Nəcəf Talıbov

Vikipediya, azad ensiklopediya
Jump to navigation Jump to search
Nəcəf Talıbov
Nəcəf Musa oğlu Talıbov
Doğum tarixi 16 dekabr 1956 (1956-12-16) (62 yaş)
Doğum yeri Qazax, Azərbaycan
Təhsili Azərbaycan Xalq Təsərrüfatı İnstitutu
Fəaliyyəti iqtisadçı

Nəcəf Talıbov (Nəcəf Musa oğlu Talıbov) - Azərbaycan Respublikası Auditorlar Palatası sədrinin elmi-metodik məsələlər üzrə müşaviri, Azərbaycan Respublikasının “Fəxri auditor”u. 1999-cu ildən Azərbaycan Respublikası Auditorlar Palatasının, 2000-ci ildən Beynəlxalq Daxili Auditorlar İnstitutunun (İİA) üzvü, “Tərəqqi” medallı.[1]

Həyatı[redaktə | əsas redaktə]

Nəcəf Talıbov 1956-cı il dekabrın 16-da Qazax şəhərində anadan olmuşdur. Əslən rayonun Ağköynək kəndindəndir. 1974-cü ildə Qazax şəhəri 1 nömrəli orta məktəbi bitirmişdir. 1978-ci ildə Azərbaycan Xalq Təsərrüfatı İnstitutunu fərqlənmə diplomu ilə bitirmişdir. İnstitutu bitirdikdən sonra 1978-1980-ci illərdə hərbi xidmət etmişdir. 1990-1994-cü illərdə Qazax rayonunun müdafiəsində hərbi əməliyyatlarda iştirak etmişdir. [1]

Fəaliyyəti[redaktə | əsas redaktə]

Xalq təsərrüfatının müxtəlif sahələrində baş mühasib və dövlət idarəetmə orqanlarında məsul vəzifələrdə çalışmışdır (1980-1999).

1999-cu ildən Azərbaycan Respublikası Auditorlar Palatasının, 2000-ci ildən Beynəlxalq Daxili Auditorlar İnstitutunun (İİA) üzvüdür.

2005-ci ildən Azərbaycan Respublikası Auditorlar Palatası sədrinin elmi-metodik məsələlər üzrə müşaviri vəzifəsində çalışır.

Auditorlar Palatası və bir sıra xarici ölkələrdə təşkil edilmiş seminarlarda, simpoziumlarda, konfranslarda iştirak etmiş və 20-dən çox sertifikatlar əldə etmişdir. Auditin aparılması və tənzimlənməsinə dair 50-dən çox sahəvi proqramın, metodik göstərişin, təlimat və qaydanın müəllifidir. «Audit» (2011), «Daxili audit» dərsliklərinin, 10-dan çox nəşrin həmmüəllifi və tərtibçisidir.

29 dekabr 2010-cu ildə Azərbaycan Respublikasının “Fəxri auditor”u adına layiq görülmüşdür.

"Peşəkar mühasiblərin, maliyyə menecerlərinin və iqtisadçıların Milli İnstitu"nun (Rusiya Federasiyası) «За вклад в развитие НИПБ» (19 avqust 2011), "Заслуженный бухгалтер" (4 aprel 2016) medalları ilə təltif edilmişdir.

2016-cı il aprelin 4-də ölkənin auditor sisteminin inkişafındakı xidmətlərinə görə “Tərəqqi” medalı ilə təltif edilmişdir.

Ailəsi[redaktə | əsas redaktə]

Ağköynək kəndinin Talıbovlar soyundandır. Ulu babası Talıb Qaçaq Kərəmin babası (ata babası) Molla Zalın qardaşıdır.

Ailəlidir. İki övladı var.

İstinadlar[redaktə | əsas redaktə]

[1]

  1. 1 2 3 . [1] Azərbaycan Respublikası Auditorlar Palatası  (azərb.)