmuşdur.

2012-ci il fevralın 21-də isə Azərbaycan Respublikası Prezidentinin Sərəncamı ilə Azərbaycan mədəniyyətinin inkişafındakı xidmətlərinə və diaspor quruculuğu sahəsindəki səmərəli fəaliyyətinə gorə Mirkazım Heydər oğlu Seyidov III dərəcəli "Vətənə xidmətə gorə" ordeni ilə təltif edilmişdir.