Nabur müqaviləsi

Vikipediya, azad ensiklopediya
Jump to navigation Jump to search

Nabur müqaviləsi - Rusiya ilə Osmanlı imperiyası arasında bağlanmış müqavilə.

Tarixi[redaktə | əsas redaktə]

1726-cı ildə rus qoşunları silah işlətmədən Müşkür, Niyazabad, Cavad, Salyan, Lənkəran, Astara, Qızılağac, Talış dağlarının bir hissəsini tutdular.

1727-ci il 12 dekabrda Rusiya ilə Osmanlı imperiyası arasında sərhədlərin müəyyənləşdirilməsi barədə Şamaxı yaxınlığında - Nabur kəndində imzalanmış müqaviləyə əsasən ruslar Cavad, Salyan, Şeşpara, Rustov, 1728-ci ildə isə Quba və Təngəyə yiyələndilər. Hacı Davud Təngə qalasını ruslara verməkdən boyun qaçırdı. Şirvanda nüfuzunu itirmiş Hacı Davud baş vermiş hadisələr nəticəsində tərəddüd içərisində idi. Osmanlı imperiyasının hakim dairələri Hacı Davudun hərəkətlərini sədaqətsizlik kimi qiymətləndirərək, onu xanlıqdan uzaqlaşdırdılar.

Mənbə[redaktə | əsas redaktə]

  • Azərbaycan tarixi. Yeddi cilddə. III cild. Bakı,2007.