Nahamar deysiya

Vikipediya, açıq ensiklopediya
Jump to navigation Jump to search
?Nahamar deysiya
Deutzia scabra.jpg
Elmi təsnifat
Aləmi:Bitkilər
Şöbə:Örtülütoxumlular
Sinif:İkiləpəlilər
Dəstə:Zoğalçiçəklilər
Fəsilə:Hortenziyakimilər
Cins:Deysiya
Növ: Nahamar deysiya
Elmi adı
Deutzia scabra
Wikispecies-logo.svg
Vikinövlərdə
sistematika
Commons-logo.svg
Şəkil
axtarışı
IPNI  ???

Nahamar deysiya (lat. Deutzia scabra) — hortenziyakimilər fəsiləsinin deysiya cinsinə aid bitki növü.

Təbii yayılması[redaktə | əsas redaktə]

Yaponiyada və ya Çində yabanı halda bitir. Nahamar, xırda, ulduzlu tükcüklərlə örtülmüş yarpaqlarına görə belə adlandırılmışdır.

Botaniki təsviri[redaktə | əsas redaktə]

Hündürlüyü 2,5 m olan koldur. Zoğlarının qabığı qırmızı və ya boz-qonur rəngli, sonradan tökülür. Yarpaqları sadə, yumurtavari, neştər formasında və ya uzunsov-yumurtavari, kənarları xırda dişli, tüklü, nadir hallarda çılpaq olub, qarşılıqlı düzülmüşdür. Natamam lələkvari damarlıdır. Yarpaqaltıqları yoxdur. Saplaqları 1 sm uzunluqdadır. İyul-avqust aylarında çiçəkləyir. Çiçəkləri ağ və ya açıq çəhrayı, düz dayanan, uzunluğu 12 sm-ə qədər olan ensiz salxımlara yığılmışdır. Çiçəkyanlığı tez töküləndir. Tumurcuqları xırda, 1-2 mm uzunluqda çılpaq pulcuqlarla örtülmüşdür. Meyvəsi şarşəkilli, təpədən çatlayan qutucuqdur, oktyabrın ortalarında yetişir. Toxumları xırda, 1 mm uzunluqdadır. Toxumlarla, oduncaqlaşmış qələmlərlə, kolun bölünməsi ilə çoxalır.

Ekologiyası[redaktə | əsas redaktə]

İşıqsevən olub, torpağa az tələbkardır. Soyuğa davamlı deyildir, ziyanvericilərlə az zədələnir. Küləkdən qorunan yerlərdə əkilməsi və cavan bitkilərin qışda üstünün örtülməsi məsləhətdir.

Azərbaycanda yayılması[redaktə | əsas redaktə]

Böyük Qafqazda çay kənarlarında rast gəlinir.

İstifadəsi[redaktə | əsas redaktə]

Tək və qrup əkinlərində istifadə olunur.

Ədəbiyyat[redaktə | əsas redaktə]

  • Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.