Murad Nəbibəyov

Vikipediya, azad ensiklopediya
Jump to navigation Jump to search
Murad Nəbibəyov
Murad Rüstəm oğlu Nəbibəyov
Murad Nəbibəyov.jpg
Murad Nəbibəyov
Doğum tarixi 4 iyun 1955 (1955-06-04) (64 yaş)
Doğum yeri SSRİ, Azərbaycan SSR, Nuxa (Şəki) şəhəri
Vətəndaşlığı SSRİ SSRİ
Azərbaycan Azərbaycan
Atası Rüstəm Nəbibəyov
Fəaliyyəti Şəki şəhər bələdiyyəsi Mətbuat və ictimaiyyətlə əlaqələr şöbəsinin müdiri, "Şəki Bələdiyyəsi" qəzetinin baş redaktoru; AMEA Şəki Regional Elmi Mərkəzi nin elmi işçisi.
Saytı Şəxsi Facebook səhifəsi

Nəbibəyov Murad Rüstəm oğluŞəki şəhər bələdiyyəsi Mətbuat və ictimaiyyətlə əlaqələr şöbəsinin müdiri, "Şəki Bələdiyyəsi" qəzetinin baş redaktoru; AMEA Şəki Regional Elmi Mərkəzinin elmi işçisi.

Həyatı[redaktə | əsas redaktə]

Murad Nəbibəyov 1955-ci il iyunun 4-də Şəkidə anadan olub. 1961-1969-cu illərdə Şəki şəhər Mirzə Ələkbər Sabir adına 5 saylı səkkizilllik və 1969-1971-ci illərdə Şəki şəhər Maksim Qorki adına 10 saylı məktəbdə orta təhsil almışdır. 1971-ci ildə orta məktəbi bitirdikdən sonra Şəki 55 saylı Tikinti-Quraşdırma İdarəsində fəhlə kimi əmək fəaliyyətinə başlamışdır. 1972-ci ildə Ç.İldırım ad. Azərbaycan Politexnik İnstitutunun (indiki Azərbaycan Texniki Universiteti) metallurgiya fakültəsinə daxil olmuşdur. 1976-cı ildə institutun rəhbərliyi onu babası polkovnik Hüseyn bəy Nəbibəyovun 1930-cu ildə repressiya olunduğuna və babasının qardaşı Bəhram bəy Nəbibəyov 1930-cu ildə Şəkidə Sovet Hakimiyyətinə qarşı olan üsyanın rəhbərlərinən biri olduğuna görə ali məktəbdən xaric etmişdir. 1976-1978-ci illərdə keçmiş sovet ordusu sıralarında həqiqi hərbi xidmət keçdikdən sonra yenidən oxuduğu təhsil müəssisəsinə bərpa edilmiş və 1982-ci ildə oranı qurtarıb ali təhsil almışdır.

Fəaliyyəti[redaktə | əsas redaktə]

M.Nəbibəyov 1982-ci ildə ali məktəbi bitirdikdən sonra sonra "Bakı məişət kondisioneri" Elm İstehsalat Birliyinin Bakı Elektrik Ştampları təcrübə zavodunda gənc mütəxəssis kimi mühəndis-texnoloq vəzifəsinə işə qəbul edilmişdir. 1992-ci ilədək həmin zavodda mühəndis-texnoloq, usta, baş usta, sahə və sex rəisi vəzifələrində, eyni zamanda 1988-ci ildə zavodun nəzdində təşkil edilmiş İstehsalat-kommersiya kooperativinin sədri vəzifəsində işləmişdir. 1992-ci ildə kooperativ müstəqillik statusu aldıqdan sonra isə 1997-ci ilədək həmin kooperativin sədri olmuşdur.

1997-ci ildən 2005-ci ilədək "Kriminal" qəzetində baş redaktorun müavini, "Zaman-Azərbaycan""Ədalət" qəzetlərində Sosial həyat və iqtisadiyyat şöbəsinin müdiri vəzifələrində işləmişdir. Eyni zamanda müxtəlif qəzetlərlə ("Mərkəz", "Qol", "Axşam", "Son söz" və s.) əməkdaşlıq etmişdir.

2005-ci ilin mart ayından Şəki Bələdiyyəsində Mətbuat və ictimaiyyətlə əlaqələr şöbəsinin müdiri və "Şəki Bələdiyyəsi" qəzetinin baş redaktoru və 2008-ci ildən AMEA Şəki Regional Elmi Mərkəzində elmi işçi vəzifələrində işləyir. O. eyni zamanda Şəkinin WEB ensiklopediyasının redaksiya heyətinin üzvüdür.

2 aprel 2015-ci il tarxdən Azərbaycan Jurnalistlər Birliyinin üzvüdür.

Mükafatları[redaktə | əsas redaktə]

  • Bakı Elektrik Ştampları təcrübə zavodunda işlədiyi dövrdə buraxılan məhsulun maya dəyərinin aşağı salınmasına və fəhlə əməyinin yüngülləşdirilməsinə birbaşa təsir göstərən yüzədək səmərələşdirici təklifi istehsalatda tətbiq edilmiş, iki dəfə "Azərbaycanın ən yaxşı gənc səmərələşdiricisi" adına layiq görülmüşdür.
  • 2008-ci ilin yekunlarına görə Şəki Şəhər İcra Hakimiyyəti tərəfindən "İlin qalibi" adına layiq görülmüşdür.
  • 4 iyun 2015-ci ildə mətbuat sahəsindəki çoxillik səmərəli fəaliyyətinə və 60 illik yubileyinə görə Azərbaycan Mətbuat Şurasının Diplomu ilə təltif edilmişdir.
  • 8 sentyabr 2015-ci il tarixdən "Qızıl qələm" mükafatı laureatıdır.

Xarici keçidlər[redaktə | əsas redaktə]

Həmçinin bax[redaktə | əsas redaktə]