Nərgiz Həsənova

Vikipediya, açıq ensiklopediya
Keçid et: naviqasiya, axtar
Nərgiz Həsənova
Nərgiz Kərim qızı Həsənova
 
Partiya: Azərbaycan Kommunist Partiyası
Təhsili: Ali
Doğum tarixi: 1948(1948-Şablondakı doğum və ya ölüm tarixində texniki yanlışlıq var!-00)
Doğum yeri: Xankəndi, Flag of the Azerbaijan Soviet Socialist Republic.svg Azərbaycan SSR
Vəfat tarixi: 18 iyul 2003(2003-07-18)
Vəfat yeri: Bakı, Azərbaycan
Atası: Kərim Həsənov
Anası: Teyhu Həsənova
Həyat yoldaşı: Telman Həsənov
Uşaqları: 5 uşaq (3 oğul, 2 qız)
 
Təltifləri:

"Lenin" ordeni "Qırmızı Əmək Bayrağı" ordeni (SSRİ) "Oktyabr İnqilabı" ordeni

Həsənova Nərgiz Kərim qızı — pedaqoq.

Həyatı[redaktə | əsas redaktə]

Nərgiz Həsənova 1948-ci ildə Xankəndi şəhərinin Kərkicahan qəsəbəsində ziyalı ailəsində anadan olmuşdur. Atası Həsənov Kərim Böyük Vətən Müharibəsi iştirakçısı, briqadir, anası Teyhu Həsənova isə kolxozçu olub. Qarabağın məşhur Cavanşirlər sülaləsindəndir. 1963-cü ildə məktəbi bitirib. 1969-cu ildə Telman Həsənovla ailə qurur.

Karyerası[redaktə | əsas redaktə]

O 1970-1980-ci illərdə Kərkicahan orta məktəbində ibtidai siniflərə, 1981-ci ildən isə həm Xankəndi şəhəri 4 saylı tam təmayüllü orta məktəbində orta siniflərə, həm də Xankəndi Pedoqoji Universitetində Azərbaycan ədəbiyyatı üzrə dərs deyir. 1970-ci ildə Xankəndi şəhər Xalq Deputatları Soveti deputatı seçilir və şəhərin ən gənc deputatı olur. 1991 ildə o öz istəyi ilə partiya sıralarını tərk edir. 1996-1999-cu illərdə 1933-cü ildən Xankəndi şəhərində nəşr olunan "Qarabağ ədəbiyyatı" qəzetinin baş redaktor vəzifəsində çalışıb. Həmçinin o 3 elmi kitabın, 5 siyasi kitabın, qəzet və jurnallarda ümumi 194 məqalənin müəllifidir.

Azərbaycan Respublikası dönəmində[redaktə | əsas redaktə]

1991-ci ilin sentyabrında həyat yoldaşını, sonrada isə bir çox qohumlarını müharibə səbəbindən itirir. Həsənova Nərgiz 1991-ci ilin dekabrında Kərkicahanda, 1992-ci ilin fevralında Xocalıda baş verən soyqırımların canlı şahidi olub. Müharibə zamanı III qrup Qarabağ əlili olur. Sonralar da Bakıda, Qaxda, Şuşada, Ağdamda, Gəncədə ibtidai siniflərə dərs deməyə başlayır.

Nərgiz Həsənova 2003-cü ildə Bakı şəhərində dünyasını dəyişib. Məzarı Pirşağı Qaçqın Qəbiristanlığındadır.

Mükafatları[redaktə | əsas redaktə]

  • Oktyabr İnqilabı ordeni (1977)
  • Lenin ordeni (1979) (Leonid Brejnev ordeni ona şəxsək təqdim edib)
  • "Qırmızı Əmək Bayrağı" Ordeni (1986)
  • "Arxa cəbhədə fədakar əməyə görə" Qızıl Medalı (1993)
  • Azərbaycan Respublikası Əməkdar Müəllimi fəxri adı (2002)