Mirzəağa Quluzadə

Vikipediya, azad ensiklopediya
Jump to navigation Jump to search

Mirzağa Quluzadə (Tam adı: Mirzəağa Yüzbaşı oğlu Quluzadə; d. 25 oktyabr 1907 – ö. ?) — Ədəbiyyatşünas, filologiya elmləri doktoru, professor.

Həyatı[redaktə | əsas redaktə]

Mirzağa Quluzadə 24 oktyabr 1907-ci ildə anadan olmuşdur. 1923-1927-ci illərdə Azərbaycan Dövlət Pedaqoji Texnikumunda təhsil almışdır. 1927-1932-ci illərdə Salyan şəhər orta məktəbində müəllim işləmişdir. 1932-ci ildə Azərbaycan Dövlət Pedaqoji İnstitutunun Dil və ədəbiyyat fakültəsinə daxil olmuşdur. 1936-cı ildə ali təhsilini başa vuraraq Qazax pedaqoji məktəbində müəllim işləmişdir. 1939-1941-ci illərdə SSRİ EA Azərbaycan filialının aspirantı olmuşdur. 1948-1956-cı illərdə Bakı Dövlət Universitetində müəllim işləmişdir. 1948-1952-ci illərdə AMEA Nizami adına Ədəbiyyat İnstitutunda direktor müavini, 1952-1958-ci və 1969-1979-cu illərdə isə direktor vəzifəsində çalışmışdır.

1948-ci ildə namizədlik, 1956-cı ildə doktorluq dissertasiyası müdafiə etmişdir. “Böyük ideallar şairi”, “Nizami Gəncəvi” və “Füzulinin lirikası” monoqrafiyalarının müəllifidir. “Azərbaycan ədəbiyyatı tarixi”nin birinci cildinin müəllifi və redaktorlarından biridir. Onun elmi fəaliyyətinin əsasını qədim və orta əsrlər Azərbaycan ədəbiyyatının tədqiqi təşkil edir. Alimin rəhbərliyi ilə onlarla elmlər namizədi hazırlanmışdır.

Ailəsi[redaktə | əsas redaktə]

Həyat yoldaşı Yaqut Dilbazi Mirvarid Dilbazinin bacısıdır.

Azərbaycanın görkəmli dövlət xadimi, politoloq Vəfa Quluzadənin atasıdır.

Həmçinin bax[redaktə | əsas redaktə]

Xarici keçidlər[redaktə | əsas redaktə]

Görkəmli alim Mirzağa Quluzadə Azərbaycan elminin inkişafına dəyərli töhfələr verib Xatirələrdə yaşayan insan - Mirzağa Quluzadə