Myxini

Vikipediya, azad ensiklopediya
Naviqasiyaya keçin Axtarışa keçin
Myxini
Elmi təsnifat
Ranqsız:
Ranqsız:
Ranqsız:
Ranqsız:
Ranqsız:
Aləm:
Yarımaləm:
Tipüstü:
Yarımtip:
İnfratip:
Sinifüstü:
Sinif:
Myxini
Beynəlxalq elmi adı

Myxini (lat. Myxini) — heyvanlar aləminin xordalılar tipinə aid heyvan sinfi.

Ümumi xarakteristika[redaktə | mənbəni redaktə et]

Miksinlər sinfinin nümayəndələri dünya okeanının tropik və subtropik sularında, 100–500 m dərinliklərdə yaşayır. Bədənlərinin uzunluğu 45–75 sm-ə çatan bu canlıların baş hissəsinin sonunda tək sayda burun dəlikləri yerləşir. Ağız və burun dəlikləri 6–8 ədəd ətli bığcıqlarla örtülür. Qəlsəmə skeleti az sayda qığırdaq lövhəciklərdən ibarətdir. Qan-damar sistemi açıq tiplidir. Əsas və 3 ədəd köməkçi ürək sistemi mövcuddur. Köməkçi ürəklər miksinlərin baş, qaraciyər və quyruq hissələrində yerləşir. Miksinlərin gözləri dəri ilə örtülmüşdür. Gözlər primitiv olduğundan yaxşı görmürlər.

Həyat tərzi[redaktə | mənbəni redaktə et]

Miksinlər gecə heyvanlarıdır. Onlar gündüzlər torpağa nüfuz edib yalnız başın bir hissəsini çöldə saxlayır, ova yalnız axşamlar çıxır, xəstə və zəif balıqlar, leş ilə qidalanırlar. Şikar müqavimət göstərdikdə miksinlər onların qəlsəmə qapaqlarına selik ifraz edir. Nəticədə qəlsəmələr fəaliyyətin itirir, balıqlar boğularaq məhv olur.

Çoxalması[redaktə | mənbəni redaktə et]

Miksinlərin çoxalma prosesi maraqlıdır. Yüz ədəd dişi fərdə yalnız bir ədəd erkək fərd düşür. Digər əksər növlər hermofroditlərə aiddir. Çoxalma dövrü miksinlər sahildən uzaqlaşarır, hər bir dişi fərd 12–30 iri (20 mm) ovalşəkilli yumurta qoyur. Miksinlər xarici mayalanma tipinə aiddir. Çoxalma dövrü qida qəbul etmirlər. Buynuz kapsullarını tərk edən miksin sürfələri qısa müddərdən sonra valideynlərinə bənzəyir.

Əhəmiyyəti[redaktə | mənbəni redaktə et]

Miksinlər balıqçılığz ciddi ziyan vurur. Onların həyat qabiliyyəti çox yüksəkdir. Belə ki onlar uzun müddət susuz, qidasız qala bilir, ciddi zədə aldıqda belə yaşayırlar.

Bir dəstə, bir cinsə aid 30-a yaxın növ təsvir edilmişdir. Miksinlərə Azərbaycan faunasında rast gəlinmir.

İstinadlar[redaktə | mənbəni redaktə et]

Həmçinin bax[redaktə | mənbəni redaktə et]