Musiqili alov fəvvarəsi

Vikipediya, açıq ensiklopediya
Jump to navigation Jump to search
Musiqili alov fəvvarəsinin uzaqdan görünüşü

Musiqili alov fəvvarəsiKoroğlu metrostansiyası yaxınlığındakı istirahət parkında fəvvarə. Fəvvarə Bakı Olimpiya StadionununMilli Gimnastika Arenasının yaxınlığında yerləşir.

Tarixi[redaktə | əsas redaktə]

İnşasından əvvəl[redaktə | əsas redaktə]

30 sentyabr 2010-cu ildə "Musiqili alov fəvvarəsi" yerləşən parkın ərazisi ilə Azərbaycan Respublikasının Prezidenti İlham Əliyev tanış olmuşdur.[1] Bakı Şəhər İcra Hakimiyyətinin başçısı Hacıbala Abutalıbov məlumat vermişdir ki, parkda postamenti 10 metr olmaqla 60 metr hündürlüyündə musiqili od fəvvarəsinin inşası nəzərdə tutulur. Qeyd olunmuşdur ki, fəvvarənin postamenti yumru təpəcikdən ibarət olacaqdır. Fəvvarə 500 beton dayaq üzərində qurulacaqdır. Musiqili od fəvvarəsi ABŞ, Almaniyaİngiltərə istehsalı olan büllur və 316 L markalı paslanmayan metaldan hazırlanacaqdır. Tikinti işlərində ABŞ-ın və Almaniyanın "Schott Class", İngiltərənin "Aspinallis" şirkətləri iştirak edəcəkdir. Büllur işlərini İngiltərənin "Wilkinson pls" şirkəti həyata keçirəcəkdir. Musiqili işıqlandırma işlərini İtaliya mütəxəssisləri yerinə yetirəcəklər. Musiqili fəvvarə postamentin altında quraşdırılacaq avtomatlaşdırılmış sistem vasitəsilə idarə olunacaqdır.[1]

Tanışlıq zamanı Prezident İlham Əliyev quraşdırılacaq musiqili od fəvvarəsinin maketinə də baxmış, salınacaq yeni parkın infrastrukturunu, yaşıllıq zolaqlarını, quraşdırılacaq musiqili od fəvvarəsini və əhaliyə göstəriləcək yüksək səviyyəli xidməti əks etdirən filmin nümayişi də olmuşdur.[1]

İnşası[redaktə | əsas redaktə]

Nizami rayonu ərazisində əvvəllər sənaye müəssisələrinin yerləşdiyi, uzun illər baxımsız vəziyyətdə qalmış ərazidə park salınmağa başlanılmışdır.[2]

Alov Kompleksi mərkəzdən avtomatlaşdırılmış sistem vasitəsilə idarə olunur. Musiqili alov fəvvarəsi ABŞ, Almaniya və İngiltərə istehsalı olan büllurdan və paslanmayan metaldan hazırlanmışdır. Tikinti işlərinə ABŞ, Almaniya və İngiltərə şirkətləri cəlb olunmuşdur. Musiqili işıqlandırma işlərini İtaliya mütəxəssisləri yerinə yetirmişlər.

Musiqili alov fəvvarə kompleksinin struktur hissəsinin konstruksiyası 60 kilometr/saniyə gücündə küləyə və 9 ballıq zəlzələyə davamlıdır. Alov simvolu cilalanmış paslanmayan metaldan və kristaldan ibarətdir.[2]

Audio-video sisteminin qurulduğu musiqili alov fəvvarə kompleksi lazer projektorları ilə işıqlandırılır.[2]

Açılışı[redaktə | əsas redaktə]

30 dekabr 2011-ci il tarixində Bakının Heydər Əliyev prospektində, Bakı Metropoliteninin "Koroğlu" stansiyasının qarşısında, köhnə sənaye müəssisələrinin yerində salınan park və musiqili alov fəvvarəsi istifadəyə verilmişdir.[2]

Fəvvarənin yerləşdiyi park[redaktə | əsas redaktə]

Musiqili alov fəvvarəsi yerləşən park və uzaqdan görünən Bakı Olimpiya Stadionu

"Musiqili alov fəvvarəsi" yerləşən parkda hələ tikintidən əvvəl dünyanın ən nadir ağac və bitki kollarının əkiləcəyi nəzərdə tutulmuşdur.[1] Parkın ərazisinə üç tərəfdən giriş olacağı, Kompleksin ətrafında insanların rahat istirahəti üçün hər cür şərait yaradılacağı da layihələşdirilmişdir.[1]

Parkda 65 müasir oturacaq qoyulmuş, 82 işıq dirəyi quraşdırılmışdır.[2] Xüsusi dizaynla salınan parka üç tərəfdən giriş vardır. Fəvvarədə quraşdırılmış işıq sistemi parka ecazkar gözəllik bəxş edir. Fəvvarənin postamenti yumru təpəcikdən ibarətdir.[2]

Qalereya[redaktə | əsas redaktə]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 1,4 "İlham Əliyev Bakının Nizami rayonunda salınacaq parkın ərazisi ilə tanış olmuşdur" (az). president.az. 30 sentyabr 2010. http://president.az/articles/801. İstifadə tarixi: 2015-05-03.
  2. 2,0 2,1 2,2 2,3 2,4 2,5 "Bakı-Alov kompleksi" (az). panorama.az. 2015. http://panorama.az/alov-kompleksi.html. İstifadə tarixi: 2015-05-03.

Xarici keçidlər[redaktə | əsas redaktə]

Vikianbarda Musiqili alov fəvvarəsi ilə əlaqəli mediafayllar var.