Nambarın Enxbayar

Vikipediya, açıq ensiklopediya
Keçid et: naviqasiya, axtar
Nambarın Enxbayar
monq. Намбарын Энхбаяр
Nambarın Enxbayar
Bayraq
Monqolustan baş naziri
Bayraq
26 iyul 2000 — 20 avqust 2004
Bayraq
Monqolustan prezidenti
Bayraq
24 iyun 2005 — 18 iyun 2009
Sələfi: Natsagiin Bagabandi
Xələfi: Tsaxia Elbeqdorj
 
Partiya: Monqolustan Xalq İnqilabı Partiyası
Doğum tarixi: 1 iyun 1958(1958-06-01)
Ulan-Bator, Monqolustan
Həyat yoldaşı: Onongiin Tsolmon
Uşaqları: 4

Nambarın Enxbayar (monq. Намбарын Энхбаяр; d. 1 iyun 1958, Ulan-Bator, Monqolustan) — Monqolustan prezidenti (2005-2009).

Həyatı[redaktə | əsas redaktə]

Nambarın Enxbayar 1 iyun 1958-ci ildə Monqolustanın paytaxtı Ulan-Bator şəhərində anadan olmuşdur.

Təhsili[redaktə | əsas redaktə]

İlk təhsilini Ulan-Batordakı rus dili təmayüllü orta məktəbdə almış, oranı bitirdikdən sonra 1975-ci ildə göndəriş ilə Moskva şəhərindəki Qorki adına Ədəbiyyat İnstitutuna daxil olmuşdur[1]. 1980-ci ildə ali məktəbdən filoloq-tərcüməçi ixtisası ilə məzun olmuşdur. 1985-1986-cı illərdə Böyük Britaniyanın Lids Universitetində ingilis dili və ədəbiyyatı üzrə təhsil kurslarında təhsil almışdır.

Karyerası[redaktə | əsas redaktə]

1980-1990-cı illərdə Monqolustan Yazıçılar Birliyində tərcüməçi, redaktor, xarici əlaqələr şöbəsinin müdiri, İcraçı Katib vəzifələrində çalışmış, Monqolustan Tərcüməçilər İttifaqının vitse-prezidenti olmuşdur[1].

Siyasi karyerası[redaktə | əsas redaktə]

1990-1992-ci illərdə Mədəniyyət və İncəsənətin İnkişafı üzrə Dövlət Komitəsinin sədr müavini vəzifəsində çalışmışdır[1].

1992-ci ildə ilk dəfə olaraq ölkə parlamenti olan Monqolustan Dövlət Böyük Xuralının üzvü seçilmişdir[1].

1992-1996-ci illərdə Monqolustanın mədəniyyət naziri vəzifəsində çalışmışdır[1].

1996-1997-ci illərdə Monqolustan Xalq İnqilabı Partiyasının Baş Katibi və Parlament fraksiyasının rəhbəri olmuşdur. 1997-ci ildən 2005-ci ilə qədər Monqolustan Xalq İnqilabı Partiyasına rəhbərlik etmişdir[2]. Qeyd olunan illər ərazində özünün son 75 ildə çətin dövrünü yaşayan Monqolustan Xalq İnqilabı Partiyası müxalifətdə olan siyasi qurum idi[1].

Nambarın Enxbayar 1997-2000-ci illərdə Parlamentin azlıq fraksiyasına da rəhbərlik etmiş və 2000-ci ildə keçirilmiş Parlament seçkilərində 76 deputat yerindən 72-nə sahib olmaqla partiyası qələbə qazanmışdır. Bundan sonra Nambarın Enxbayar Monqolustanın baş naziri seçilmişdir. O, baş nazir olduğu müddətdə o üç dəfə ardıcıl olaraq ilin adamı nominasiyasının qalibi olmuşdur[1].

2004-2005-ci illərdə Monqolustan Dövlət Böyük Xuralının spikeri seçilmişdir. 22 may 2005-ci ildə isə ölkə Prezidenti seçildikdən sonra və partiya sədrliyindən istefa vermişdir[1]. 18 iyun 2009-cu ilə qədər bu vəzifədə olmuşdur.

Şəxsi həyatı[redaktə | əsas redaktə]

Rus və ingilis dillərini mükəmməl bilən Nambarın Enxbayar Plexanov adına Rusiya İqtisadi Akademiyasının Fəxri doktorudur. Monqolustanın ilk siyasi xadimidir ki, xarici ölkələrin rəhbərləri ilə rus və ingilis dillərində tərcüməçinin iştirakı olmadan danışır[1].

Ailəsi[redaktə | əsas redaktə]

Buş və Enxbayar cütlükləri

Onongiin Tsolmon ilə ailəlidir. Onların bu nikahdan dörd övladı vardır. Övladlarının ikisi – 15 yaşlı qızı və 13 yaşlı oğlu Rusiya Federasiyasının Monqolustandakı səfirliyinin nəzdində fəaliyyət göstərən orta məktəbdə təhsil alırlar[1].

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Nambarın Enxbayar ilə əlaqəli mediafayllar var.