Mit Romni

Vikipediya, açıq ensiklopediya
Jump to navigation Jump to search
Mit Romni
Willard Mitt Romney
Mitt Romney by Gage Skidmore 6.jpg
bayraqMassaçusets ştatının 70-inci qubernatorubayraq
2 yanvar 2003 — 4 yanvar 2007
Sələfi Ceyn Sift
Xələfi Devel Patrik

Partiya ABŞ Respublikaçılar Partiyası
Doğum tarixi 12 mart 1947 (1947-03-12) (72 yaş)
Doğum yeri Flag of the United States (Pantone).svg Detroit, Miçiqan, ABŞ
Əvvəlki adı ing. Willard Mitt Romney
Atası George W. Romney[d]
Anası Lenore Romney[d]
Həyat yoldaşı Ann Romney[d]
Uşaqları Tagg Romney[d]

İmza
Commons-logo.svg Mit Romni Vikianbarda

Mit Romni (ing. Willard Mitt Romney) - 2003 - 2007-ci illərdə Massaçusets ştatının qubernatoru olmuşdur. 2012-ci il ABŞ Prezident Seçkisində ABŞ Respublikaçılar Partiyasının əsas namizədlərindən hesab olunur.

Həyatı[redaktə | əsas redaktə]

Uillard Mitt Romni 1947-ci il martın 12-də Miçiqan ştatının Detroyt şəhərində, “American Motors” korporasiyasının baş direktoru Corc Romninin ailəsində anadan olub[1]. Üç dönəm Miçiqan şatının qubernatoru vəzifəsinə seçilmiş Corc Romni prezident Riçard Niksonun administrasiyasında şəhər inkişafı və tikinti naziri postunu tutub.

Mitt Romni özü də karyerasına biznes sektorundan başlayıb, “Bain Capital” investisiya şirkətinin qurucusu və rəhbəri olub (1984-2001). Dini inancı mormonizm olan, mormonların Brihem Yanq (Brigham Young University) və Harvard universitetlərindəki təhsilini humanitar elmlər bakalavrı, hüquq doktoru və işgüzar idarəçilik magistiri dərəcələri ilə bitirmiş Mitt Romni Son Günlərin Müqəddəsləri Kilsəsinin dini məhəllələr birliyinə də rəhbərlik edib.

Mitt Romni siyasətə 1994-cü ildə qatılıb – Massaçusets ştatının Senatına seçkilərdə iştirak edib və 7 milyon dollardan çox vəsait xərclədiyi bu kampaniyada rəqibi Ted Kennediyə məğlub olub. 2002-ci ildəki qubernator seçkisi isə ona qələbə gətirib və beləliklə, Mitt Romni 2003-2007-ci illərdə Massaçusets ştatının qubernatoru vəzifəsində çalışıb.

2008-ci ildə keçirilmiş prezident seçkisində respublikaçıların namizədi olmaq uğrunda mübarizə aparıb, sonra mübarizədən çəkilərək Con Makkeynin namizədliyini dəstəkləyib.

Mitt Romni ailəlidir. 5 oğlu var.

İstinadlar[redaktə | əsas redaktə]