Namiq Abbasov (general)

Vikipediya, açıq ensiklopediya
Jump to navigation Jump to search
Infobox-realisateur.png
Namiq Abbasov
Fotoqrafiya
bayraqAzərbaycan Respublikasının Özbəkistandakı Fövqəladə və Səlahiyyətli Səfiribayraq
16 dekabr 2004 — 31 oktyabr 2012
Sələfi Aydın Əzimbəyov
Xələfi Hüseyn Quliyev
bayraqAzərbaycan Respublikasının Milli Təhlükəsizlik Naziribayraq
22 mart 1995 — 23 iyul 2004
Sələfi Nəriman İmranov
Xələfi Eldar Mahmudov

Doğum tarixi
22 fevral 1940 (1940-02-22) (78 yaş)
Doğum yeri Ordubad, Naxçıvan MR, Azərbaycan

Namiq Rəşid oğlu Abbasov — Azərbaycanın sabiq Milli Təhlükəsizlik naziri (1995-2004), Azərbaycanın Özbəkistandakı fövqəladə və səlahiyyətli səfiri (2004-2012), general-polkovnik (2002).

Həyatı[redaktə | əsas redaktə]

Namiq Abbasov 22 fevral 1940-cı ildə Naxçıvan Muxtar Respublikasının Ordubad şəhərində anadan olmuşdur. 1962-ci ildə Azərbaycan Dövlət Universitetinin Jurnalistika fakültəsini bitirmişdir.

1962-1976-cı illərdə "Abşeron" qəzetində rəhbər vəzifədə çalışmışdır. 1970-ci ildən partiya işinə keçmiş, Abşeron Rayon Partiya Komitəsinin ikinci katibi vəzifəsində işləmişdir.

1977-ci ildən təhlükəsizlik orqanlarında fəaliyyətə başlamışdır. 1979-cu ildə SSRİ Dövlət Təhlükəsizlik Komitəsinin Ali Məktəbini bitirmişdir. 1992-ci ilədək Azərbaycan SSR Dövlət Təhlükəsizlik Komitəsində şöbə rəisinin müavini, şöbə rəisi, Azərbaycan SSR Dövlət Təhlükəsizlik Komitəsi sədrinin müavini kimi vəzifələrdə işləmişdir.

1992-1994-cü illərdə Azərbaycan Respublikası Milli Təhlükəsizlik nazirinin müavini və birinci müavini olmuşdur. 1994-cü ilin oktyabr ayından 1995-ci ilin mart ayınadək Azərbaycan Respublikasının Milli Təhlükəsizlik naziri vəzifəsini icra etmişdir. 1995-ci ilin mart ayından 2004-cü ilin iyul ayınadək isə Azərbaycan Respublikası Milli Təhlükəsizlik naziri vəzifəsində çalışmışdır.

Azərbaycan Respublikası Prezidentinin 15 may 1994-cü il tarixli Fərmanı ilə “general-mayor”, 27 dekabr 1995-ci il tarixli Fərmanı ilə “general-leytenant”, 15 yanvar 2002-ci il tarixli Fərmanı ilə “general-polkovnik” hərbi rütbələri verilmişdir.

2004-2012-ci illərdə Azərbaycan Respublikasının Özbəkistan Respublikasındakı fövqəladə və səlahiyyətli səfiri vəzifəsində çalışmışdır.