Miss Azərbaycan

Vikipediya, açıq ensiklopediya
(Miss Azərbaycan Gözəllik yarışması səhifəsindən istiqamətləndirilmişdir)
Jump to navigation Jump to search

Miss Azərbaycan Gözəllik yarışması — Azərbaycanda ölkənin ən gözəl xanımını seçim məqsədi ilə keçirilən milli gözəllik müsabiqəsi. Qaliblər Azərbaycanı beynəlxalq gözəllik müsabiqələrində təmsil edirlər. Azərbaycan müstəqillik əldə etdikdən sonra ilk dəfə 1996-cı ildə keçirilib.[1]

Tarixi[redaktə | əsas redaktə]

İnqilabdan əvvəlki dövr[redaktə | əsas redaktə]

Tuğra xanım[redaktə | əsas redaktə]

Azərbaycanlı xanımların beynəlxalq gözəllik müsabiqələrində ilk iştirak tarixi inqilabdan əvvəlki dövrdə başlayır. Belə ki, 1912-ci ildə Tiflisdə keçirilən "Miss Qafqaz" gözəllik müsabiqəsində şöhrət çələngini və Rusiyanın cənub gözəli titulunu Azərbaycanlı bəy Mir Əsgərxan Talışinskinin qızı Tuğra xanım Talışinskaya qazanmışdır, sonradan ona artıq ümumrusiya gözəllik yarışmasında "Miss Rusiya 1912" adı verilmişdir.[2][3][4]

Sona xanım Mehmandarova[redaktə | əsas redaktə]

1912-ci ildə Parisdə "Dünya gözəli" adını qazanan Sona Mehmandarova

Daha böyük uğurları Sona xanım Mehmandarova qazanmışdır, o, Lənkəran şəhər rəisi Nağı bəyin qızı və Azərbaycan Demokratik Respublikasının hərbi naziri Səməd bəy Mehmandarovun qardaşı qızı idi.[5]

Lənkəranlı gözəlin ilk uğrunu ictimai məclisin yeni binasında (indiki Azərbaycan Dövlət Filarmoniyası) keçirilən və Bakının bütün kübar aləminin toplaşdığı Bakı gözəllik yarışmasında qalib gələrək əldə etdi. Bu uğur gənc əyalət qızının parlaq, lakin çətin taleyində dönüş nöqtəsi oldu. Ardından Tiflisdə "Miss Qafqaz" müsabiqəsində qalibiyyət gəldi, daha sonra ümumrusiya yarışlarında möhtəşəm müvəffəqiyyət və "Miss Rusiya" titulunu qazandı.[5]

Nəhayət Sona Mehmandarovanın baş zəfərl "Dünya Gözəli" adlı Paris gözəllik yarışmasının zümrüd tacı və Qran-prisi oldu [5] Heyrətə salan uğurdan sonra "Dünya gözəli" Rusiya paytaxtının mərkəzində dəbdəbəli malikanə alır, Peterburqa köçür və kübar həyatın fəal iştirakçısına çevrilir. O, Bakıya yalnız yarım əsr sonra, 1966-cı ildə qayıtdı[2][4], hansı qəbirstanlığda basdırıldığı haqda dəqiq məlumat yoxdur.[6]

Müasir dövr[redaktə | əsas redaktə]

1996-ci il avqustun 15-də Bakıda Opera və Balet Teatrında ölkə müstəqillik əldə etdikdən sonra ilk dəfə milli gözəllik müsabiqəsi keçirilmişdir, hansı ki ilkin olaraq "Miss Bakı" adlandırılırdı. Müsabiqənin Nərminə Zərbəliyeva aşkar favoriti sayılırdı ki, nəticədə elə o, qalib gəldi. "Vitse-Miss Bakı" ikinci gözəllik titulunu Natella Kərimova əldə etdi.[7]

Növbəti il 1997-didən başlayaraq müsabiqə "Miss Azərbaycan" adlandırldi, tacı isə Rzayeva Gülsara qazandı. Ötən ilki qalib isə "Vitse-miss Azərbaycan " titulun sahibi oldu.

Qaliblər[redaktə | əsas redaktə]

İl Ad Doğma şəhəri Qeyd
1996 Nərminə Zərbəliyeva[8] Bakı İstanbulda keçirilən "World's Best Model 1995" müsabiqəsində iştirak etmişdi
1997 Gülsara Rzayeva[8] Bakı
1998 Fatimə Abasquliyeva[8] Bakı
1999 keçirilməmişdir Bakı
2000 Aygün Rüstəmli[8] Bakı
2001 Validə Abasova[8] Bakı
2002 Lalə Mustafayeva[8] Bakı
2003 Səbinə Haşımova[9] Bakı
2004 Olesya Sergeyeva[10] Bakı Çinin Huhhot şəhərində keçirilən "Miss Intercontinental 2004" müsabiqəsində iştirak etmişdi
2005 Şövkət Qasımova[11] Bakı
2006 Günay Musayeva[12] Bakı
2010 Gülnarə Əlimuradova[13][14] Bakı Sponsor olmadığından o, "Miss Kainat 2010" müsabiqəsində iştirak etmədi
2012 Aysel Manafova[8] Bakı Moskvada keçirilən "Miss Kainat 2013" iştirak edərək, "Miss Kainat" yarışlarına qatılan ilk "Miss Azərbaycan" idi.

Onu müsabiqənin əsas təşkilatçılarından biri Araz Ağalarov dəstəkləyirdi

2013 Fidan Məmmədova[8] Bakı
2014 Cavidan Qurbanova[8] Bakı  İspaniyada keçirilən "Queen of the Universe 2015"-də üçüncü yeri tutmuşdu və "Miss Photogenic Award" mükafatını qazanmışdır
2015 Nataliya Sokolevskaya[8] Qomel
2016 Oksana Barxatova[8][15] Rostov
2017 Raziyət Əliyeva[16]

Beynəlxalq gözəllik müsabiqələrində iştiraklar[redaktə | əsas redaktə]

Azərbaycanda[redaktə | əsas redaktə]

2002-ci ildə Bakıda ilk dəfə "Miss Xəzər - 2002" adlı Xəzəryanı ölkələrin beynəlxalq gözəllik müsabiqəsi keçirildi, qalib Azərbaycan təmsilçisi Lalə Mustafayeva oldu.[17][18]

2012-ci ilin sentyabrında Bakıda "Miss Civilization of The World 2012" beynəlxalq gözəllik müsabiqəsi keçirildi, yarışda dünyanın 24 ölkəsindən modellər 25 000 avro dəyərində brilyant tacı uğrunda mübarizə aparırdılar.[19][20] Qalib Monteneqro təmsilçisi Jovana Lekic oldu.[20]

Xaricdə[redaktə | əsas redaktə]

2003-ci ildə Azərbaycanlı gənc gözəl Natəvan Hacıyeva ABŞ-da hər il keçirilən "Balacaların dünyası" adlı uşaqlar arası gözəllik müsabiqəsinin qalibi olmuşdur. Natəvan bütün nominasiyalarda hər kəsi üstəliyərək, iki kubok və yeddi medal qazandı.[21]

2009-cu ilin martında Azərbaycanın iki təmsilçisi Aygül Məmmədova və Bahar Şıxəliyeva Türkiyənin Antalya şəhərində keçirilən əlil qadınların Beynəlxalq gözəllik müsabiqəsində ilk dəfə iştirak etdilər.[22]

Kainat gözəli[redaktə | əsas redaktə]

Azərbaycan "Miss Kainat" yarışmalarında ilk dəfə 2013-cü ildə təmsil olundu. Azərbaycanın göndərdiyi iştirakçı "Miss Azərbaycan 2012" adını qazanan Aysel Manafova oldu.[23]

Regional müsabiqələr[redaktə | əsas redaktə]

"Balaca miss və mister Azərbaycan - 2007"[redaktə | əsas redaktə]

2007-ci il iyulun 13-də Bakıda "Karvan" şadlıq sarayında Azərbaycan moda assosiasiyasının təşkilatçılığı ilə keçirilən "Balaca miss və mister Azərbaycan-2007" müsabiqəsinin final mərhələsi keçdi. Qaliblər üç yaş dərəcələrində müəyyən olunmuşdur: böyük yaş kateqoriyası 13-dən 15 yaşa qədər - Sara Əliyeva, Elnur Abbasov, orta yaş kateqoriyası 9-dan 12 yaşa qədər - Şərqiyyə Dadaşova və Elşad Abbasov, kiçik yaş kateqoriyası 4-dən 8 yaşa qədər - Günel Axundova, Rauf Hacıyev və Kamilla Niyazova.[24] Hər üç yaş qrupundaki qaliblər ABŞ-da ənənəvi olaraq keçirilən "Balacaların dünyası" müsabiqəsinə qatıldılar.[21]

İstinadlar[redaktə | əsas redaktə]

  1. http://www.missazerbaijan.org/az-about Miss Azərbaycan yarışmasının rəsmi saytı - missazerbaijan.org
  2. 2,0 2,1  Агаддин Бабаев. Газета "Азербайджанский Конгресс" № 44(94), 7 ноября 2008 года (rus)
  3. "Keçmişə güzgü tutan abidə" Azerbaijan-news
  4. 4,0 4,1 "LƏNKƏRAN: etnik özəlliyin əlvan naxışları 2016 - Multikulturalizm ili" Xalqqazeti
  5. 5,0 5,1 5,2 "Dünyanı fəth edən gözəllik" Regionplus
  6. Sona xanım Mehmandarova - qəbri bilinməyən dünya gözəli Nazirlər Kabineti yanında Azərbaycan Tərcümə Mərkəzi
  7.  Natella Kərimova: "Gözübağlı moda arxasınca qaçmağı xoşlamıram"
  8. 8,00 8,01 8,02 8,03 8,04 8,05 8,06 8,07 8,08 8,09 8,10 Qaliblər 1996 / 2016 missazerbaijan rəsmi saytı
  9. Завершился конкурс красоты - Миссис Азербайджан 2003 (rus)
  10. http://news.day.az/showbiz/16846.html (rus)
  11. Азербайджанские девушки модели (rus)
  12.  «Мисс Азербайджан 2006» встречается с популярным певцом (rus)
  13. Гламурная фотосессия «Мисс Азербайджан 2010» Гюльнары Алимурадовой (rus)
  14. "Gulnara Alimuradova Miss Azerbaijan"Beauty Pageant News. (ing)
  15. "Oksana Barkhatova has been elected as Miss Azerbaijan 2016". thegreatpageantcommunity. 7 August 2016 (ing)
  16. Azərbaycanın ən gözəlləri məlum oldu
  17. "Мисс Азербайджан-2012" (rus)
  18. http://ulu.az/?p=108775
  19. " “Miss Civilization of The World-2012” gözəllik müsabiqəsinin final mərasimi Bakıda keçiriləcəkdir " AzərTac Azərbaycan Dövlət İnformasiya Agentliyi
  20. 20,0 20,1 " “Miss Civilization of The World” bəlli oldu " Səs İnformasiya Agentliyi
  21. 21,0 21,1 "BALACA MİSS VƏ MİSTER AZƏRBAYCAN-2007” MÜSABİQƏSİNİN QALİBLƏRİ ÖLKƏMİZİ ABŞ-DA TƏMSİL EDƏCƏKLƏR" AzərTac
  22. "ANTALYADA ƏLİL QADINLARIN BEYNƏLXALQ GÖZƏLLİK MÜSABİQƏSİ KEÇİRİLƏCƏKDİR" AzərTac
  23. "Azərbaycan ilk dəfə “Kainat gözəli- 2013”də iştirak edəcək " Oxu
  24. "Состоялся конкурс «Маленькие мисс и мистер Азербайджана – 2007" Day, arxivləşdirmə http://archive.is/BmDXd