Mirzəli bəy Behbudov

Vikipediya, azad ensiklopediya
Jump to navigation Jump to search
Mirzəli bəy Behbudov
Mirzəli bəy Rəhim bəy oğlu Behbudov
Mirzəli bəy Behbudov.jpg
Doğum tarixi 1886(1886-Şablondakı doğum və ya ölüm tarixində texniki yanlışlıq var!-00)
Doğum yeri Bayat, Şuşa qəzası, Yelizavetpol quberniyası, Qafqaz canişinliyi, Rusiya imperiyası
Vəfat tarixi 1 sentyabr 1937(1937-09-01)
Vəfat yeri Bakı, Azərbaycan SSR, SSRİ
Vəfat səbəbi repressiya
Vətəndaşlığı Azərbaycan AXC
SSRİ SSRİ
Azərbaycan Azərbaycan
Milliyyəti azərbaycanlı
Təhsili Novorossiya İmperator Universiteti[1]

Mirzəli bəy Behbudov (Tam adı: "Mirzəli bəy Rəhim bəy oğlu Behbudov"; d.1886; Şuşa, Bayat k, Rusiya İmperiyası — 1 sentyabr 1937, yer məlum deyil) — Azərbaycan ziyalısı, vəkil.

Həyatı[redaktə | əsas redaktə]

Mirzəli bəy Behbudov 1886-cı ildə Şuşa qəzasının Bayat kəndində anadan olmuşdur. Şuşa real məktəbinə daxil olmuş, 1910-cu ildə bu təhsil ocağını bitirmişdir. Sonralar Novorossiya İmperator Universitetində ali hüquq təhsili almış[1], qardaşı Lütfəli bəyin "Küratan" aksioner cəmiyyətində işə başlamışdır. 1917-ci ilədək bu cəmiyyətin aparıcı kadrlarından olmuş, vəkil kimi fəaliyyət göstərmişdir.

Ailəsi[redaktə | əsas redaktə]

"Bayat kəndi tarix boyunca" adlı mənbədə bildirilir ki, Mirzəli bəy Behbudov Bayat kəndini idarə edən Rüstəm bəyin Mənzər bəyim adlı qızı ilə ailə qurmuşdur. Ənvər Çingizoğlunun "Behbudovlar" adlı kitabında isə göstərilir ki, Mirzəli bəy Şükufə adlı xanımla ailə qurmuş, Şəmsi bəy, Tələt bəy, Şöhrət bəy adlı oğulları, Vəcihə xanım, Hicrət xanım və Nəzirə xanım adlı qızları olmuşdur.[2]

Sürgün həyatı[redaktə | əsas redaktə]

Sovet dönəmində öncə onu Şamaxı bölgəsinə, 1932-ci ildən isə Quba rayonuna sürgün etmişdilər. Burada Rayon Xalq məhkəməsində işə düzəlmiş, vəkillər kollegiyasının üzvü seçilmişdi.

Repressiya qurbanı[redaktə | əsas redaktə]

Mirzəli bəy Behbudov 1937-ci ildə tutulmuş, şəxsi əmlakı müsadirə olunmaqla güllələnmişdir.

Mənbə[redaktə | əsas redaktə]

  • Ənvər Çingizoğlu. Behbudovlar. Bakı: Mütərcim, 2008, 168 səh.

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 "Odessa Vilayəti Dövlət Arxivində". 09 Jan 2019 tarixində orijinalından arxivləşdirilib. İstifadə tarixi: 2012 19 dekabr.
  2. "Bayat kəndi tarix boyunca". 8 Dec 2017 tarixində orijinalından arxivləşdirilib. İstifadə tarixi: 2010 30 dekabr.