Nəriman bəy Axundov

Vikipediya, açıq ensiklopediya
Jump to navigation Jump to search
Nəriman bəy Axundov
Doğum tarixi 1896(1896-Şablondakı doğum və ya ölüm tarixində texniki yanlışlıq var!-00)
Doğum yeri Seyidli, Şuşa qəzası
Vəfat tarixi 16 sentyabr 1937(1937-09-16)
Peşəsi pedaqoq
Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Nəriman bəy Aslan bəy oğlu Axundov (1896-1937) — maarif xadimi, müəllim.Ağdamda gizli fəaliyyət göstərən Musavat partiyasının üzvü

Həyatı[redaktə | əsas redaktə]

Nəriman bəy Axundov 1896-cı ildə anadan olmuşdur. O, Seyidlinin Axundovlar nəslindəndir. Onun atasının adı Aslan bəy, anasının adı Badisəbadır.

Nəriman bəy Axundov ilk təhsilini Ağdam şəhər məktəbində (indiki Ağdam şəhər 1 nömrəli orta məktəb) almışdır. Qazax Müəllimlər Seminariyasında oxumuşdur.

Nəriman bəy Axundov Sovet hakimiyyəti illərində Ağdamda gizli fəaliyyət göstərən Musavat partiyasının üzvü olmuşdur. Görkəmli tarixçi, akademik Ziya Bünyadovun tədqiqatlarına istinadən, Nəriman bəy Axundov Musavat partiyasının üzvü olduğu üçün 1927-ci ildə tutulmuş, bir müddət Solovetsk əsir düşərgəsində olmuşdur.

Nəriman bəy Axundov sürgündən qayıtdıqdan sonra Ağdam Pedaqoji məktəbdə rus dilindən dərs demişdir. Ağdam pedaqoji məktəbdə işlədiyi illərdə imperiyanın yerli nökərləri onu "xalq düşməni" elan etməklə mətbuat səhifələrində əleyhinə böhtan dolu silsilə yazılar çap etdirmişlər.Ağdam pedaqoji məktəbin direktoru Baba Tağızadə, məktəbin komsomol katibi Nəsib Əlizadə, məktəbin müəllimi İsmayıl Ağayev Nəriman bəy Axundovu müdafiə etdikləri üçün xalqa sinfi düşmən kimi təqdim edilmişlər.

Nəriman bəy Axundov ardı-arası kəsilməyən haqsız hücumların qarşısında davam gətirə bilməmiş, ikinci dəfə 1937-ci ildə həbs edilmişdir. O, Azərbaycan SSR XDJK üçlüyünün 11 sentyabr 1937-ci il qərarına əsasən 1937-ci il sentyabrın 15-dən 16-na keçən gecə 41 yaşında güllələnmişdir. Həmin gecə onunla bərabər 97 nəfər qətlə yetirilmişdir. Qətlə yetirilənlərin 86 nəfəri Azərbaycanlı idi. Seyidlidən olan Axund Molla Zülfüqar Axundov, Azad bəy Şirinov da qətlə yetirilən günahsız insanlar arasında idi.

Mənbə[redaktə | əsas redaktə]

  • Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Həmçinin bax[redaktə | əsas redaktə]