Nüsrət Məmmədov

Vikipediya, azad ensiklopediya
Naviqasiyaya keç Axtarışa keç
Nüsrət Məmmədov
Nüsrət Məmmədov 1979-cu ildə
Nüsrət Məmmədov 1979-cu ildə
Doğum tarixi 19 dekabr 1927(1927-12-19)
Doğum yeri
Vəfat tarixi 25 oktyabr 2016(2016-10-25) (89 yaşında)
Vəfat yeri
Fəaliyyəti traktorçu[d]
Partiyası
Mükafatları Sosialist Əməyi Qəhrəmanı
"Lenin" ordeni "Xalqlar dostluğu" ordeni "Vladimir İliç Leninin anadan olmasının 100 illiyi münasibətilə" yubiley medalı

Nüsrət Xudu oğlu Məmmədov (19 dekabr 1927, Privolnoye, Lənkəran qəzası – 25 oktyabr 2016, Privolnoye, Cəlilabad rayonu) — Azərbaycan-sovet taxılçısı, Sosialist Əməyi Qəhrəmanı (1966).

Həyatı

[redaktə | mənbəni redaktə et]

Nüsrət Xudu oğlu Məmmədov 1927-ci il dekabrın 19-da Lənkəran qəzasının (hazırda Cəlilabad rayonunun) Privolnoye kəndində anadan olmuşdur.[1]

1940–1954-cü illərdə çoban, traktorçu, 1954-cü ildən Astraxanbazar rayonunun "Qırmızı partizan" kolxozunun traktor briqadasının briqadiri olmuşdur. 1970-ci ildən kəmin kolxozun şöbə müdiri, aqronomu, 1978-ci ildən isə yenidən traktor briqadasının briqadiri olmuşdur.[2] Yüksək taxıl məhsulu əldə edilməsində yeddiillik planın tapşırıqlarını yerinə yetirməkdə fərqlənmişdir. 1973–1980-ci illərdə Ümumittifaq Sosialist Yarışının qalibi olmuşdur.

SSRİ Ali Soveti Rəyasət Heyətinin 23 iyun 1966-cı il tarixli Fərmanı ilə taxıl məhsuldarlığının artırılması və istehsalının artırılması sahəsində qazandığı uğurlara görə Məmmədov Nüsrət Xudi oğlu "Lenin" ordeni və "Oraq və çəkic" qızıl medalı təqdim edilməklə "Sosialist Əməyi Qəhrəmanı" adına layiq görülmüşdür. 3 may 1980-ci ildə "Xalqlar dostluğu" ordeni ilə təltif edilmişdir.[2]

Nüsrət Məmmədov Azərbaycanın ictimai həyatında fəal iştirak etmişdir. O, 1957-ci ildən Sov.İKP üzvü olmuş, 6-cı çağırış SSRİ Ali Sovetinin (1962–1966) deputatı, Azərbaycan Kommunist Partiyası Cəlilabad Rayon Komitəsi bürosunun üzvü olmuş, rayon sovetinin deputatı seçilmişdir.[1][2]

2002-ci ildən Azərbaycan Respublikası Prezidentinin fərdi təqaüdçüsü idi.[3]

Nüsrət Məmmədov 2016-cı il oktyabrın 25-də Privolnoye kəndində vəfat etmişdir. Sərdar Əliyevin "Muğam qəhrəmanı" kitabı (1973) Nüsrət Məmmədova həsr edilmişdir.[2]

İstinadlar

[redaktə | mənbəni redaktə et]
  1. ↑ 1 2 Мәммәдов Нүсрәт Худу оғлу // Азәрбајҹан Совет Енсиклопедијасы: [10 ҹилддә]. VI ҹилд: Куба—Мисир. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1982. С. 503.
  2. ↑ 1 2 3 4 Мамедов Нусрат Худи оглы // Герои страны (rus). 2022-10-03 tarixində arxivləşdirilib. İstifadə tarixi: 3 oktyabr 2022.
  3. ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". 11 iyun 2002. 2022-09-07 tarixində arxivləşdirilib. İstifadə tarixi: 3 oktyabr 2022.
Mənbə — "https://az.wikipedia.org/w/index.php?title=Nüsrət_Məmmədov&oldid=6972524"