Nüşabə Əlizadə

Vikipediya, azad ensiklopediya
Jump to navigation Jump to search
Nüşabə Əlizadə
Əlizadə Nüşabə Məmməd Mübariz qızı
Doğum tarixi 27 aprel 1943 (1943-04-27) (76 yaş)
Doğum yeri Bakı
Vətəndaşlığı Azərbaycan Azərbaycan

Əlizadə Nüşabə Məmməd Mübariz qızı

Həyatı[redaktə | əsas redaktə]

Əlizadə Nüşabə Məmməd Mübariz qızı 27 aprel 1943-cü ildə Bakı şəhərində anadan olmuşdur[1]. 1950-ci ildə indi H.Cavid adına olan 132 №-li orta məktəbə getmiş, 1960-cı ildə həmin məktəbi bitirmişdir.

1960-cı ildə BDU-nun Şərqşünaslıq fakültəsi fars filologiyası şöbəsinə daxil olmuş, 1965-ci ildə həmin fakültəni fərqlənmə diplomu ilə bitirmişdir.

1965-ci ildə AMEA akad. Z.Bünyadov adına Şərqşünaslıq İnstitu İran filologiyası şöbəsinin əyani aspiranturasına daxil olmuş, 1969-cu ildə aspirantura təhsilini tamamlamışdır. 1970-ci ildən AMEA akad. Z.Bünyadov adına Şərqşünaslıq institutu İran filologiyası şöbəsində baş laborant, kiçik elmi işçi, baş elmi işçi vəzifələrində çalışmışdır. Hal-hazırda həmin institutda böyük elmi işçi vəzifəsində işləyir.

1973-cü ildə filologiya üzrə fəlsəfə elmləri doktoru elmi dərəcəsini almışdır.

N.M.M.Əlizadə 1993-cü ildən BDU-nun Şərqşünqslıq fakültəsi İran filologiyası kafedrasının dosenti vəzifəsində çalışır.

Onun “Bozorg Ələvinin nəsri” adlı monoqrafiyası, “Sədi Şirazinin “Gülüstan” əsərinin tədrisi” adlı metodik vəsaiti, bakalavr təhsili üçün “Fars ədəbiyyat” proqramları (prof. Məmməd Mübariz Əlizadənin həmmüəllifliyi ilə) nəşr olunmuşdur. N.Əlizadə fars ədəbiyyatına aid 60-a qədər elmi məqalənin müəllifidir. Bu elmi əsərlər müasir fars nəsri və nəzminin aktual məsələlərinin tədqiqinə həsr edilmişdir.

N.Əlizadə 2003-cü ildə “XX əsr Azərbaycan-İran ədəbi əlaqələrində poetik bədii tərcümələr” adlı elmi işini doktorluq mövzusu kimi təsdiq etdirmiş və həmin mövzu ilə bağlı araşdırmalarının nəticələrini müxtəlif elmi məcmuələrdə çap etdirmişdir. O, dəfələrlə Bakıda, İranda keçirilən beynəlxalq elmi konfransların iştirakçısı olmuş, elmi məruzələrlə çıxış etmiş, elmi diskussiyalarda öz mövqeyini bildirmişdir.

N.M.M.Əlizadə AMEA akademik Z.Bünyadov adına Şərqşünaslıq İnstitutu nəzdində İxtisaslaşdırılmış Müdafiə Şurası Elmi Seminarının üzvüdür.

ASDP yarandığı vaxtdan partiyanın üzvüdür.

Partiyanın 2012-ci ildə keçirilmiş XII qurultayında ASDP sədrinin müavini, ASDP Mərkəzi Komitəsinin üzvü, ASDP-nin tərkibində fəaliyyət göstərən “Qadın Sosial-Demokrat Təşkilatı”nın sədri seçilmişdir. ASDP MK Bürosunun üzvüdür.

Ailəlidir.

Həmçinin bax[redaktə | əsas redaktə]

Məmməd Mübariz Əlizadənin qızı, Araz ƏlizadəninZərdüşt Əlizadənin bacısıdır.

İstinadlar[redaktə | əsas redaktə]