Mollacəlilli

Vikipediya, açıq ensiklopediya
Jump to navigation Jump to search
Mollacəlilli

40°35′34″ şm. e. 46°22′09″ ş. u.


Ölkə Azərbaycan Azərbaycan
Rayon Göygöl rayonu
Tarixi və coğrafiyası
Mərkəzin hündürlüyü 607 m
Saat qurşağı UTC+04:00
Xəritəni göstər/gizlə
Mollacəlilli xəritədə
Mollacəlilli
Mollacəlilli

Mollacəlilli (əvvəlki adı: Yeni Əlibayramlı) — Azərbaycan Respublikasının Göygöl rayonunun inzibati ərazi vahidində kənd.

Tarixi[redaktə | əsas redaktə]

Mollacəlilli kəndinin adının yaranması bir zamanlar bu kəndə yaşayan əslən Göygöl rayonun Aşıxlı kəndindən olan Cəlil adlı molla ilə bağlıdır. Məhz molla Cəlilin xatirəsinə kəndin adı Mollacəlilli adlandırılmışdır. Molla Cəlilin o zamanlar balaca olan kəndin gələcəkdə böyük yaşayış məntəqəsi/şəhər olacağını söylədiyi bildirilir. SSRİ dövründə kəndin adı dəyişdirilərək, inqilabçı Əli Bayramovun xatirəsinə Yeni Əlibayramlı olmuş və 5 oktyabr 1999-cu ildən dəyişdirilərək Mollacəlilli adlandırılmışdır[1].

Toponimikası[redaktə | əsas redaktə]

Yeni Əlibayramlı oyk., mür. Göygöl r-nunun eyniadlı i.ə.v.-də kənd. Kiçik Qafqazın ətəyindədir. Keçmiş adı Molla Cəmilli olmuşdur. Yaşayış məntəqəsi r-nun ərazisində inqilabçı Əli Bayramovun adı ilə bağlı ikinci kənd olduğu üçün belə adlandırılmışdır.[2]

Coğrafiyası və iqlimi[redaktə | əsas redaktə]

Dağətəyi bölgə olduğundan havalar adətən küləkli olur. Yayı çox isti olsa da qışı mülayim keçir. Yayda az miqdarda yağış və qışda da az miqdarda qar yağır. Axar çay və gölün olmaması səbəbindən burada yay vaxtı istilərə dözmək çətindir.

Əhalisi[redaktə | əsas redaktə]

Kəndin əhalisi 3000 nəfərdən artıqdır. Əhalisinin böyük çoxluğu - 2/3 hissəsi etnik mənsubiyyətinə görə türk mənşəllidir. Əhalinin 1/3 hissəsi isə kürd kökənlidir. 2009-cu ilin siyahıyaalınmasına əsasən kəndə 1936 nəfər əhali yaşayır.[3]

İqtisadiyyatı[redaktə | əsas redaktə]

Əsasən heyvandarlıqla məşğuldurlar. Qismən əkinçilik və mədən daşı (Mollacəlilli daşı) istehsalı ilə məşğul olurlar. Gəncə bölgəsinin süd məhsullarıyla təmin olunmasında mollacəlillilərin payı yüksəkdir.

Mədəniyyəti[redaktə | əsas redaktə]

Köhnə qəbirstanlıqda Sömastalı ocağı var ki, günümüzdə də ziyarət edilir.

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. "Azərbaycan Respublikasının bəzi rayonlarının inzibati-ərazi bölgüsündə qismən dəyişikliklər edilməsi haqqında" Azərbaycan Respublikasının 5 oktyabr 1999-cu il tarixli, 708-IQ nömrəli Qanunu
  2. Azərbaycan Toponimlərinin Ensiklopedik Lüğəti. Azərbaycan Milli Elmlər Akademiyası. Nəsimi adına Dilçilik İnstitutu. Şərq-qərb Bakı-2007. səh.427
  3. Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629