Nakahama Manciro

Vikipediya, azad ensiklopediya
Jump to navigation Jump to search
Nakahama Manciro
(中濱 万次郎?)
Manjiro Nakahama circa 1880, Millicent Library collection (cropped).jpg
Doğum tarixi 27 yanvar 1827(1827-01-27)
Vəfat tarixi 22 noyabr 1898(1898-11-22) (71 yaşında)
Vəfat yeri
Vətəndaşlığı
Fəaliyyəti dilçi, universitet müəllimi[d], tərcüməçi
Vikianbarın loqosu Vikianbarda əlaqəli mediafayllar

Nakahama Manciro (中濱 万次郎?, 27 yanvar 1827 – 22 noyabr 1898, Tokio[d]), eləcə də, digər adları ilə Con Manciro (ing. John Manjirō) və ya Con Mun (ing. John Mung) – ABŞ-yə gedən ilk yaponlardan biri. Yaponiyaya qayıdandan sonra Tokuqava şoqunluğu və Meyci hökuməti üçün işləməyə başlamış, tərcüməçi və təlimçi olmuşdur.

Həyatı[redaktə | mənbəni redaktə et]

ABŞ səfəri[redaktə | mənbəni redaktə et]

Mancironun səyahət xəritəsi (1850-ci illər).

Manciro ABŞ səfərindən əvvəl 1827-ci ildə Tosa əyalətində[a] doğulmuş adi balıqçı idi.[1] 1841-ci ildə Manciro dörd balıqçı ilə birlikdə dənizdə qəzaya uğramış və Tokionun 570 kilometr cənubunda yerləşən və heç kimin yaşamadığı Torişima adasında quruya çıxmışdır.[1] Dörd ay sonra ABŞ-yə məxsus "John Howland" balina ovu gəmisi onları xilas etmişdir.[1] Gəmi onu yoldaşlarını Havay adalarında qoysa da, kapitan Vilyam Vitfild Mancironun intellektindən təsirlənmiş və onu ABŞ-yə dəvət etmişdir.[1] Vitfildin dəstəyi ilə o, Massaçusets ştatının Feyrheyven şəhərində yerləşən məktəbdə oxumuş, çəlləkçilik və balina ovu ilə məşğul olmuşdur.[1] 1849-cu ildə Kaliforniyaya gedərək qızıl hərisliyində iştirak etmişdir.[1]

Manciro ABŞ-də qazandığı pullarla gəmiyə minmiş və 1851-ci ildə Okinava vasitəsilə Yaponiyaya qayıtmışdır.[1] Tokuqava şoqunluğu Yaponiyanı tərk etməyi qadağan etdiyi üçün Manciro Naqasakidə sorğu-sual edilmiş, lakin 1852-ci ildə Tosa əyalətinə qayıtmasına icazə verilmişdir.[1] Tosa əyalətinin yerli daymyosu Mancironu işə götürmüşdür.[1]

Yaponiyada fəaliyyəti[redaktə | mənbəni redaktə et]

1853-cü ildə ABŞ kommodoru Metyü Perri Yaponiyaya gəlib şoqunluqdan ölkənin ticarət üçün açılmasını tələb edəndə Manciro tərcüməçi kimi çağırılmışdır.[1] 1855-ci ildə isə Naqasaki Donanma Təlimi Mərkəzində təlimçi olmuşdur.[1] 1859-cu ildə Yaponiya limanlarının ABŞ ticarəti üçün açılmasından sonra "Anqlo-amerikan söhbəti üçün qısayol"[b] adlı ilk ingilisdilli lüğəti nəşr etmişdir.[1]

1860-cı ildə Harris müqaviləsini ratifikasiya etmək üçün ABŞ-yə göndərilmiş Yaponiya nümayəndəliyində Manciro baş tərcüməçi kimi iştirak etmişdir.[1] 1864-cü ildə ingilis dili, balina ovu və naviqasiya dərsləri verməsi üçün hökumət tərəfindən Satsuma hanına dəvət edilmişdir.[1] 1868-ci ildəki Meyci islahatından sonra yeni hökumət tərəfindən Kaysey məktəbində[c] təlimçi təyin olunmuşdur.[1]

Qeydlər[redaktə | mənbəni redaktə et]

  1. ↑ Hazırda Koçi prefekturası.
  2. ↑ Orijinal adı "Eybey tayva şokey".
  3. ↑ Hazırda Tokio Universiteti.

İstinadlar[redaktə | mənbəni redaktə et]

  1. ↑ 1 2 3 4 5 6 7 8 9 10 11 12 13 14 15 Kodansha Encyclopedia of Japan

Ədəbiyyat[redaktə | mənbəni redaktə et]

  • Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 313. ISBN 0-87011-625-8. İstifadə tarixi: 9 avqust 2022.
Mənbə — "https://az.wikipedia.org/w/index.php?title=Nakahama_Manciro&oldid=7033403"