Mixail Boyarski

Vikipediya, açıq ensiklopediya
Jump to navigation Jump to search
Mixail Boyarski
rus. Михаи́л Серге́евич Боя́рский
Misha Boyarskiy.jpg
2010-cu il

Doğum tarixi 26 dekabr 1949 (1949-12-26) (69 yaş)
Doğum yeri Flag of the Soviet Union.svg SSRİ
Flag of the Russian Soviet Federative Socialist Republic.svg Rusiya SFSR, Leninqrad
Həyat yoldaşı Larisa Luppian[d]
Uşağı Elizaveta Boyarskaya[d]Sergey Boyarskiy[d]
Atası Sergey Boyarsky[d]
Vətəndaşlığı Flag of the Soviet Union.svg SSRİ
Flag of Russia.svg Rusiya
Peşəsi müğənni, teatr aktyoru, kino aktyoru, aparıcı, gitaraçı, klaviaturaçı, kaskadyorteleviziya aparıcısı
Təhsili Rusiya Dövlət Səhnə Sənəti İnstitutu
IMDb: ID 0101614
İmza
mboyarskiy.ru
Commons-logo.svg Mixail Boyarski Vikianbarda

Mixail Boyarski (rus. Михаи́л Серге́евич Боя́рский; d. 26 dekabr 1949, Leninqrad, Rusiya SFSR, SSRİ) — Rusiyanın Xalq artisti, tanınmış aktyor və müğənni.[1]

Həyatı[redaktə | əsas redaktə]

1949-cu il dekabrın 26-da Leninqradda anadan olmuşdur.[1]

Atası Sergey Boyarski və anası Yekaterina Melenteva teatr aktyorları olublar. Lakin valideynləri Mixailin aktyor olmasını istəməyiblər və övladlarını musiqi məktəbinin fortepiano sinfinə qoyublar.[1]

Məktəbi bitirən Mixail valideynlərinin razılığını almasa da, sənədlərini Leninqrad Dövlət Teatr, Musiqi və Kinematoqrafiya İnstitutuna verir və qəbul olur. 1972-ci ildə institutu bitirdikdən sonra "Lensovet" teatrında işləməyə başlayır. İlk dəfə Q.Qladkovun "Trubadur və onun dostları" musiqili tamaşasında baş rolu canlandırır. Şahzadə rolunu isə onun gələcəkdə həyat yoldaşı Larisa Luppian oynayır. Onlar hələ institutdan tanış idilər, bu tamaşa isə evlilikləri üçün bir təməl olur. Bu xoşbəxt nikahdan oğulları Sergey və qızları Yelizaveta dünyaya gəlir.[1]

Karyerası[redaktə | əsas redaktə]

Vladimir Putin tərəfindən "Dostluq" ordeni ilə təltif edilərkən 22 yanvar 2002.

Kinoda[redaktə | əsas redaktə]

Mixail Boyarskinin kinoda debütü rejissor Vasili Paskarunun 1973-cü ildə çəkdiyi "Körpülər" filmində Qitsu rolu ilə başlayır. 1974-cü ildə rejissor Leonid Kvinixidzenin "Saman papaq" komediya filmində (Ninardi) rol alır. Bundan sonra bir neçə uşaq filmində - 1975-ci ildə "Maşa və Vityanın Yeni il sərgüzəştləri"ndə Matvey pişik, 1976-cı ildə Lyudmila Qurçenko ilə birgə məşhur "Mama" filmində Canavar və digər rollara çəkilir. 1975-ci ildə "Böyük oğul" filmində yaratdığı Silva rolu ilə tamaşaçı rəğbəti qazanır.[1]

Muşketyor[redaktə | əsas redaktə]

1978-ci ildə rejissor Georgi Yunqvald-Hilkeviçin çəkdiyi "D’Artyanyan və üç muşketyor" filmində oynadığı baş rol və oxuduğu mahnılar ona böyük şöhrət gətirir. Aktyor o qədər populyarlaşır ki, həyat yoldaşı Larisa ilə birgə həyətə də çıxmaqda çətinlik çəkir, çünki dəhlizin divarlarında sevgi məktubları yazılır, pərəstişkarlar yolda onların qarşısını kəsir, telefon zəngləri isə heç susmur. Yeri gəlmişkən, filmin populyarlığını nəzərə alan rejissor Georgi Yunqvald-Hilkeviç 1992-ci ildə "Muşketyorlar 20 ildən sonra" və 1993-cü ildə "Şahzadə Annanın sirləri və ya muşketyorlar 30 ildən sonra" filmlərini çəkir. Bu filmlər də tamaşaçılar tərəfindən çox sevilir.

Bundan başqa, Mixail Boyarski "Qardemarinlər, irəli", "İlf qəsrinin məhbusu", "Böyük Pyotr. Vəsiyyət", "İdiot" və s. filmlərə çəkilib.[1]

Müğənni[redaktə | əsas redaktə]

Uzun müddət Sankt-Peterburqda "Benefis" teatrının direktoru işləyən aktyor, müğənniliklə də məşğul olur, "Silver" qrupunda öz mahnılarını oxuyur.[1]

Teleaparıcı[redaktə | əsas redaktə]

Məşhur aktyor Yuri Nikulinin ölümündən sonra televiziyada "Ağ tutuquşu" verilişinin aparıcısı olub.[1]

Ailəsi[redaktə | əsas redaktə]

65 yaşlı aktyorun üç nəvəsi var.[1]

Qızı Yelizaveta atasının yolunu davam etdirir. O, aktrisa olmaqla yanaşı, həm də reklamlara çəkilir.[1]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 1,7 1,8 1,9 Sevimli muşketyor. medeniyyet.az, 26.12.2014  (azərb.)

Xarici keçidlər[redaktə | əsas redaktə]

Vikianbarda Mixail Boyarski ilə əlaqəli mediafayllar var.