Nəriman Nağıyev (inşaatçı-mühəndis)

Vikipediya, azad ensiklopediya
Jump to navigation Jump to search
Nəriman Nağıyev
Nəriman Talıb oğlu Nağıyev
Neriman Nagiyev.jpg
“Azvirt” MMC-nin Texniki İqtisadiyyat şöbəsinin rəisi
Şəxsi məlumatlar
Təhsili Azərbaycan İnşaat Mühəndisləri İnstitutu
İxtisası Yol inşaatı üzrə
mühəndis
Doğum tarixi (53 yaş)
Doğum yeri SSRİ SSRİ
Qərbi Azərbaycan
Göyçə mahalı
Vardenis rayonu
Qoşabulaq kəndi
Vətəndaşlığı Azərbaycan Azərbaycan

Təltifləri "Tərəqqi" medalı

Nağıyev Nəriman Talıb oğlu — “Azvirt” MMC-nin Texniki İqtisadiyyat şöbəsinin rəisi[1] "Tərəqqi" medalı (2015)

Həyatı[redaktə | əsas redaktə]

Nağıyev Nəriman Talıb oğlu 16 dekabr 1967-ci ildə Qərbi Azərbaycanın Vardenis rayonunun (Göyçə mahalı) Qoşabulaq kəndində anadan olmuşdur. 1975-ci ildə Qoşabulaq kənd orta məktəbinin 1-ci sinfinə getmiş və 1985-ci ildə orta məktəbi əla qiymətlərlə bitirmişdir. Həmin il Azərbaycan İnşaat Mühəndisləri İnstitutunun yol inşaatı fakültəsinə daxil olmuşdur. İnstitutun birinci kursunu bitirdikdən sonra 1986-1988-ci illərdə Sovet ordusu sıralarında hərbi qulluqda olmuşdur. Ordudan tərxis olunduqdan sonra təhsilini davam etdirmiş və 1992-ci ildə Azərbaycan İnşaat Mühəndisləri İnstitutunun yol inşaatı fakültəsini fərqlənmə diplomu ilə bitirərək avtomobil yollarının tikintisi üzrə inşaatçı-mühəndis ixtisasına yiyələnmişdir.

1992-ci ildə təyinatla «Azəravtoyol» Dövlət Şirkəti Elm-İstehsalat Mərkəzində mühəndis, 1992-1999-cu illərdə Bakı şəhər İcra Hakimiyyətinin «Yoltəmirtikinti» Baş İstehsalat İdarəsində aparıcı mühəndis, 1999-2000-ci illərdə Filizsiz Materiallar İstehsalı üzrə Təsərrüfat Hesablı İdarədə sahə rəisi, 2000-2002-ci illərdə «Yoltəmirtikinti» Baş İstehsalat İdarəsində «Keyfiyyətə Nəzarət və Ehtiyatların Səmərəli İstifadəsi» şöbəsinin rəisi vəzifəsində çalışmışdır.

2002-2004-cü illərdə «Bakı Yol Tikinti-1» ATSC-də texniki-istehsalat şöbəsinin rəisi vəzifəsində işləmişdir. 2004-cü ilin fevral ayının 2-dən indiyədək «AzVirt» Məhdud Məsuliyyətli Cəmiyyətdə Texniki İqtisadiyyat şöbəsinin rəisi vəzifəsində işləyir.

N. Nağıyev 6 elmi məqalənin, 5 ixtiranın və 4 patentin həmmüəlliflərindən biridir.

Tikintisində iştirak elədiyi obyektlər[redaktə | əsas redaktə]

Nəriman Nağıyev bir çox layihələrin, o cümlədən, Şəmkir-Qazax avtomobil yolunun yenidənqurulması, Böyük Şor dairəsi - Heydər Əliyev Beynəlxalq Hava Limanı Avtomobil Yolunun Yenidənqurulması, Heydər Əliyev Beynəlxalq Hava Limanı - Bilgəh qəsəbəsi avtomobil yolunun yenidənqurulması, Bilgəh - Novxanı - Sumqayıt avtomobil yolunun tikintisi (km0,00÷42,00), Bakı - Ələt avtomobil yolunun km2 ÷6 hissəsinə (Dövlət Bayrağı Meydanına gedən yol) bağlantı yollarının əsaslı təmiri, Qəbələ-Ağdaş avtomobil yolunun (0÷22 km) tikintisi, Buzovna - Mərdəkan - Qala avtomobil yolunun yenidənqurulması, Nobel prospektinə paralel dənizkənarı 8 hərəkət zolaqlı yeni avtomobil yolunun tikintisi, Həsən Əliyev küçəsindən Ziya Bünyadov prospektinə paralel olaraq Koroğlu metro stansiyasına qədər yeni avtomobil yolunun tikintisi, Ağ şəhər layihəsi çərçivəsində avtomobil yollarının tikintisi, Qala - Pirallahı avtomobil yolunun yenidənqurulması, Xızı - Altıağac avtomobil yolunun yenidənqurulması, Mingəcevir - Mingəçevir Stansiyası yolunun yenidənqurulması, habelə Heydər Əliyev Beynəlxalq Aeroportunda, Gəncə, Lənkəran, Zaqatala, Qəbələ, Yevlax Hava Limanlarında yeni uçuş-enmə zolaqlarının tikintisi və yenidənqurma işləri, Heydər Əliyev Beynəlxalq Hava Limanında Yeni Aerovağzal Kompleksinin və Hava Nəqliyyatına Nəzarət Qülləsinin tikintisi, Mövcud Aerovağzal Terminalının yenidənqurulması, 2016-cı ildə Bakı şəhərində "Formula-1 Avropa Qran Pri" yarışlarının keçirilməsi üçün təmir işləri və digər çoxlu sayda layihələrin yerinə yetirilməsində böyük əməyi olmuşdur.

Mükafatları[redaktə | əsas redaktə]

Nəriman Nağıyev Azərbaycan Respublikası Prezidentinin 09.04.2015-ci il tarixli Sərəncamı ilə “İnşaatçılar Günü” peşə bayramı ilə əlaqədar olaraq, Azərbaycan Respublikasında tikinti kompleksinin inkişafındakı xidmətlərinə görə “Tərəqqi” medalı ilə təltif edilmişdir.[2].

Ailəsi[redaktə | əsas redaktə]

Ailəlidir, 2 qızı, 2 oğlu var. Böyük qızı Nağıyeva Nurlanə Azərbaycan Dillər Universitetində, kiçik qızı Nağıyeva Nuridə Bakı Dövlət Universitetinin hüquq fakültəsində, oğlu Fərid Azərbaycan Dövlət Neft və Sənaye Universitetində təhsil alır. Oğlu Fəxri orta məktəbdə oxuyur.

İstinadlar[redaktə | əsas redaktə]

  1. Azərbaycan Tikinti Kompleksinin Ensiklopediyası (ATKE) kitabı, VI cild, səhifə: 167-170.
  2. "Azərbaycan Respublikasında İnşaat işçilərinin "Tərəqqi" medalı ilə təltif edilməsi haqqında Azərbaycan Respublikası Prezidentinin 09 aprel 2015-ci il tarixli, 1167 nömrəli Sərəncamı". e-qanun.az (azərb.). 09 aprel 2015. İstifadə tarixi: 03 oktyabr 2017.