Mirqafar Seyidov

Mirqafar Seyidov
Mirqafar Seyidov
Azərbaycan Respublikasının; Daxili İşlər Naziriliyi Nəqliyyatda Baş Polis İdarəsinin rəisi
	14 noyabr 2020 – 5 fevral 2022
Əvvəlki	Emin Şəkinski
Sonrakı	Zaur Abdullayev
Bakı Şəhər Baş Polis İdarəsinin rəisi
	2014 – 14 noyabr 2020
Əvvəlki	Rafiq Abbasov
Sonrakı	Əkbər İsmayılov
Azərbaycan Respublikası Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin rəisi
	2007 – 2014
Sonrakı	Seyfulla Əzimov
Şəxsi məlumatlar
Doğum tarixi	1965 (60–61 yaş)
Doğum yeri	Şahtaxtı, İliç rayonu, Naxçıvan MSSR, Azərbaycan SSR, SSRİ;
Təhsili	Naxçıvan Dövlət Universiteti;
Rütbəsi	; Polis general-mayoru
Təltifləri

Mirqafar Seyidov (1965, Şahtaxtı, İliç rayonu) — Nəqliyyatda Baş Polis İdarəsinin sabiq rəisi, polis general-mayoru.

Həyatı

Seyidov Mirqafar Mircəfər oğlu 1965-ci ildə Naxçıvan Muxtar Respublikasının Şərur rayonunun Şahtaxtı kəndində anadan olmuşdur. 2005-ci ildə Naxçıvan Dövlət Universitetinin hüquq fakültəsini bitirmişdir. 1983–1985-ci illərdə həqiqi hərbi xidmətdə olmuşdur.

1989-cu ildə daxili işlər orqanlarında xidmətə başlamış, cinayət axtarışı strukturlarında müxtəlif vəzifələrdə işləmişdir. 2005–2007-ci illərdə Azərbaycan Respublikası Daxili İşlər Nazirliyi Miqrasiya Xidmətinin rəis müavini, DİN Baş Mütəşəkkil Cinayətkarlıqla Mübarizə İdarəsinin rəis müavini, DİN Daxili Təhlükəsizlik İdarəsinin rəisi, 2007–2014-cü illərdə isə DİN Baş Mütəşəkkil Cinayətkarlıqla Mübarizə İdarəsinin rəisi vəzifələrində işləmişdir.

2014-cü ilin noyabr ayında Bakı şəhər Baş Polis İdarəsinin rəisi vəzifəsinə təyin olunmuşdur.

Azərbaycan Respublikası Prezidentinin 2009-cu il 1 iyul tarixli 393 nömrəli Sərəncamı ilə polis general-mayoru ali xüsusi rütbəsi verilmişdir.

Azərbaycan Respublikası Prezidentinin 2006-cı il 30 iyun tarixli 1545 nömrəli Sərəncamı ilə Cinayətlərin qarşısının alınması və açılması, ictimai təhlükəsizliyin təmin edilməsi sahəsində fərqləndiyinə görə "İgidliyə görə" medalı ilə təltif olunmuşdur.

Azərbaycan Respublikası Prezidentinin 2015-ci il 1 iyul tarixli Sərəncamı ilə Cinayətkarlığa qarşı mübarizədə, ictimai asayişin mühafizəsində, beynəlxalq əhəmiyyətli kütləvi tədbirlər zamanı ictimai təhlükəsizliyin təmin edilməsində və xüsusi tapşırıqların yerinə yetirilməsində fərqləndiyinə görə 3-cü dərəcəli "Vətənə xidmətə görə" ordeni ilə təltif olunmuşdur.

Ailəlidir, üç övladı var.

Xarici keçidlər

Azərbaycan Respublikası Daxili İşlər Nazirliyinin saytında Mirqafar Seyidov haqqında səhifə. mia.gov.az (az.)