Mustafa Qafalı

Musafa Qafalı
Musafa Qafalı
	türk. Mustafa Kafalı
Doğum tarixi	1934
Doğum yeri	Konya, Konya ili, Türkiyə;
Vəfat tarixi	28 avqust 2019 (84–85 yaşında)
Vəfat yeri	Ankara, Ankara ili, Türkiyə;
Dəfn yeri	Gölbaşı qəbiristanlığı[d];
Vətəndaşlığı	Türkiyə
Milliyyəti	Türk
Elmi dərəcəsi	Tarix elmləri doktoru
İş yerləri	İstanbul Universiteti ; Bağdad Universiteti (1975-1977)
Təhsili	Ankara Universiteti
Tanınır	Tarix; Ədəbiyyat

Mustafa Qafalı (1 yanvar 1934, Konya – 28 avqust 2019, Ankara) — türk tarixçi alim, professor və türk millətçiliyinin tanınmış şəxslərindən biri.^[1]^[2]

Həyatı

Mustafa Qafalı 1934-cü ildə Konyada anadan olmuşdur. Hüseyn Nihal Atsızın tələbələrindən olan Mustafa Qafalı Türkiyədə türk millətçiliyinin tanınmış simalarından olmuşdur. Həmçinin, Türkiyə tarixşünaslığının Orta Asiya və türk-monqol tarixi üzrə ən məşhur tarixçilərindən olmuşdur.^[3]

2019-cu ilin avqust ayının 29-da vəfat etmiş, 30 avqustda isə Ankarada dəfn edilmişdir. Ölümündən sonra Maral Akşənər, Ümid Özdağ, Mansur Yavaş və s. kimi tanınmış millətçi siyasi xadimlər tərəfindən başsağlığı verilmişdir.^[4]

Təhsili

Ali təhsilini Ankara Universitetinin Dil və Tarix-Coğrafiya fakültəsinin Tarix bölümündə bitirmişdir. 1965-ci ildə doktorantura təhsilini tamamlamışdır.

Elmi fəaliyyəti

1960-cı ildə İstanbul Universiteti Ədəbiyyat fakültəsinin Ümumi Türk Tarixi bölməsində asistant olaraq çalışmağa başlamışdır. "Ötəmiş Hacıya görə Cuci ulusunun tarixi" adlı doktorluq mövzusunu 1965-ci ildə müdafiə etmişdir. 1971-1972-ci illərdə universitet tərəfindən elmi araşdırmalar üçün Londona gönədərilmişdir. Türkiyəyə döndükdən sonra isə "Qızıl Orda xanlığında Sayın xan sülaləsinin dövrü (1227-1360)" adlı tezisi ilə 1973-cü ildə dosent olmuşdur. 1974-cü ildən etibarən isə Türk Tarixi bölməsində III-VI semestr tələbələrinə Qızıl Orda və Çağatay xanlıqları ilə, Elxanilər dövləti, VII-VIII semestr tələbələrinə isə Teymur və Teymurilər tarixi və Tarix metodu dərslərini vermişdir. "Mənbələr" və Osmanlıca mətnlər" mövzusunda seminarlar vermişdir.^[5]

1975-1977-ci illər aralığında Bağdad Universitetinin Ədəbiyyat fakültəsində dəvətli müəllim kimi dərs demişdir. Professorluq təqdimat tezisi olaraq hazırladığı "Çağatay xanlığı (1227-1345)" adlı əsəri ilə 24 may 1982-ci ildə bu vəzifəyə yüksəlmişdir.

Türk Tarix Qurumunun üzvü olmuşdur.

İngiliscə və rusca bilirdi.

Həmçinin bax

İstinadlar

↑ "Mustafa Kafalı hocayı kaybettik". www.yenicaggazetesi.com.tr. 4 dekabr 2019 tarixində arxivləşdirilib.
↑ "Prof. Dr. Mustafa Kafalı vefat etti". www.hurriyet.com.tr. 9 oktyabr 2020 tarixində arxivləşdirilib.
↑ "Prof.Dr. Mustafa KAFALI". www.genelturktarihi.net. 18 sentyabr 2021 tarixində arxivləşdirilib.
↑ "Tarihçi Mustafa Kafalı hayatını kaybetti". www.cnnturk.com. 31 oktyabr 2020 tarixində arxivləşdirilib.
↑ "Mustafa Kafalı'dan acı haber! Mustafa Kafalı kimdir, kaç yaşında, neden öldü?". www.milliyet.com.tr. 29 yanvar 2020 tarixində arxivləşdirilib.

[1] "Mustafa Kafalı hocayı kaybettik". www.yenicaggazetesi.com.tr. 4 dekabr 2019 tarixində arxivləşdirilib.

[2] "Prof. Dr. Mustafa Kafalı vefat etti". www.hurriyet.com.tr. 9 oktyabr 2020 tarixində arxivləşdirilib.

[3] "Prof.Dr. Mustafa KAFALI". www.genelturktarihi.net. 18 sentyabr 2021 tarixində arxivləşdirilib.

[4] "Tarihçi Mustafa Kafalı hayatını kaybetti". www.cnnturk.com. 31 oktyabr 2020 tarixində arxivləşdirilib.

[5] "Mustafa Kafalı'dan acı haber! Mustafa Kafalı kimdir, kaç yaşında, neden öldü?". www.milliyet.com.tr. 29 yanvar 2020 tarixində arxivləşdirilib.

[1]

[2]

[3]

[4]

[5]