Murad Boz

Vikipediya, azad ensiklopediya
Jump to navigation Jump to search
Murad Boz
türk. Murat Boz
Murat Boz Ekim 2011 (1) - Cropped.jpg
Ümumi məlumatlar
Doğum tarixi (42 yaş)
Doğum yeri Zonquldak, Türkiyə Türkiyə
Vətəndaşlığı
Musiqiçi məlumatları
Fəaliyyəti Müğənni · söz yazıçısı · bəstəkar · aktyor
Fəaliyyət illəri 2006 - indiyədək
Janrlar Pop  · R&B
Musiqi alətləri Baraban  · skripka · ney · piano[1]
Albom şirkətləri Stardium · DSM · DMC
muratboz.com
Vikianbarın loqosu Vikianbarda əlaqəli mediafayllar

Murad Boz (türk. Murat Boz; 7 mart 1980, Zonquldak, Türkiyə) — Türk musiqiçi.

Həyatı[redaktə | mənbəni redaktə et]

Türkiyəli müğənni Murad Boz 7 mart 1980-ci ildə Zonquldakda anadan olmuşdur.[2][3] Orta təhsilini aldıqdan sonra 1996-cı ildə İstanbula gələrək təhsilini İstanbul Gözəl Sənətlər Liseyinde davam etdirmişdir. Bu vaxt ərzində Atatürk Mədəniyyət Mərkəzi və Camal Rəşid Rey adına konsert zalında vokalist olan Murad Boz 1999-cu ildə Milliyət qəzetinin təşkil etdiyi Liseylərarası Musiqi və Xalq Oyunları (rəqsləri) müsabiqəsində birinci olmuşdur.

1999-ci ildə İstanbul Bilgi Universitetinin Caz Vokal fakültəsinə qəbul olan Murad Boz 2003-cü ildən İstanbul Texniki Universiteti Türk Musiqisi Dövlət Konservatoriyasının Təməl Elmlər fakültəsində təhsilini davam etdirir.[4] Sonralar Tarkan, Nilüfər, Nazan Öncəl, Nil Karaibrahimgil, Hepsi qrupu, Burcu Günəş kimi sənətçilərin səhnə performanslarında və albomlarında iştirak edən Murat, eyni zamanda bir çox reklam musiqisində iştirak edib (McDonalds, İstikbal, Cola Turka).[5]

16 İyul 2006-cı ildə "Aşkı bulamam ben" adlı mahnısını ifa edən Murad Boz, 25 Yanvar 2007-ci ildə "Maximum" adlı ilk albomunu çıxartdırır.[6][7] O, albomunun prodüserliyində Ozan Çolakoğlu rəhbərliyindəki Sarı Ev ilə birlikdə çalışmağa başlayır. Stardium Musiqi İstehsal etiketiylə nəşr olunan albomdan ilk video klip işi albomla eyni adı daşıyan mahnı üçün seçilir və Murad Küçük klipin rejissorluğunu öhdəsinə götürür.[8] 23 İyul 2007-ci ildə ​​"Püf" adlı mahnısının klipi çəkilir. Murad Boz "Maximum" albomu ilə Qızıl Kəpənək və IFA mükafatlarının sahibi olur.[9][10]

14 iyun 2008-ci ildə Doqquz Səkkiz Musiqi imzalı ikinci mahnısı olan "Uçurum" ilə musiqi sevərləri ilə yenidən görüşür.[11] Müəllifi Soner Sarıkabadayı, aranjimançısı Suat Aydoğan olan "Uçurum" bir çox ölkədə yayımlanır. Nəticədə, "Uçurum" 2008-ci ilin ən yaxşı mahnısı seçildi.

Murad Boz 2008-ci ildəki bir konsertində ətək geyinmiş və mediada geydiyi ətəklə müsahibə vermişdi. Media tərəfindən ətək olaraq təqdim edilən paltar əslində "Uçurum" mahnısında işlənən qladiator mövzusunun bir hissəsi olan Roma əsgərlərinin dəri döyüş geyimləri idi.

Murad Bozun 6 Yanvar 2009-cu ildə yayımı planlaşdırılan ikinci studiya albomu "Şans"ın ilk parçası olan "Para Yok" mahnısı ilk dəfə Turkcell tərkibində yayımlandı. Ersay Üner bəstəsi olan mahnının aranjimanı Mustafa Ceceliyə aiddir. "Hayat Sana Güzel" ifası isə ilk olaraq Power Club və TTNET Musiqi kimi digital satış mərkəzlərində musiqisevərlərə təqdim edilmişdir. Soner Sarıkabadayı bəstəsi olan "Hayat Sana Güzel" 3 fərqli versiyası ilə maxi single olaraq bazara çıxmışdır. Aranjimanı Suat Aydoğan və Burak Yetere aid maxi single üçün Murad Küçük rejissorluğunda klip çəkilmişdir. Fotoşəkil çəkilişləri isə Nihat Odabaşı tərəfindən reallaşdırılmışdır.

Acun Medianın layihəsi olan, 2011-ci ilin oktyabr ayından etibarən Show TV-də, 2014-cü ildən isə TV8-də yayımlanan səs yarışması O Səs Türkiyə də münsiflərdən biridir.

Maraqlı faktlar[redaktə | mənbəni redaktə et]

  • Tarkana 6 il vokalistlik edib.
  • Ayaqqabı ölçüsü 43-dür.
  • Ən sevdiyi müğənni Tarkandır.[12]
  • Ən sevdiyi mahnı Mustafa Cecelinin ifasında "Karanfil"-dir.
  • Pərəstiş etdiyi komanda Beşiktaşdır.
  • Ən sevdiyi Tv verilişi "Beyaz Show"-dur.

Filmoqrafiya[redaktə | mənbəni redaktə et]

  • Hadi İnşallah (2014)
  • Qardaşım Mənim (2016)
  • Dönərsə Sənindir (2016)
  • Qardaşım Mənim 2 (2017)
  • Öldür Məni Sevgilim (2018)

İstinadlar[redaktə | mənbəni redaktə et]

  1. "Murat Boz'dan ŞOK İTİRAF". 2012-06-07 tarixində orijinalından arxivləşdirilib. İstifadə tarixi: 2012-06-07.
  2. "BU STARI TANIDINIZ MI?". 2011-02-15 tarixində orijinalından arxivləşdirilib. İstifadə tarixi: 2011-02-15.
  3. "Murat Boz Hayatıyla İlgili Merak Edilenleri Cevapladı!". 2013-06-28 tarixində arxivləşdirilib. İstifadə tarixi: 2013-06-28.
  4. "Gözümüz aydın! Aranan pop yıldızı bulundu". 2013-08-28 tarixində arxivləşdirilib. İstifadə tarixi: 2013-08-28.
  5. "Murat Boz haqqında bilmədikləriniz". 2012-11-08 tarixində orijinalından arxivləşdirilib. İstifadə tarixi: 2016-02-14.
  6. "Murat Boz / Aşkı Bulamam Ben". 2013-08-27 tarixində arxivləşdirilib. İstifadə tarixi: 2013-08-27.
  7. "MÜZİK - Murat Boz / Maximum". 2013-08-27 tarixində arxivləşdirilib. İstifadə tarixi: 2013-08-27.
  8. "Müzik haberleri". 2013-05-04 tarixində arxivləşdirilib. İstifadə tarixi: 2013-05-04.
  9. "Dört dörtlük bir ödül töreni". 2013-04-18 tarixində arxivləşdirilib. İstifadə tarixi: 2013-04-18.
  10. "Şaibesiz 'kral'lar!". 2007-05-13 tarixində arxivləşdirilib. İstifadə tarixi: 2007-05-13.
  11. "Şimdi savaşa hazırım". 2013-04-18 tarixində arxivləşdirilib. İstifadə tarixi: 2013-04-18.
  12. Murat Boz haqqında

Xarici keçidlər[redaktə | mənbəni redaktə et]