Mustafa Mustafayev (professor)

Vikipediya, açıq ensiklopediya
Jump to navigation Jump to search
Mustafa Mustafayev
Mustafa Mir Qasım oğlu Mustafayev
Mustafa Mustafayev.jpg
Doğum tarixi 18 noyabr 1926(1926-11-18)
Doğum yeri Lənkəran qəzası, Mahmudavar qəsəbəsi
Vəfat tarixi 15 mart 2011 (84 yaşında)
Vəfat yeri Bakı
Elm sahəsi Filologiya
Elmi dərəcəsi Filologiya elmləri namizədi
Elmi adı Professor

Mustafa Mir Qasım oğlu Mustafayev — filologiya elmləri namizədi, professor

Həyatı[redaktə | əsas redaktə]

Mustafa Mustafayev (Mir Mustafa Mir Qasım oğlu Mir Mustafayev - Talışlı) 18 noyabr 1926-ci ildə Lənkəran qəzasının Mahmudavar (indi Masallı rayonuna daxildir) qəsəbəsində anadan olmuşdur. O, XVIII əsrdə Talış xanlığının əsasını qoyan general-mayor Mir Mustafa xan Talışlının törəmələrindəndir. Sovet hakimiyyətinin ilk illərində inzibati tədbirlərlə əlaqədar ailəsi ilə Şirvana köçürülmüşdür. Mustafa Mustafayev ibtidai və orta təhsilini Şamaxı şəhərində almışdır. 1944-cü ildə hərbi səfərbərliyə alınmış, 1946-cı ildə Hərbi xidmətdən tərxis olunmuşdur.

1946-1947-ci illərdə Bakıda neft (Kirovneft, indiki Binəqədi) mədənlərində fəhlə və çilingər işləmişdir.

1948-ci ildə V.İ.Lenin adına Azərbaycan Dövlət Pedaqoji İnstitutunun hazırlıq şöbəsinə daxil olmuş, kursu müvəffəqiyyətlə bitirdikdən sonra "dil-ədəbiyyat" fakültəsinin əyani şöbəsinə daxil olmuşdur. 1953-cü ildə institutu fərqlənmə diplomu ilə bitirən Mustafa Mustafayev Lənkərana beş il təyinat almış, rayonun Mamusta və Kərgəlan kəndlərində dil-ədəbiyyat müəllimi və dərs hissə müdiri işləmişdir.

1958-ci ildən Bakıya köçmüş, Xəzər gəmiçiliyi idarəsində təhsil işləri üzrə müdir vəzifəsində çalışmışdır.

1961-ci ilin yanvarın 1-də "XIX əsr Azərbaycan ədəbiyyatı tarixi” ixtisası üzrə V.İ.Lenin adına ADPİ-nin əyani aspiranturasına qəbul olunmuşdur. 1965-ci ilin aprelində "Q. Zakir şeirinin sənətkarlığı " mövzusunda dissertasiya müdafiə edərək filologiya elmləri namizədi elmi dərəcəsi almışdır. Bir müddət institutun tədris hissəsində çalışdıqdan sonra müsabiqə yolu ilə "Azərbaycan ədəbiyyatı və onun tədrisi metodikası" kafedrasında müəllim, baş müəllim və dosent vəzifələrini tutmuşdur.

Mustafa müəllimin peşəkar elmi-pedaqoji fəaliyyəti ictimaiyyətin nəzərini cəlb etmiş, institutun elmi şurası 1990-cı ildə SSRİ Ali Attestasiya Komissiyası qarşısında professorluq elmi dərəcəsi verilməsi haqqında vəsadət qaldırmışdır.

O, 150-dən artıq elmi-nəzəri problemlərə həsr edilmiş məqalələrin, resenziyaların, monoqrafiyaların müəllifidir.

Mustafa Mustafayev 15 mart 2011-ci ildə Bakı şəhərində vəfat etmişdir.

Kitabları[redaktə | əsas redaktə]

  • “Qasım bəy Zakir sənətkarlığı” – 1983.
  • “XIX əsr Azərbaycan satirik şeir nümunələri” – 1983.
  • “XIX əsr Azərbaycan şeirində lirika” – 1988.
  • “XIX əsr Azərbaycan realist şeiri” – 1991.
  • “Qasım bəy Zakirin poetik dünyası” – 2004.