Moqoşoaya sarayı
| Moqoşoaya sarayı | |
|---|---|
 | |
 | |
| Ümumi məlumatlar | |
| Növü | şato |
| Ölkə | |
| Koordinatlar | 44°31′40″ şm. e. 25°59′34″ ş. u. |
| Tikintisinin başlaması | 1698 |
| Tamamlanıb | 1702 |
 Vikianbarda əlaqəli mediafayllar | |
Moqoșoaya sarayı (rum. Palatul Mogoșoaia) ― Rumıniyanın paytaxtı Buxarestdən təxminən 10 kilometr (6.2 mil) məsafədə yerləşən tarixi tikili. Saray 1698–1702 illər arasında Konstantin Brınkovyanu tərəfindən Rumıniya Renesans və ya Brınkovyanskiy üslubunda inşa edilmişdir. Saray, üzərində inşa edilmiş əraziyə sahib olan Rumıniya boyarı Moqoşun dul qadınının adını daşıyır.
Tarix[redaktə | mənbəni redaktə et]
1714-cü ildə Konstantin Brınkovyanunun bütün ailəsi ilə birlikdə Konstantinopolda edam edilməsindən sonra ailənin bütün sərvəti Osmanlılar tərəfindən ələ keçirildi və saray mehmanxanaya çevrildi. Saray daha sonralar Şahzadə Ştefan Kantakuzino tərəfindən yenidən satın alındı və o, binanı Brınkovyanunun nəvəsi Konstantinə qaytardı. Saray XIX əsrin əvvəllərinə qədər onun ailəsində qaldı.
Saray daha sonralar Bibesku ailəsində qaldı və Kikolay Bibesku tərəfindən təmir edildi.[2]
1916-cı ilin noyabrında, Birinci Dünya müharibəsi əsnasında Moqoşoaya sarayı alman hava qüvvələri tərəfindən bombalandı.[3] 1920-ci illərin sonu və 1930-cu illərdə saray siyasətçilərin və beynəlxalq yüksək cəmiyyətlərin görüş yerinə çevrildi. Şahzadə Corc 1941-ci ildə vəfat etdikdən soran Saray meydanındakı kiçik, ağ rəngli 1688-ci ilə aid kilsədə dəfn edildi.[4]
.jpg)
İkinci dünya müharibəsi zamanı Şahzadə Antuan Bibesko (Corc Bibeskonun əmisi oğlu) və həyat yoldaşı Elizabet Bibesko ölkədən qaçmaqdan imtina etdilər. Elizabet 7 aprel 1945-ci ildə sətəlcəmdən öldükdə sarayın ərazisindəki Bibeskolara aid ailə sərdabəsində dəfn edildi. Hər ikisi kommunist rejimində öldükləri üçün nə Elizabet Bibeskonun əri Antuan, nə də Corc Bibeskonun həyat yoldaşı Marta onun yanında dəfn oluna bilmədi.[5] 1945-ci ildən sonra saray kommunist hakimiyyət orqanları tərəfindən zorla milliləşdirildi və sahibləri həbs olundu. Binadakı bəzi qiymətli sənət kolleksiyaları da məhz bu dövrdə itdi. 1957-ci ildə tikili muzeyə çevrildi.[6] Saray indi populyar bir turizm mərkəzidir. Tikilinin bağları gözəl olsa da, daxili interyeri yenidən qurulur və hazırda muzey və sənət qalereyasına malikdir.
Qalereya[redaktə | mənbəni redaktə et]
(IF-II-a-A-15298).jpg)
.jpg)
İstinadlar[redaktə | mənbəni redaktə et]
- ↑ 1 2 Wiki Loves Monuments monuments database. 2017.
- ↑ "Istoria de foc și sânge a Palatului de la Mogoșoaia". ziarullumina.ro. 2015-05-19 tarixində arxivləşdirilib. İstifadə tarixi: 15 dekabr 2014.
- ↑ "Centrul Cultural Palatele Brâncovenești". 2014-09-29 tarixində arxivləşdirilib. İstifadə tarixi: 15 dekabr 2014.
- ↑ Sutherland, Christine, Enchantress, Farrar, Straus and Giroux, New York, 1996
- ↑ Bibesco, Marthe, In Memoriam, Unpublished article circa 1945, University of Texas
- ↑ Radu Popa, Mogoșoaia palatul și Muzeul de Arta Brîncoveneasca, Editura Meridiane, București, 2012