Mutay Ulbaşov
| Mutay Ulbaşov | |
|---|---|
| qaraç.-balk. Улбашланы Исмаилны жашы Мутай | |
 | |
| Doğum tarixi | |
| Doğum yeri | Şaurdat, Çerek rayonu, KBMSSR |
| Vəfat tarixi | (82 yaşında) |
| Vəfat yeri | Nalçik, Kabarda-Balkariya |
| Vətəndaşlığı |
 SSRİ  Rusiya |
| Milliyyəti | balkar |
| Fəaliyyəti | baletmeyster, xoreoqraf, rəqqas |
| Mükafatları |
 |
Mutay Ulbaşov ( qaraç.-balk. Улбашланы Исмаилны жашы Мутай; 1 yanvar 1923-cü il Şaurdat, Çerek rayonu, KBMSSR - 9 dekabr 2005, Nalçik, Kabarda-Balkariya ) — rəqqas, baletmeyster, xoreoqraf. Kabarda-Balkarya Muxtar Sovet Sosialist Respublikasının əməkdar artisti, RSFSR xalq artisti, Çeçen-İnquş Muxtar Sovet Sosialist Respublikasının xalq artisti, "Kabardinka və "Assa" rəqs ansambllarının rəhbəri[1].
Həyatı[redaktə | mənbəni redaktə et]
Ulbaşov Mutay İsmayıl oğlu 1 yanvar 1923-cü ildə Şaurdat kəndində anadan olub. Milliyyətcə balkardır. 1933-cü ildə orta məktəbi bitirdikdən sonra Nalçikdə yerləşən Kabardino-Balkariya ansamblında rəqqas kimi fəaliyyətə başlayır. 1942-ci ilin iyul ayında 1943-cü ilin iyul ayına qədər Sovet ordusundan xidmət edib. Xidmətdən geri döndükdən sonra ansamblda fəaliyyətini bərpa edir. 1944-cü ilin mart ayında Qırğızıstan Sovet Sosialist Respublikasının Bişkek (o dövrdə Frunze) şəhərinə sürgün edilib. Bura gəldikdən sonra Qırğız filarmoniyasının rəqqas solisti olur. 1948-ci ilin iyul ayında filarmoniyadan uzaqlaşdırılaraq Bişkekdə yerləşən ayaqqabı fabrikində işə başlayır. Əvvəlcə işə şəyird kimi başlasa da 1953-cü ildən etibarən burada istehsalat təliminin təlimçisi kimi davam edir. 1957-ci ildə balkarların bəraət qazanıb geri qaytarılmalarından sonra Kabardino-Balkariya Dövlət musiqi və rəqs ansamblında solist kimi fəaliyyət göstərməyə başlayır. 1961-ci ildə ansamblın baletmeysteri, 1965-ci ildə isə "Kabardinka" ansamblının quruluşçu baletmeysteri təyin edilir. 1968-ci ildən etibarən isə KBMSSR-nın Mədəniyyət Nazirliyi tərəfindən "Kabardinka" ansamblının baş baletmeysteri və bədii rəhbəri təyin edilir. 1988-ci ildə yaradılmış Balkariya etno folklor ansamblının bədii rəhbəri olur və ömrünün sonuna qədər də burada fəaliyyət göstərir.[2]
Mükafatları[redaktə | mənbəni redaktə et]
- Kabarda-Balkariya Respublikasının dövlət mükafatı laureatı.
- Kabarda-Balkariya Respublikasının Ali Rəyasət Heyətinin Fəxri fərmanını alıb.
- RSFSR xalq artisti.
- Kabarda-Balkarya Muxtar Sovet Sosialist Respublikasının əməkdar artisti.
- Çeçen-İnquş Muxtar Sovet Sosialist Respublikasının xalq artist.
Ailəsi[redaktə | mənbəni redaktə et]
Emiliya (Zara) Yefimova (1923 - ?) - həyat yoldaşı, milliyətcə osetindir.
Vadim (1944) - oğlu
Mədinə - qızı
İqor (1950) - oğlu
İstinadlar[redaktə | mənbəni redaktə et]
- ↑ "Ульбашев Мутай Исмаилович" (rus). peoples.ru. 1 aprel 2013 tarixində arxivləşdirilib. İstifadə tarixi: 24 yanvar 2021.
- ↑ "Ульбашев Мутай Исмаилович" (rus). 2021-01-24 tarixində arxivləşdirilib. İstifadə tarixi: 24 yanvar 2021.