Nərmin Kamal

Vikipediya, açıq ensiklopediya
Keçid et: naviqasiya, axtar
Nərmin Kamal
Narmin Kamal.jpg
Doğum tarixi 9 oktyabr 1981 (1981-10-09) (35 yaş)
Doğum yeri Bakı, Flag of the Azerbaijan Soviet Socialist Republic.svg Azərbaycan SSR

Nərmin Kamal — yazıçı.

Həyatı[redaktə | əsas redaktə]

Nərmin Kamal (1981, Bakı) 1997-2003-cü illərdə Bakı Dövlət Universitetində fəlsəfə təhsili alıb. Navarra Universitetində yay fəlsəfə kursunda oxuyub və Boloniya Universitetində qonaq tədqiqatçı olub. 2007-ci ildə Azərbaycan Milli Elmlər Akademiyasının Fəlsəfə İnstitunun Fəlsəfə tarixi şöbəsində ixtisası üzrə əyani aspiranturanı bitirib. Doktorluq dissertasiyası "Umberto Eco və postmodernizm fəlsəfəsi" kitabı kimi iki dəfə (2008, 2012, Qanun nəşriyyatı) nəşr olunub.

Ədəbi yaradıcılığa uşaqlıqdan başlayıb. İlk şeirləri 1988-cu ildə "Pioner" qəzetində çıxıb. 1999-cu ildən Azərbaycan mətbuatında jurnalist, publisist olaraq fəaliyyət göstərib. Üç kitab müəllifidir. "Umberto Eco və postmodernizm fəlsəfəsi" adlı ilk kitabından sonra nəşr olunmuş "Aç, mənəm!" (2010, Qanun) romanı iki yerli mükafat alıb. 2010-cu ildə Nəsimi adına milli ədəbiyyat mükafatının "ilin romanı" nominasiyasında, növbəti ilsə Azadlıq radiosunun "Oxu zalı" səhifəsinin Gənc romançı nominasiyasında qalib olub.

2008-ci ildə Almaniyanın nüfuzlu Young Euro Connect esse yarışmasının Avropa ölkələrinin yazıçıları arasında keçirilən "Avropa qardaşlıq icmasıdırmı?" müsabiqəsində qalib olaraq, BerlinMünhenə öz essesini alman auditoriyası qarşısında oxumaq üçün dəvət olunub. [1] Sonradan həmin müsabiqə tarixində seçilmiş esselərdən ibarət toplu Berlində "Verlag Dr Köster" nəşriyyatında Wolfgang Klein redaktorluğu altında nəşr olunub və N.Kamalın iki essesi də ora daxil edilib.

Nərmin Kamalın alman mətbuatında başqa esseləri də dərc olunub. 2017-ci ildə Almaniyada "Glückliche Wirkungen: Eine literarische Reise in bessere Welten" kitabında bir essesi çap olunub. [1] Başqa bir essesi Almaniyanın Deutsche Welle xəbər agentliyinə məxsus, müsəlman aləmindən bəhs edən Qantara.de saytında çıxıb.

2010-cu ildə Qadın Forumunun təşkilatçılığı və Britaniyanın Bakıdakı səfirliyinin dəstəyilə keçirilən "Azərbaycan qadınının həyatı və düşüncələri" esse yarışmasında onun "Azərbaycan – ənənələrin insan haqlarından üstün olduğu vətənim" adlı essesi 67 esse arasında 1-ci yer tutub.

2011-ci ildə Avstriyanın paytaxtı Vyanada Milo Dor təqaüdü qazanaraq bir ay Kulturkontakt Yaradıcılıq evində qalıb, həmin vaxt Vyana Kitab Sərgisinin nəşr etdiyi bir almanaxda hekayəsi dərc olunub.

23 noyabr 2015-ci ildə Dalğa Gənclər Təşkilatının "Rafiq Tağı mükafatı"na layiq görülüb.[2]

Üçüncü kitabı 2017-ci ildə "Küçədən keçən adam haqda yazılar" esselər toplusu Bakıda "Alatoran Yayınları"nda nəşr olunub. Bu kitabda onun 2000-2016-cı illərdə Azərbaycan mətbuatında çıxmış bədii-publisistik yazılarından seçilmişlər toplanıb.

Nərmin Kamal həm də fəlsəfə və ədəbiyyat nəzəriyyəsi haqda bir sıra əsərləri Azərbaycan dilinə tərcümə edib. Onlardan biri Norveç yazıçısı J.Gaarder'in "Sofinnin dünyası" adlı fəlsəfə tarixi romanıdır.

BBC-nin Azərbaycan səhifəsində requlyar bloq yazır.

Kitabları[redaktə | əsas redaktə]

A book by Nermin Kamal.jpg

İstinadlar[redaktə | əsas redaktə]

  1. Germany-book
  2. "Şərif Ağayara "Rafiq Tağı mükafatı" verildi" (az). kulis.lent.az. 23.11.2015. http://kulis.lent.az/news/13903. İstifadə tarixi: 2015-11-23.

Xarici keçidlər[redaktə | əsas redaktə]

Həmçinin bax[redaktə | əsas redaktə]