Musa Musayev (iqdisadçı)

Vikipediya, açıq ensiklopediya
Jump to navigation Jump to search
Musa Musayev
Musayev Musa Rəfi oğlu
Musa Musayev (iqdisadçı).jpg
Doğum tarixi 1951(1951-Şablondakı doğum və ya ölüm tarixində texniki yanlışlıq var!-00)
Doğum yeri Laçın rayonu, Azərbaycan SSR, SSRİ
Vəfat tarixi 25 dekabr 2016 (64 yaşında)
Vəfat yeri Bakı
İxtisası iqdisadçı
Təhsili Azərbaycan Xalq Təsərrüfatı İnstitutu


Musayev Musa Rəfi oğlu - Laçın rayonunun sosial-iqtisadi həyatının fəal iştirakçısı, 1987-1991-ci illərdə Laçın rayon partiya komitəsinin ikinci katibi, 1991-92-ci ildə Laçın rayon icra hakimiyyətinin başçısının müavini olmuş, dəfələrlə rayon sovetinin deputatı, rayon partiya komitəsinin büro üzvü kimi ictimai vəzfələr daşımışdır.

Musa Musayev 24 yanvar 1951-ci ildə Laçın rayonunun Qarakeçdi kəndində anadan olub. 1958-ci ildə Laçın rayon Qarakeçdi kənd səkkiz illik məktəbinin birinci sinifinə daxil olaraq 1968-ci ildə rayonun Minkənd kənd orta məktəbinin onuncu sinifin bitirib. 1968-ci ildə D.Bünyadzadə adına Azərbaycan Xalq Təsərrüfatı İnstitutunun maliyə və kredit fakültəsinə daxil olub. 1972-ci ildə həmin instutu iqdisadçı ixtisası ilə bitirmişdir. Ali təhsil alandan sonra ordu sıralarına çağrılana qədər Laçın rayon, kolxozlararası tikinti idarəsində mühasib köməkçisi vəzifəsində çalışmışdır. 1972-73-cü illərdə sovet ordusunda hərbi xidmət keçmişdir.

1974-80-cı illərdə Laçın rayon kolxozlararası tikinti idarəsində əvvəlcə mühasib köməkçisi, sonra isə iqdisatçı vəzifələrində çalışmışdır. 1980-81-ci illərdə Laçın rayon Partya Komitəsində təlimatçı işləmişdir. 1981-83-cü illərdə Bakı Ali Partya məktəbində dinləyici olmuşdur. 1983-85-cı illərdə Laçın rayon Partiya Komitəsində təlimatçı, 1985-87-ci illərdə isə Laçın rayon Partiya Komitəsində təbilğat və təşviqat şöbəsinin müdiri vəzifəsində çalışmışdır. 1987-1991-ci illərdə Laçın rayon partiya komitəsinin ikinci katibi, 1991-92-ci ildə Laçın rayon icra hakimiyyətinin başçısının müavini, 1992-1999-cu illərdə Laçın rayon Aqrar Sanaye komitəsinin baş direktoru vəzifəsində işləmişdir. 1999-2000-illərdə isə Ağcabədi 021 saylı Əmanət Bankının 024 saylı filalının müdiri, 2001-2006-cı illərdə Ağa müəssəsi ASC-də baş iqtisadçı, 2006-2008-ci ildə isə DSMF-un Laçın rayon şöbəsinin müdiri vəzifəsində çalışmışdır. 2013-2016-cı illərdə Laçın rayon 55 saylı Yol İstismar Məhdud Məsuliyyətli Cəmiyyətin direktoru vəzifəsində çalışmışdır.

1995-ci ildən Yeni Azərbaycan Partiyasının üzvü idi.

3 oğlan övladı vardır.

25 dekabr 2016-cı ildə ürək çatışmazlığından vəfat etmişdir.