Nəsirəddin Tusi adına Klinika

Vikipediya, açıq ensiklopediya
Jump to navigation Jump to search

Nəsirəddin Tusi adına Klinika – müasir, geniş profilli müalicə-diaqnostika müəssisəsidir. Klinikanın mütəxəssislərinin yüksək kvalifikasiyası və dərin təcrübəsi, dünyanın aparıcı istehsalçılarının müasir tibbi avadanlıqları, istənilən mürəkkəb kliniki məsələnin həllini həyata keçirməyə imkan yaradır.

Nəsirəddin Tusi adına Klinikanın poliklinika şöbəsində kardiologiya, ginekologiya, koloproktologiya, travmatologiya, endokrinologiya, qastroenterologiya, urologiya, andrologiya, dermatologiya, otolorinolarinqologiya üzrə ambulator qəbul aparılır. Qəbulu ali dərəcəli həkimlər, tibb elmləri namizədləri aparır.

Müasir diaqnostik aparatlar qısa bir müddət ərzində dəqiq diaqnoz qoymağa və vaxtında müalicəyə başlamağa imkan yaradır. Klinikanın müxtəlif ixtisaslardan olan həkimlərinin birgə fəaliyyəti pasiyentlərin problemlərini kompleks şəkildə həll etməyə imkan verir.

Klinikanın diaqnostik bazası tibbi görüntüləmə mərkəzi – rəqəmli rentgen aparatı, kompüter və nüvə-maqnit rezonansı tomoqrafı, videoendoskopik aparatlar ilə təchiz olunmuşdur. Ultrasəs diaqnostikası kabinetinin avadanlıqları nəinki daxili orqanların yüksək keyfiyyətli təsvirlərini almağa imkan verir, eyni zamanda orqanlarda qan dövranı, döl barəsində də dəqiq informasiya verir. 3D/4D USM vasitəsilə dölün inkişafı, daxili orqanlarının quruluşu haqqında ətraflı məlumat almaq olar.

N.Tusi adına Klinikanın laboratoriyasında geniş spektrli müayinələr – ümumi kliniki, hematoloji, biokimyəvi, immunoloji, mikrobioloji, sitoloji, tibbi-genetik analizlər aparılır. Tam avtomat avadanlıqlar, yüksək keyfiyyətli reaktiv və test sistemlərin istifadəsi diaqnostik müayinələrin keyfiyyətini bir qədər də artırır. Burada real zaman daxilində hibridizasion-flüoressent deteksiya üsulu ilə polimeraz-zəncirvarı reaksiyalar aparılır.

Cərrahiyyə – klinikanın əsas fəaliyyət istiqamətlərindən biridir. Döşqarın boşluğunda aparılan endoskopik əməliyyatlar cərrahi xidmətin əsas prioritetlərindəndir. Bu əməliyyatların bir çoxu Azərbaycan üçün unikal hesab olunur. Bununla yanaşı klinikada bir çox ənənəvi açıq operativ müdaxilələr aparılır.

Xarici keçidlər[redaktə | əsas redaktə]