Muxtar Babayev

Muxtar Babayev
Muxtar Babayev
Azərbaycan Respublikası Prezidentinin iqlim məsələləri üzrə nümayəndəsi
	Vəzifədədir
	5 fevral 2025-ci ildən
Azərbaycan Respublikasının ekologiya və təbii sərvətlər naziri
	23 aprel 2018 – 5 fevral 2025
	(i. e. 14–16 fevral 2024)
Əvvəlki	Hüseynqulu Bağırov
Azərbaycan Alpinizm Federasiyasının prezidenti
	Vəzifədədir
	9 sentyabr 2022-ci ildən
Əvvəlki	Nizami Mursaqulov
Azərbaycan Respublikasının Milli Məclisi IV və V çağırış deputatı
	2010 – 23 aprel 2018
Seçki dairəsi	2010, 2015 — 43 saylı Sumqayıt üçüncü
Əvvəlki	Nizami İsgəndərov
Sonrakı	Emin Hacıyev
Şəxsi məlumatlar
Doğum tarixi	16 oktyabr 1967 (57 yaş)
Doğum yeri	Bakı, Azərbaycan SSR, SSRİ;
Partiya	Yeni Azərbaycan Partiyası;
Təhsili	Moskva Dövlət Universiteti;
Fəaliyyəti	nazir, siyasətçi
Təltifləri
	Vikianbarda əlaqəli mediafayllar

Muxtar Bahadur oğlu Babayev (16 oktyabr 1967, Bakı) — Azərbaycan Respublikası Prezidentinin iqlim məsələləri üzrə nümayəndəsi (2025-ci ildən), 2018–2025-ci illərdə Azərbaycan Respublikasının ekologiya və təbii sərvətlər naziri,^[1] Azərbaycan Respublikasının Milli Məclisi IV və V çağırış deputatı, Azərbaycan Alpinizm Federasiyasının^[2] və COP29-un prezidenti.

Həyatı

Muxtar Bahadur oğlu Babayev 1967-ci il, 16 oktyabr tarixində Bakı şəhərində anadan olub. 1984-cü ildə Bakı şəhərində orta məktəbi bitirmişdir.

1986–1988-ci illərdə hərbi xidmətdə olub. 1991-ci ildə Moskva Dövlət Universitetinin fəlsəfə fakültəsinin politologiya ixtisasını bitirib. 1994-cü ildə Azərbaycan Dövlət İqtisad Universitetinin Xarici iqtisadi əlaqələr ixtisasını bitirib.

2000-ci ildə Ümum-Rusiya Xarici Ticarət Akademiyasının "Dünya iqtisadiyyatı" ixtisasını bitirib.^[1]

1991–1992-ci illərdə Azərbaycan Respublikası Dövlət İqtisadiyyat və Planlaşdırma Komitəsində çalışıb.

İctimai-siyasi fəaliyyəti

1992–1993-cü illərdə Azərbaycan Respublikası Xarici İqtisadi Əlaqələr Nazirliyində işləyib. 1994–2003-cü illərdə SOCAR-ın Xarici İqtisadi Əlaqələr İdarəsində, 2003–2007-ci illərdə SOCAR-ın Marketinq və İqtisadi Əməliyyatlar İdarəsində çalışıb. 2007–2010-cu illərdə SOCAR-ın Ekologiya üzrə vitse-prezident vəzifəsində işləyib. 2010–2018-ci illərdə SOCAR-ın "Azərikimya" İstehsalat Birliyinin Müşahidə Şurasının sədri vəzifəsində çalışıb.

2010 və 2015-ci illərdə Azərbaycan Respublikasının Milli Məclisi IV və V çağırış deputatı seçilib. 7 dekabr 2010-cu ildə Milli Məclisin Təbii ehtiyatlar, energetika və ekologiya komitəsinin üzvü seçilmişdir.^[1]

2018-ci ilin aprelin 23-dən Azərbaycan Respublikasının ekologiya və təbii sərvətlər naziridir.^[1]5 fevral 2025-ci tarixli Prezidentin sərəncamı ilə bu vəzifədən azad edilmişdir.^[3] Prezidentin digər sərəncamı ilə Azərbaycan Respublikası Prezidentinin iqlim məsələləri üzrə nümayəndəsi təyin edilib.^[4]

Yeni Azərbaycan Partiyasının üzvüdür.

2024-cü ilin yanvarın 7-də Azərbaycan Respublikası Prezidenti İlham Əliyevin sərəncamı ilə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının Prezidenti təyin olunub.^[5]

Mükafatları

19 sentyabr, 2012 — "Tərəqqi" medalı^[6].
7 noyabr, 2017 — "Şöhrət" ordeni^[7].

İstinadlar

↑ ¹ ² ³ ⁴ Muxtar Babayev — Azərbaycan Respublikasının Ekologiya və Təbii Sərvətlər nazirliyinin rəsmi veb saytı — 20 oktyabr, 2019-cu ildə arxivləşdirilib.
↑ "Muxtar Babayev: "Futboldakı təcrübəmi alpinizmdə tətbiq edəcəyəm"". 2023-06-29 tarixində arxivləşdirilib. İstifadə tarixi: 2022-10-18.
↑ M.B.Babayevin Azərbaycan Respublikasının ekologiya və təbii sərvətlər naziri vəzifəsindən azad edilməsi haqqında Azərbaycan Respublikası Prezidentinin Sərəncamı. İstifadə tarixi: 06.02.2025
↑ M.B.Babayevin Azərbaycan Respublikası Prezidentinin iqlim məsələləri üzrə nümayəndəsi təyin edilməsi haqqında Azərbaycan Respublikası Prezidentinin Sərəncamı. İstifadə tarixi: 06.02.2025
↑ "M.B.Babayevin Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının Prezidenti müəyyən edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-01-07 tarixində arxivləşdirilib. İstifadə tarixi: 2024-01-07.
↑ "Azərbaycan Respublikasının neft sənayesi işçilərinin təltif edilməsi haqqında" Azərbaycan Respublikası Prezidentinin 19 sentyabr 2012-ci il tarixli 672 nömrəli Sərəncamı. — 3 aprel, 2018-ci ildə arxivləşdirilib.
↑ "Azərbaycan Respublikasının neft sənayesi işçilərinin təltif edilməsi haqqında" Azərbaycan Respublikası Prezidentinin 7 noyabr, 2017-ci il tarixli 3367 nömrəli Sərəncamı 13 oktyabr, 2018-ci ildə arxivləşdirilib.

Xarici keçidlər

[:0-1] ¹ ² ³ ⁴ Muxtar Babayev — Azərbaycan Respublikasının Ekologiya və Təbii Sərvətlər nazirliyinin rəsmi veb saytı — 20 oktyabr, 2019-cu ildə arxivləşdirilib.

[2] "Muxtar Babayev: "Futboldakı təcrübəmi alpinizmdə tətbiq edəcəyəm"". 2023-06-29 tarixində arxivləşdirilib. İstifadə tarixi: 2022-10-18.

[3] M.B.Babayevin Azərbaycan Respublikasının ekologiya və təbii sərvətlər naziri vəzifəsindən azad edilməsi haqqında Azərbaycan Respublikası Prezidentinin Sərəncamı. İstifadə tarixi: 06.02.2025

[4] M.B.Babayevin Azərbaycan Respublikası Prezidentinin iqlim məsələləri üzrə nümayəndəsi təyin edilməsi haqqında Azərbaycan Respublikası Prezidentinin Sərəncamı. İstifadə tarixi: 06.02.2025

[5] "M.B.Babayevin Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının Prezidenti müəyyən edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-01-07 tarixində arxivləşdirilib. İstifadə tarixi: 2024-01-07.

[6] "Azərbaycan Respublikasının neft sənayesi işçilərinin təltif edilməsi haqqında" Azərbaycan Respublikası Prezidentinin 19 sentyabr 2012-ci il tarixli 672 nömrəli Sərəncamı. — 3 aprel, 2018-ci ildə arxivləşdirilib.

[7] "Azərbaycan Respublikasının neft sənayesi işçilərinin təltif edilməsi haqqında" Azərbaycan Respublikası Prezidentinin 7 noyabr, 2017-ci il tarixli 3367 nömrəli Sərəncamı 13 oktyabr, 2018-ci ildə arxivləşdirilib.

[1]

[2]

[3]

[4]

[5]

[6]

[7]