Nərmin Kazımova

Vikipediya, azad ensiklopediya
Jump to navigation Jump to search
Chess tile kl-whitebg.svg
Nərmin Kazımova
Nermin Kazimova - Greece October 2010b.jpg
Ölkə  Azərbaycan
Doğum tarixi (29 yaş)
Doğum yeri Əylis, Ordubad rayonu, Naxçıvan, Azərbaycan
Titulu qadınlar arasında qrossmeyster (2015)
Son reytinqi 2323 (fevral 2017)
Maksimal reytinqi 2364 (aprel 2016)
FİDE nömrəsi 13402951
Vikianbarın loqosu Vikianbarda əlaqəli mediafayllar

Nərmin Kazımova (doğ. 28 iyul 1993, Əylis, Ordubad rayonu, Naxçıvan, Azərbaycan) — azərbaycanlı şahmatçı, qadınlar arasında qrossmeyster (2015).

Erkən illəri[redaktə | mənbəni redaktə et]

Nərmin 28 iyul 1993-cü ildə Naxçıvan Muxtar Respublikasının Ordubad rayonunun Əylis kəndində dünyaya gəlib.[1] 2002-ci ildən şahmatla məşğul olmağa başlayıb. O, Bakı şəhərindəki 1 nömrəli İxtisaslaşdırılmış Olimpiya Ehtiyatları Uşaq-Gənclər Şahmat-Dama İdman Məktəbininin yetirməsidir.[1] Məşqçi-müəllimi azərbaycanlı beynəlxalq qrossmeyster Rəsul İbrahimovdur.[1]

Şahmat karyerası[redaktə | mənbəni redaktə et]

2008-ci ildə qadınlar arasında şahmat üzrə Azərbaycan çempionatında ikinci yeri tutub. Bundan əlavə həmin ildə 20 yaşa qədər qızlar arasında Azərbaycan çempionatının bürünc mükafatçısı olub.

2009-cu ilin noyabr ayında Türkiyənin Antalya şəhərində keçirilən gənclər arasında şahmat üzrə Dünya çempionatında üçüncü olub.[2]

2010-cu ilin aprelində Yunanıstanın Saloniki şəhərində keçirilən məktəblilərin Avropa çempionatında ikinci yerə sahib çıxıb.[3] Eyni ilin oktyabr ayında Yunanıstanın Haldiniki şəhərində keçirilən dünya birinciliyində 9 xal toplayaraq 18 yaşlı qızlar arasında dünya çempionatının qızıl medalına layiq görülüb.[4]

2011-ci ildə 18 yaşa qədər qızlar arasında Azərbaycan çempionatında üçüncü yeri tutmuşdur.[5]

2012-ci ildə 20 yaşa qədər qızlar arasında Azərbaycan çempionatında üçüncü yeri tutub.[6]

2015-ci ildə qadınlar arasında şahmat üzrə Azərbaycan çempionatında Nərmin Məmmədova və Türkan Həsənova ilə 2-4-cü yerləri bölüşdürmüşdür. Əlavə göstəricilərə görə Kazımova 2-ci, Məmmədova isə 3-cü yerin sahibi olub.[7]

2016-cı ildə qadınlar arasında şahmat üzrə Azərbaycan çempionatında 9 mümkün xaldan 8 xal toplamış Nərmin Azərbaycan çempionu oldu.[8]

Azərbaycanın qadınlardan ibarət milli komandasının tərkibində 2008-ci ildə İtaliyanın Turin[9] və 2016-cı ildə Azərbaycanın Bakı[10] şəhərlərində keçirilmiş Ümumdünya Şahmat Olimpiadalarında və 2009-cu ildə Serbiyanın Novi Sad şəhərində keçirilmiş komandalar arasında Avropa çempionatında çıxış etmişdir.[11]

Nərmin, 2009-cu ildə qadınlar arasında beynəlxalq usta adına, 2015-ci ildə isə qadınlar arasında beynəlxalq qrossmeyster adına layiq görülmüşdür.[12]

Reytinqi[redaktə | mənbəni redaktə et]

FİDE-nin rəsmi saytında dərc olunmuş 2017-ci ilin fevral ayına olan məlumata görə Nərmin 2323 xalla Azərbaycan qadın şahmatçıları arasında 3-cü,[13] "Top 100 Women February 2017" reytinq cədvəlində isə 154-cü yerdə qərarlaşıb.

İstinadlar[redaktə | mənbəni redaktə et]

  1. ↑ 1 2 3 "İlin ən yaxşı şahmatçısıtrivia". Muallim.edu.az.
  2. ↑ "World Youth Chess Championships 2009". Fide.com.
  3. ↑ "Təhsil Nazirliyinin "Təhsil" Respublika İdman Mərkəzinin məktəblilərdən ibarət komandası aprelin 4-dən 12-dək Yunanıstanın Saloniki şəhərində keçirilən şahmat üzrə məktəblilər arasında Avropa çempionatında iştirak edib". edu.gov.az.
  4. ↑ "Azərbaycan şahmatçıları Abdulla Qədimbəyli, Kənan İzzət və Nərmin Kazımova dünya çempionu adını qazanmışlar". Azertag.az.
  5. ↑ "Şahmat üzrə Azərbaycan çempionatının bütün qalibləri müəyyənləşmişdir". Azertag.az.
  6. ↑ ""20 yaşadək qızlar arasında Azərbaycan birinciliyi"". Chess-results.com.
  7. ↑ "Zeynəb Məmmədyarova qadınlar arasında Azərbaycan Çempionu oldu". Chess.az. 2015-10-02 tarixində orijinalından arxivləşdirilib. İstifadə tarixi: 2017-02-19.
  8. ↑ "Чемпионат Азербайджана среди мужчин и женщин, 2016г.!". Azerichess.az.
  9. ↑ "Kazimova, Narmin Nizami Qizi WOMEN'S CHESS OLYMPIADS". Olimpbase.org.
  10. ↑ "İlham Əliyev 42-ci Ümumdünya Şahmat Olimpiadasının təntənəli açılış mərasimdə iştirak edib". President.az.
  11. ↑ "Kazimova, Narmin Nizami Qizi EUROPEAN WOMEN'S TEAM CHESS CHAMPIONSHIP". Olimpbase.org.
  12. ↑ Titles approved in Krakow, Poland
  13. ↑ "Federations Ranking Women Azerbaijan". Fide.com. 16 Fevral 2017 tarixində arxivləşdirilib.

Xarici keçidlər[redaktə | mənbəni redaktə et]

Vikianbarda Nərmin Kazımova ilə əlaqəli mediafayllar var.

Mənbə — "https://az.wikipedia.org/w/index.php?title=Nərmin_Kazımova&oldid=5737329"