NAVI

Vikipediya, açıq ensiklopediya
Jump to navigation Jump to search
NAVI
Navi qrupu 2017-ci ildə Navi qrupu 2017-ci ildə
Əsas məlumat
Üslub
Fəaliyyət
illəri
2013–h.h.
Ölkə Flag of Belarus.svg Belarus
Şəhər Minsk
Dil Belarusca
Heyət Artsyom Lukyanyenka
Kseniya Juk
Alyaksandr Tabolski
Uladzislav Çaşçavik
Uladzimir Beher
VikiAnbarda Commons-logo.svg əlaqəli mediafayllar

NAVI — Artsyom Lukyanyenka (vokalist və gitaraçı), Kseniya Juk (vokalist), Alyaksandr Tabolski (gitaraçı), Uladzislav Çaşçavik (bassist) və Uladzimir Beherdən (təbilçi) ibarət Belaruslu musiqi qrupu. Onlar Belarusu 2017 Avroviziya Mahnı Müsabiqəsində təmsil etmişdirlər.[1]

Yaranma tarixçəsi[redaktə | əsas redaktə]

Başlanğıc[redaktə | əsas redaktə]

NAVI qrupu 2013-cü ildə Artsyom Lukyanyenka və Kseniya Juk tərəfindən Belarusun paytaxtı Minskdə yaranmışdır. Onların ilk mahnısı olan "Abdymi myane" həmin ilin yayında təqdim edilmişdir. Belarusda radio hitə çevrilən mahnı qrupun karyerasının başlanğıcı olmuşdur.

LoviSoncam sahretyja (2014)[redaktə | əsas redaktə]

2014-cü ildə NAVI qrupunun LoviSoncam sahretyja adlı ilk iki albomları işıq üzü görmüşdür. Qrupun musiqi faəliyyəti bir neçə rus, belarus və ukraynalı musiqiçiləri tərəfindən müsbət qiymətləndirilmişdir. Daha sonra qrup ardıcıl olaraq bir çox Belarus telekanallarında çıxış etməyə başlamış, ölkənin Minsk, QrodnoQomel şəhərlərində ilk konsertlərini vermişdirlər. NAVI qrupu eyni zamanda Milad ərəfəsində Moskvanın Dövlət Akademik Böyük Teatrında çıxış etmişdir. 2014-cü ildə qrup Belarusun Drujba, Musical evenings in Mir Castle festivallarında və Polşanın Halfway festivalında da çıxış etmişdir.

Yeni heyət (2015)[redaktə | əsas redaktə]

2015-ci ildə qrupa Alyaksandr Tabolski (gitaraçı), Uladzislav Çaşçavik (bassist) və Uladzimir Beher (təbilçi) də qoşulmuşdur. Yeni heyət ilə qrup Belarus şəhərləri ilə yanaşı Praqa, Varşava, MoskvaSankt-Peterburqda da konsertlər verməyə başlamışdır. Qrup Rusiyada keçirilən Wild Mint Festival, Belarusda keçirilən Slavyan Bazarı və Polşada keçirilən Bardauskaja Vosień festivallarında çıxış etmişdir.

2015-ci ilin yanvar ayında NAVI qrupu "Abdymi myane" mahnısına görə "Belarus dilində ən yaxşı mahnı" kateqoriyasında "Lira" mükafatını qazanmışdır.

Belarusda məşhurluq (2016)[redaktə | əsas redaktə]

2016-cı ildə NAVI qrupu "Heta ziamlia" Belarusun BTRC telekanalının Avroviziya Mahnı Müsabiqəsi üçün təşkil etdiyi milli seçim turuna qatılmışdır. Nəticədə qrup seçim turunda dördüncü yeri tutaraq, Avroviziyada iştirak edə bilməmişdir.

Qrup 2016-cı il ərzində bir çox konsertlər vermiş və eyni zamanda Rusiyada keçirilən Wild Mint Festival, Belarusda keçirilən A-FestMirum Music Festival və Polşada keçirilən Basowiszcza festivallarında iştirak etmişdir. Həmin ildə İngiltərəli müğənni Coss Stoun Minskdə konsert proqramında çıxış edərkən Artsyom və Kseniya ilə birlikdə "Abdymi myane" mahnısını ifa etmişdir.

Avroviziya Mahnı Müsabiqəsi (2017)[redaktə | əsas redaktə]

NAVI qrupu Avroviziya səhnəsində

2017-ci ilin yanvar ayının 20-də NAVI qrupunun "Historyja majho žyccia" (belar. Гісторыя майго жыцця, azərb. Həyatımın hekayəsi‎) mahnısı ilə bir daha Belarusun Avroviziya üçün keçirilən milli seçim turuna qatılacağı təsdiqini tapmışdır. Eyni gündə qrupun Iliuminacyja adlı üçüncü studiya albomu işıq üzü görmüşdür.

Belarusun milli seçim turunda birinciliyi qazanan NAVI qrupu ölkəni "Historyja majho žyccia" mahnısı ilə Ukraynanın paytaxtı Kiyevdə keçirilən Avroviziya 2017-də təmsil etmək hüququ qazanmışdır. Bu Belarusun Avroviziyadakı ilk belarus dilində səslənən mahnısı olaraq müsabiqə tarixinə düşmüşdür.

Müsabiqə üçün uzun sürən hazırlıqlardan sonra NAVI qrupu 11 may tarixində baş tutan müsabiqənin ikinci yarımfinal mərhələsində 14-cü nömrə altında səhnə almışdır. Nəticədə qrup 110 xalla 9-cu yeri tutaraq, Avroviziya 2017-nin finalına yüksəlməyə nail olmuşdur. Qrup finalda ümumi nəticədə 26 ölkə təmsilçisi arasında 83 xalla 17-ci yerdə qərarlaşmışdır.

Avroviziyada iştirakdan sonra qrup Belarusda keçirilən Rock za BobrovMirum Music Festival və Polşada keçirilən Basowiszcza festivallarında çıxış etmişdir. 2017-ci ilin iyun ayında NAVI qrupu Minskdə on mindən artıq insan qarşısında çıxış etmişdir.

Həmin ilin dekabr ayında NAVI qrupunun "A dzie žyvieš ty?" adlı yeni mahnısı təqdim edilmişdir. Dekabrın 8-də qrupun dördüncü studiya albomu Adnoj Darogaj satışa çıxarılmışdır. Təqdim edilidiyi ilk gündən albom Belarus hit paradlarında zirvədə yer almışdır.

Heyət[redaktə | əsas redaktə]

  • Artsyom Lukyanyenka (vokal, gitara) - 13 avqust 1992-ci ildə Belarusun Vitebsk vilayətində anadan olmuşdur.
  • Kseniya Juk (vokal) - 21 dekabr 1991-ci ildə Belarusun Minsk şəhərində anadan olmuşdur.
  • Alyaksandr Tabolski (gitara)
  • Uladzislav Çaşçavik (bass)
  • Uladzimir Beher (təbil)

Diskoqrafiya[redaktə | əsas redaktə]

Albomlar[redaktə | əsas redaktə]

  • Lovi (2014)
  • Soncam sahretyja (2014)
  • Iliuminacyja (2017)
  • Adnoj darohaj (2017)

Sinqllar[redaktə | əsas redaktə]

  • "Abdymi myane" (2013)
  • "Heta ziamlia" (2015)
  • "Kolybelnaya" (2016)
  • "Historyja majho žyccia" (2017)
  • "Biažy" (2017)
  • "A dzie žyvieš ty?" (2017)

İstinadlar[redaktə | əsas redaktə]

Əvvəlki:
İvan
"Help you Fly"
Belarus Avroviziya Mahnı Müsabiqəsində
EuroBielorrusia.svg

2018
Sonrakı:
Alekseev
"Forever"

Xarici keçidlər[redaktə | əsas redaktə]